Сауран ауданының әкімі Мақсат Таңғатаров Үшқайық ауылдық округіне арнайы жұмыс сапарымен барып, жаңадан бой көтергелі жатқан өндіріс орындарын аралады. Кәсіп бастаушы азаматтар өз жобаларын таныстырып, аудан экономикасын дамытуға қосатын үлестері туралы баяндады.

Сауран ауданына қарасты Бабайқорған ауылдық округінде 20 гектар аумақта ірі қара мал бордақылау алаңының құрылысы бастау алды. Таяуда аудан әкімі Мақсат Таңғатаров құрылыс алаңына барып, жүргізіліп жатқан жұмыстардың барысымен танысты.

1-9 мамыр аралығында Алматы облысындағы «Қапшағай» су қоймасында желкенді спорттан Қазақстан чемпионаты өтті. Жарысқа Алматы, Қарағанды, Түркістан, Жетісу облыстарынан және Алматы мен Қонаев қалаларынан 70 үздік спортшы қатысты. Олар «Финн», «470», «Луч», «Луч-2», «Луч-радиал», «Луч-мини», «Лазер», «Оптимист», «Кадет» сайыстарында бақ сынасты.

Ескі Иқан ауылдық округінде «Мал бордақылау және малшы үйі» құрылысын жүргізу үшін жалпы көлемі 20 гектар жер телімі белгіленіп, ауқымды жобалар қолға алынды. Бұл бастама ауыл шаруашылығы саласын өркендетуге және ауыл тұрғындарын жұмыспен қамтуға бағытталған.

Ұлы Жеңістің 80 жылдығына орай Арыс қалалық орталық стадионында «Ерлікке тағзым, ұрпаққа үлгі!» тақырыбымен салтанатты жиын өтті. Мерекелік шараға қала әкімі Қайсар Маңқараев, зиялы қауым өкілдері, ардагерлер, жастар мен қала қонақтары қатысты.

Сауран ауданы Қарашық ауылдық округінде 10 гектар аумақта бой көтеріп жатқан өндірістік аймақтың құрылысы қарқынды түрде жалғасуда. Аудан әкімі Мақсат Таңғатаров құрылыс алаңына барып, атқарылып жатқан жұмыстардың барысымен танысты.

Отырар ауданында 9 мамыр - Ұлы Жеңістің 80 жылдығы мен 7 мамыр – Отан қорғаушылар күні мерекесіне орай аудан әкімі Қайрат Жолдыбайұлы алтын құрсақты аналарды қабылдап, құрмет көрсетті. Ардақты жандарға ҚР Президентінің Жарлығымен «Алтын алқа» және «Күміс алқа» төсбелгілерін табыстады.

Отырар ауданында 9 мамыр - Жеңістің 80 жылдығы мерекесіне орай «Ер есімі - Ел есінде» атты салтанатты шара өтті. Көксарай ауылында өткен меркелік жиында Отырар ауданының Құрметті азаматы, меценат Жанысбеков Оразхан Кенжеғұлұлының демеушілігімен Ұлы Жеңістің 80-жылдығына орай қайта жаңғыртудан өткен «Көксарай құтты мекенім» естелік саябағының ашылуы өтті.

Түркістан облысы әкімінің орынбасары Талғат Қозбеков Өзбекстан Республикасынан келген «Samarkand irrigation system» ЖШС директоры Санжар Абиловпен кездесіп, келіссөздер жүргізді. Кездесу барысында тараптар Түркістан өңірінде жаңа инвестициялық жобаларды жүзеге асыру жайын талқылады. Инвесторлар Сауран ауданындағы шағын өндірістік паркінде жаңбырлатып және тамшылатып суару жүйелерін өндіретін кәсіпорын ашуға ниетті.

Аудан әкімі Қайрат Жолдыбайұлы, аудандық мәслихаттың төрағасы Уәлихан Ұзақов және аудандық қорғаныс істер жөніндегі бөлім басшысы подполковник Мұхтар Әуезұлы мереке қарсаңында Ұлы Отан соғысы ардагерлерінің жесірлерінің шаңырағында болып, мерекемен құттықтады. Қарт аналардың үйіне арнайы барған аудан басшылары ардақты жандарға сый-сияпат жасап, құрмет көрсетті.