Заң-заман

Мақтаарал: Зорлық-зомбылықтың алдын алу акциясы

Отбасы ішіндегі зорлық-зомбылықтың алдын-алу бойынша үнпрақша таратылды.

Қазақстан Республикасындағы жалпы әлеуметтік және экономикалық ахуалдың қазіргі кездегі жағдайында отбасы ішіндегі зорлық-зомбылыққа қарсы іс-әрекет проблемасы өте өзекті. Ел үшін күрделі кезеңде келеңсіз үдерістердің дамуы тұрақсыздандыру құбылыстарына әкеледі, сол сияқты отбасына да келеңсіз әсерін тигізеді.

"Жастар ресурстық орталығы" КММ-нің мамандары және "Жүректен жүректе" еріктілер тобы отбасындағы "зорлық-зомбылықтың" алдын алу мақсатында халық көп шоғырланған жерлерде үгіт насихат жұмыстарын жүргізді.

Қазіргі заманғы отбасы көптеген қолайсыз, кейде тіпті криминогендік факторлардың аясында дағдарысты басынан кешіп отыр. Ер адам мен әйел арасындағы қарым-қатынастар заңды түрде бекітуді мұқтаж етеді. Ерлі-зайыптылар арасындағы өзара қарым-қатынастардың үйреншікті қалпы бұзылды: отбасы өз тұрақтылығынан айырылды, айырылысу ерекше фактіден қалыптыға айналды, ата-ананың ықпалы әлсіреді. Туыстар арасындағы даулар жиі қылмысты сипатта: ұрып-соғудан кісі өлтіруге дейін орын алуда.

Зейнетке шығарып беремін деп алаяқтық жасаған ер адам анықталды

Жетісай аудандық полиция бөліміне жергілікті тұрғын арызданды. Әйел адамның айтуынша, оның танысы әкесін межелі жасқа толуына байланысты зейнеткерлікке шығарып беремін деп, әбден сеніміне кірген. Осылайша одан ақы ретінде 100 000 теңгеден астам ақша алған. Алайда не ақшасын қайтармай, не берген уәдесін орындамаған. Аталған жайтты полиция қызметкерлері ҚР ҚК-нің 190-бабы «Алаяқтық» бойынша тіркеуге алды.

Хабарлама түскен бойда тәртіп сақшылары бірден іске кірісті. Олар алаяқтық қылмысын ашу үшін, қажетті жұмыстарды жүзеге асырды. Полицейлер жедел-іздестіру шараларын жүргізіп, нәтижесінде қылмысқа қатысы бар ер адам анықталды. Ол жұмыссыз жүрген, жергілікті тұрғын болып шықты.

Анықталғандай, күдікті жігіт оңай олжалы болу мақсатында осындай әрекеткен барған. Ол алған ақшаны, бас пайдасының қажеттілігі үшін жаратып жіберген. Қазіргі таңда оқиғаның толық мән-жайы анықталып, іс-құжаттар Жетісай аудандық сотына жолданды.

Түркістан облысының полицейлері тұрғындарға алаяқтыққа тап болмас үшін, күмәнді қызмет ұсынатындардан сақ болуды ескертеді. Егер де, сіз, алаяқтыққа тап болсаңыз немесе куәсі болсаңыз, бірден полицияға хабарласыңыз

870 түп есірткі мен пластмасс ыдыстарға салынған марихуана тәркіленді

"Қарасора-2022" жедел-профилактикалық іс-шарасы аясында ҚР ІІМ Есірткі қылмысына қарсы іс-қимыл департаменті мен ҚР Ұлттық қауіпсіздік комитеті, ҚР Ұлттық ұланының "Бүркіт" арнайы жасағы және Түркістан облысы ПД полицейлері бірлесіп, кезекті есірткі егістігін анықтады. Яғни жедел уәкілдер Отырар ауданы Босаға ауылы маңындағы алаңда әуежолы арқылы ұшу кезінде, егілген сора есірткісіне ұқсас өсімдіктер табылды.

Полицейлер тінту кезінде 850 түп өсіп тұрған, 20 түп шабылған өсімдік және 5 дана пластмасс ыдыстағы марихуанаға ұқсас есірткі затын тәркіледі.

Аталған жайт ҚР ҚК-нің 300-бабының 2-бөлігі "Құрамында есірткі заттары бар, өсіруге тыйым салынған өсімдіктерді заңсыз өсіру" бойынша тіркелді. Алынған заттай дәлелдемелер сараптамаға жіберілді. Ол зерттеу қорытындысына сәйкес, жалпы салмағы 15 келіден асатын "кептірілген марихуана" болып шықты.

Жедел-іздестіру іс-шараларының нәтижесінде полиция қызметкерлері Қызылорда облысының екі тұрғынын анықтады, олардың біреуі бұрын сотты болған.

Қазіргі уақытта аталған жайт бойынша сотқа дейінгі тергеу амалдары жүргізілуде. Күдіктілер қамауға алынды. Тергеу сезіктілердің есірткі заттарын қандай мақсатта өсіргенін және сақтағанын анықтайды.

Түркістан облысының полицейлері азаматтарға есірткінің заңсыз айналымына байланысты қылмыс жасағаны үшін қатаң қылмыстық жауапкершілік барын ескертеді. Егер де, сіз,есірткі заттарын заңсыз сақтау немесе өткізу деректері туралы қандай да бір ақпарат болса, дереу полицияға 102 телефоны бойынша хабарласыңыз.

«Заңды білместік жауапкершіліктен құтқармайды»

Түркістан облыстық Қоғамдық кеңестер және басқармалардың іс-шараларды өткізу кестесіне сәйкес, Түркістан облыстық Полиция департаменті мен Түркістан қалалық Полиция басқармасы құқық тәртібін жақсарту мақсатында іс-шара өткізді.

Шараға Түркістан облыстық Қоғамдық кеңесінің мүшесі, тұрақты комиссияның төрағасы, «Ontustik Qazaqstan» газетінің бас редакторы А.Балажан, Түркістан облыстық қоғамдық кеңесінің мүшесі З.Чалданов, Түркістан қалалық Полиция басқармасының қызметкері полиция капитаны Марат Омаров, Түркістан облысы ПД ЖПҚБ-ның жұмысын ұйымдастыру және қадағалау тобының инспекторы полиция капитаны Көкаршын Қанат, Түркістан облысы Полиция департаментіне бағынысты айдауыл взводының арнайы топ полицейі, полиция кіші сержанты Сулайман Пірметов, Кентау қалалық полиция бөлімі ЖҚП УПИ полиция аға лейтенанты Мақсат Абдрей қатысты.

Іс-шараның негізгі мақсаты - "Заңды білместік жауапкершіліктен құтқармайды" тақырыбында түсіндіру жұмыстарын жүргізу.

Жиын кезінде тәртіп сақшылары арнайы мектептерге барып, оқушылармен жолда жүру қағидаларын сақтау бойынша түсіндірме жұмыстарын жүргізді. Оларға жалпы ережелер жайлы толық айтылып, жолда жүру өздерінің өмірлерін сақтайтындығын ескертіп өтті.

Полицейлер тұрғындарға қаланың үлкен көшелерінде, базар аумағында үлкен жолдардан жаяу жүргіншілер жолы арқылы өтуі ескертілді.

Мақтаарал: «Жолда қабылдау» акциясының екінші күні!

Бүгін халық арасында құқықтық түсіндіру жұмыстарын жүргізу, азаматтардың көкейіндегі сұрақтарына жауап беру, аудан тұрғындарының өзекті мәселелеріне назар аудару және т.б. құқықтық көмек көрсету мақсатында Мақтаарал ауданы, Мырзакент кентінің орталығында «Жолда қабылдау» акциясының екінші күні өткізілді.

Аудан тұрғындарымен кездесуде аудандық полиция бөлімінің бастығы, бастықтың орынбасарлары, әкімшілік полиция, көші-қон, жол патрульдік полициясы және жол қозғалысы қауіпсіздігі саласының қызметкерлері халықты жеке қабылдауда...!

Мақтаарал: Жол қауіпсіздігі бойынша кешкі рейдтік іс-шара!

Жарақаттанудың барлық түрлерінің ішінде адамдардың денсаулығы мен өміріне аса қауіпті жол-көлік жарақаттары болып табылады. Осы орайда Мақтаарал АПБ ЖПҚ қызметкерлері жол көлік оқиғаларының алдын алу, болдырмау мақсатында күнделікті күндіз - түні тынымсыз рейдтік іс-шаралар өткізеді!

Күнделікті жедел ақпар жол қозғалысы ережелерін өрескел бұзу фактілеріне толы. Полиция қызметкерлерінің ескертулеріне қарамастан көптеген жүргізушілер мен жаяу жүргіншілер белгіленген ережелерді елемейді.

Сондықтан құрметті Мақтаарал ауданының тұрғындары, жүргізушісі мырзалар, Сіздерден көлік басқару барысында жол ережелерін қатаң сақтап, жауапкершілікпен қарауларыңызды сұраймыз!

Назарларыңызға Мақтаарал АПБ ЖПҚ қызметкерлерінің жол қауіпсіздігі бойынша кешкі рейдтік іс-шарадан қысқаша бейне ролик ұсынамыз!

Төлеби: «Жолда қабылдау» акциясы басталды

Әкімшілік құқық бұзушылықтар бойынша салынған айыппұлды төлеу тәртібі, көлік құралдарын тіркеу, есептен шығару, жаңадан мемлекеттік нөмір алу, жүргізушілік куәліктерін алу, көлік құралдарын қайта жабдықтау, қаруды алу мен сақтауға рұқсат алу, жол қозғалысы ережелерін бұзу фактісі бойынша сауалдардың жиі қойылатыны ескеріліп, үстіміздегі жылдың 09 қыркүйекте «Жолда қабылдау» акциясы басталды.

Төлеби АПБ-нің басшылығы мен қызметкерлері азаматтарды қабылдау бөлмесінде аудан халқын мазалаған сұрақтары бойынша қабылдайды.

Акцияның алғашқы күні бөлім бастығының орынбасары полиция подполковнигі А.Жақыпбекұлы, ӘПБ бастығы полиция майоры А.Наштай тұрғындарды қабылдап, арыз-шағымдары мен өтініш-тілектерін тыңдап, құқықтық кеңес берді.

Акция 09-10 қыркүйек күндері сағат 09:00-ден 19:00-ге дейін өткізіледі.