Түркістан облысында жастарды тұрақты жұмыспен қамту бағытында маңызды қадам жасалды. Түркістан облысы «Еңбек мобильділігі орталығы» КММ директоры Абзал Қазанқаповтың бастамасымен, техникалық және кәсіптік білім беру ұйымдары мен өңірдегі ірі кәсіпорындар арасында үшжақты ынтымақтастық меморандумына қол қойылды.
Мемлекет басшысының 2025 жылды «Жұмысшы мамандықтар жылы» деп жариялауына орай Түркістан облысында бос жұмыс орындар жәрмеңкесі өтті. Осы арқылы 40-тан аса жұмыс беруші мекеме өңірдегі колледж түлектеріне 1550 жұмыс орнын ұсынды.
Түркістан өңірінде пробация қызметі есебінде тұрған азаматтарды қайта өмірге бейімдеу, әлеуметтендіру және жұмыспен қамту шаралары тиісті деңгейде атқарылуда. Бүгін облыстық прокуратура ғимаратында пробация есебіндегі жаза өтеушілердің қайта қылмыс жасауына жол бермеу мен алдын алу, оларға әлеуметтік-құқықтық көмек көрсету мәселелері қаралды. Мәжіліс облыс прокурорының бірінші орынбасары Данияр Сыздықов төрағалығымен өтті.
Бүгін Түркістан облысы әкімінің орынбасары Бейсенбай Тәжібаев кезекті жеке қабылдауын өткізді. Өзі жетекшілік ететін білім, денсаулық сақтау, жұмыспен қамту және әлеуметтік салалар бойынша шағымдарға назар салды.
Созақ ауданының орталығы Шолаққорған ауылында тұрғын үй және әлеуметтік инфрақұрылым саласында ауқымды жұмыстар атқарылуда. Бүгінде Жеткіншек мөлтек ауданында жеке инвесторлардың қолдауымен 2 қабатты 3 тұрғын үйдің құрылысы жүргізілуде. Әр үйде 8 пәтерден, жалпы 24 пәтер қарастырылған. Сонымен қатар, екі пәтерлі 13 тұрғын үйдің құрылысы басталды.
ҚР Еңбек және халықты әлеуметтік қорғау министрі Светлана Жақыпова Үкімет отырысында қауіпсіз еңбек жағдайларын қамтамасыз ету және еңбек саласын цифрландыру туралы айтты. Мемлекет басшысы алға қойған міндеттерді іске асыру үшін Еңбек министрлігі 10 бағыт бойынша жоспарлы жұмыс жүргізуде, деп хабарлайды ведомствоның баспасөз қызметі.
«Қызғалдақ» сарайында Шымкент қаласының әкімдігі мен қала прокуратурасының бірлескен Алқа отырысы жаңа форматта, кеңейтілген құраммен өтті.
Аудан аумағындағы ауылдар мен елдімекендердің ішкі жолдарын жақсарту бағытындағы жұмыстар кезең-кезеңімен жалғасуда. Бүгінгі күнге дейін Құмкент ауылы мен Қызылкөл елдімекенінде жалпы ұзындығы 11,21 шақырым болатын ішкі көшелерге асфальт жабындысы төселді. Сонымен қатар Ақсүмбе, Сарыжаз, Шаға және Раң елді мекендеріндегі ұзындығы 6,51 шақырымды құрайтын ішкі көшелері де асфальтталды.