Бүгін Созақ аудандық «Мыңжылқы» мәдениет үйінде 23 маусым – Қазақстан полициясы күніне арналған мерекелік шара өтті. Шараны аудан әкімі Мұхит Тұрысбеков ашып, ізгі тілегін арнады. Полиция қызметі бүгінде ерекше жауапкершілікті талап ететін сала екенін атап өтті.

Бүгін Қазақстан Республикасы Парламенті Мәжілісінің депутаты Ұласбек Сәдібеков ауданға жұмыс сапарымен келіп, бірқатар әлеуметтік және инфрақұрылымдық нысандарды аралады. Сапар аясында аудандық ардагерлер үйінде жергілікті қариялармен кездесіп, Парламент қабырғасында атқарылып жатқан жұмыстар жөнінде ақпарат берді.

Созақ ауданында «Қоғамда заң мен тәртіп идеологиясын ілгерілету жөніндегі 2025-2030 жылдарға арналған тұжырымдама» аясында форум өтті. Шараны Созақ ауданы әкімінің орынбасары Алтын Кунтуқызы ашып, жүргізіп отырды. Кездесудің басты мақсаты -құқықтық мәдениетті арттырып, тұрғындарға заңнамалық түсіндіру жұмыстарын жүргізу арқылы азаматтардың заңға деген құрметін күшейтуге және тәртіпті сақтау мен құқықбұзушылықтың алдын алу.

Созақ ауданының әкімі Мұхит Тұрысбековтің төрағалығымен кәмелетке толмағандар арасындағы құқық бұзушылықтың алдын алу мәселелері бойынша жиын өтті. Жиында аудан басшысы кәмелетке толмағандардың қауіпсіздігін қамтамасыз ету, құқықтарын қорғау және салауатты өмір сүру жағдайларын қалыптастырудың маңыздылығына тоқталып, бұл бағытта мемлекеттік органдар мен ата-аналардың бірлескен жұмысының аса қажет екенін атап өтті.

Созақ ауданы аумағындағы «Жұмбақ тау» этно-лагерінде өткен «JasSAQ» республикалық этно-реалити жобасы аясында салт-дәстүр мен ұлттық спорт түрлерін жаңғыртуға бағытталған танымды сайыстар ұйымдастырылды.

Аудан аумағындағы «Жұмбақ тау» этно-лагерінде республикалық деңгейдегі тың бастама – «JasSAQ» телевизиялық этно-реалити жобасы ұйымдастырылды.

«Білім туралы» ҚР Заңының 6-бабына сәйкес, республикалық маңызы бар қаланың жергілікті атқарушы органы – әкімдік өңірлік кәсіпкерлер палаталарының және мүдделі ұйымдардың ұсыныстарын ескере отырып, жоғары және жоғары оқу орнынан кейінгі білім бар кадрларды даярлауға арналған мемлекеттік білім беру тапсырысын бекітеді және білім беру ұйымдарында орналастырады.

Осыған орай, Шымкент қаласы әкімінің 2025 жылғы 14 шілдедегі №39-ө өкімімен арнайы комиссия құрылып, 15 шілдеде бакалавриаттың 25 білім беру бағдарламасы бойынша 285 грант бөлінді.

Конкурсқа барлығы 10 жоғары оқу орны өтінім беріп, ҚР Білім және ғылым министрінің 2016 жылғы 29 қаңтардағы №122 бұйрығымен бекітілген қағидаларға сәйкес өткізілген конкурс нәтижесінде және комиссияның 12 тамыздағы шешімі негізінде бөлінген орындар 6 ЖОО-на орналастырылды. Оның ішінде 3 университет Шымкент қаласында, 3 университет Алматы қаласында орналасқан.

Грант бөлінген жоғары оқу орындары:

1. М.Әуезов атындағы Оңтүстік Қазақстан университеті – 226 орын;

2. Ө.Жәнібеков атындағы педагогикалық университет – 20 орын;

3. Оңтүстік Қазақстан медицина академиясы – 1 орын;

4. Т.Жүргенов атындағы Қазақ ұлттық өнер академиясы – 23 орын;

5. Нұр-Мүбарак Египет ислам мәдениеті университеті – 10 орын;

6. Мұхаметжан Тынышбаев атындағы ALT университеті – 5 орын.

Комиссия шешімімен 14–20 тамыз аралығы талапкерлердің таңдаған жоғары оқу орындарына әкімдік грантына құжат тапсыру мерзімі ретінде белгіленді. Өтініш қабылдау туралы хабарландыру қалалық білім басқармасының ресми сайтында және әлеуметтік желілерде жарияланды. Сонымен қатар, Ұлттық тестілеу орталығының жауапты қызметкерлері талапкерлерге қажетті кеңестер берді.

Әкімдік грантын иелену үшін тапсырылатын құжаттар:

• ректор атына өтініш;

• білім туралы құжат (түпнұсқа);

• жеке куәлік көшірмесі;

• 3х4 көлеміндегі 6 фотосурет;

• 075-У нысанындағы медициналық анықтама;

• ҰБТ сертификаты;

• ведомостан үзінді (арнаулы/шығармашылық болған жағдайда);

• білім беру грантын тағайындау туралы электрондық куәлік (бар болса);

Шымкент қаласында 2025–2026 оқу жылы 305 мектепте 271 600 оқушымен басталады. Оның ішінде 164 мемлекеттік және 141 жекеменшік білім беру ұйымы жаңа оқу жылына кіріседі.

Созақ ауданының әкімі Мұхит Тұрысбеков аудан орталығында жүзеге асып жатқан құрылыс нысандарын аралап, атқарылып жатқан жұмыстардың барысын бақылауына алды.

2025 жылы Шымкент қаласында көпқабатты тұрғын үйлерді жаңғырту жұмыстары белсенді түрде жүргізілуде. Құрылыс басқармасына қарасты «Тұрғын үй Шымкент» ЖШС тарапынан қала аумағындағы 26 көпқабатты үйдің жалпы мүлкіне күрделі жөндеу жұмыстарын жүргізу жоспарланған. Оның ішінде Әл-Фараби ауданында – 20, Тұран ауданында – 4 және Еңбекші ауданында – 2 тұрғын үй бар.

Қазіргі таңда Әл-Фараби ауданындағы 5 көпқабатты үйдің жөндеу жұмыстары толық аяқталды. Олар: Күншығыс шағынауданындағы №25 және №37 үйлер, 17-шағынаудан №9/А үй, Рашидов көшесіндегі №25/Б үй және Жангелдина көшесіндегі №18 үй. Қалған 21 үйдің күрделі жөндеу жұмыстары жыл соңына дейін кезең-кезеңімен аяқталатын болады.

Жоспар бойынша, Әл-Фараби ауданында тағы 15 үйде жөндеу жұмыстары жүргізіледі. Олар: Володарский көшесі №9, 16-шағынаудан №9, №40, №41 және №23 үйлер, Күншығыс шағынауданындағы №8, №108А, №23 үйлер, Ә.Жангелдин көшесі №22А, Сайрам көшесі №12 үй, 18-шағынаудан №59, №18 және №24 үйлер, 17-шағынаудан №17 үй, сондай-ақ Сайрам шағынауданындағы №6 үй.

Еңбекші ауданында екі көпқабатты үйде жөндеу жүргізілуде. Олар: Уәлиханов көшесі №188 және Елшібек батыр көшесі №118 үйлер. Ал Тұран ауданында төрт үй жөнделеді: Отырар шағынауданындағы №41 үй, А. Асқаров көшесі №32А, А. Байтұрсынов көшесі №67А және 4-шағынаудан №21 үй.

Сонымен қатар, қаладағы көпқабатты үйлердің тозығы жеткен жедел сатыларын (лифтілерін) ауыстыру жұмыстары да қолға алынған. Биыл 17 лифт жаңартылады. Оның ішінде Әл-Фараби ауданында – 1 (Рашидов көшесі №26 үй), Тұран ауданында – 1 (Темірлан тас жолы №1Г), Қаратау ауданында – 15 лифт. Қаратау ауданында Нұрсәт шағынауданындағы бірнеше үйлерде және Назарбаев көшесіндегі тұрғын үйлерде лифттер ауыстырылады. Атап айтқанда: Нұрсәт шағынауданындағы №134А, №134Б, №212, №213, №215, №216, №219, №221 үйлер, Назарбаев көшесі №24 және №26 үйлер, Астана көшесі №100 үй, сондай-ақ Нұрсәт-2 шағынауданындағы №23А, №23Б және №31 үйлер.

Жоспарланған барлық күрделі жөндеу және лифттерді ауыстыру жұмыстары ағымдағы жылдың соңына дейін толық аяқталады деп күтілуде.