Қазіргі таңда Түркістан облысы аумағында су тасқынынан келер қауіп жоқ. Жағдай қалыпты, тұрақты бақылауда. Бұл туралы өңірлік коммуникациялар қызметінде өткен брифингте облыстық төтенше жағдайлар департаментінің бастығы Нұрғали Жүнісов мәлімдеді.
Бұл туралы Түркістан облысы ТЖД басшысы Нұрғали Жүнісов 2022 жылғы 12 айда атқарылған жұмыстары туралы баяндамасында айтты.
Сайрам ауданы Төтенше жағдайлар басқармасы қызметкерлері, № 6 ӨСБ –нің қызметкерлері, Ақбұлақ ауылы әкімдігінің қызметкерлері бірігіп, «Өрт қауіпсіздігі» және «Улы газдан уланудың алдын алу» бойынша рейдтік іс-шаралар жүргізді.
"Аманат" партиясы Түлкібас аудандық филиалының төрағасы Қ. Еркебаев "Сыбайлас жемқорлықтың алдын алу жол бермеу" тақырыбында Түлкібас ауданының Төтенше жағдайлар бөлімі мен №2 мамандандырылған өрт сөндіру бөлімінің қызметкерлеріне түсіндірме жұмыстарын жүргізді.
Арыс ауданының Төтенше жағдайлар бөлімінің қызметкерлері мен М. Ғабдуллин атындағы азаматтық қорғау академиясының 4 курс курсанттары: С.Байқозы, Е.Тоғанбай және Арыс қаласы «Ішкі саясат бөлімі» ММ-і «Жастар ресурстық орталығы» КММ-нің қатысуымен «Тұрғын үй секторында өрт қауіпсіздігі шараларын сақтау» бойынша қала тұрғындарының үй иелеріне барып, арнайы түсіндірме жұмыстары жүргізілді.
Түркістан облысы Сарыағаш ауданының төтенше жағдайлар бөлімінің қызметкерлері, №4 Ю.Гагарин атындағы жалпы орта білім беру мектеп ұжымы, аудандық медициналық және қоғамдық тәртіп сақшыларымен бірлесіп, Сарыағаш ауданының эвакуациялық комиссиясының төрағасы, аудан әкімінің орынбасары Н.Талипов қатысумен “Эвакуациялық қабылдау №7 пунктінде” зардап шеккен адамдарды қабылдау бойынша оқу-жаттығу өткізілді.
Шымкентгарнизоныныңбаспасөзқызметінің таратқан мәліметіне сүйенсек, 7 мамыр - Отан Қорғаушылар күні қарсаңында, Шымкентте жалпы білім беретін мектептердің 100-ге жуық оқушысы Шымкент гарнизонының әуе шабуылына қарсы қорғаныс бригадасында қонақта болды. Әскери қызметшілердің жұмысымен танысты.
Бақылау-өткізу пунктінде балаларды бригада командирінің тәрбие жөніндегі орынбасары майор Дінмұхамед Нұрақаев қарсы алды. Қысқа нұсқамадан кейін оқушылар бөлімнің аумағына кірді. Бірінші кезекте балаларға әуе шабуылына қарсы қорғаныс әскерлерінің негізгі міндеттері туралы айтылды. Бөліммен танысу барысында оқушылар әскери қызметшілердің күнделікті өмірі, әскери кәсіптің ерекшеліктері мен артықшылықтары туралы ақпарат алды. Ал қызығушылық танытқан балалар Қорғаныс министрлігінің әскери жоғары оқу орындарына түсу ережелерімен танысты.
Әрі қарай балаларды асханамен, спорт қалашығымен және мерзімді қызметтегі әскери қызметшілер тұратын үй-жайлармен танысты. Саптық алаңда балаларға арналған қару-жарақ пен әскери техника үлгілерінің көрмесі ұйымдастырылды. Әскери қызметшілер заманауи қару-жарақ пен әскери техниканың, сондай-ақ байланыс құралдарының мүмкіндіктері туралы айтып берді. Оқушылар атыс қаруының әртүрлі үлгілерін бөлшектеп-жинауға, жалпы әскери қорғаныс киімін, оқ өтпейтін жилеттер мен кевлар дулығаларын киіп көруге мүмкіндік алды.
– Іс–шараның басты мақсаты – өскелең ұрпаққа, Болашақ Отан қорғаушыларға әскери-патриоттық тәрбие беру, сондай-ақ салауатты өмір салтын насихаттау, жастардың армияға деген қызығушылығын арттыру, - деді әскери бөлім командирінің орынбасары майор Дінмұхамед Нұрақаев.
Оңтүстік Қазақстан мемлекеттік педагогикалық университетінде «Тарихи тұлғалар: ұлттық тәрбие және сабақтастық» республикалық форумы өтті. ҚР Ғылым және жоғары білім министрлігінің бастамасымен өткен форум ұлт тарихындағы кемеңгер тұлғалардың парасат пайымын зерделеу, олардың ой мұрасын, тәлімдік қасиетін жаңғырту, ұлттық тәрбие желісін сақтай отырып, ұрпақтар сабақтастығын жалғастыру міндетін көздеді.
Форум жұмысына еліміздің Ғылым және жоғары білім министрлігінің ресми өкілдері, мемлекеттік органдардың жауапты тұлғалары, республикадағы жоғары оқу орындарының әлеуметтік және тәрбие істері бойынша проректорлары, оқу орындарының салалық департамент басшылары, студенттік өзін-өзі басқару ұйымдарының өкілдері қатысты. Сондай-ақ, бірқатар жауапты азаматтар ZOOM форматындағы онлайн мәжіліске қатыса алды.
Алқалы жиынға Шымкент қаласы полиция департаментінің атынан Есірткі қылмысына қарсы іс-қимыл басқармасының аса маңызды істер жөніндегі аға жедел уәкілі полиция майоры Бауыржан Карбеков қатысып, күн тәртібіндегі сұрақ бойынша «Студенттік жастар арасында есірткі және нашақорлықтың алдын алу жұмыстары, кездесетін мәселелер мен шешу жолдары» туралы баяндама жасады.
Ол өз баяндамасында жастарға қауіп төнідіріп отырған есірткінің заңсыз айналымымен байланысты өзекті мәселелерге тоқталып, олардың қылмыстық жолға түсіп кетпеуінің алдын алу баршаға ортақ іс екендігіне тоқталды.
Жоғары білім саласының майталмандары жиналған жиында полиция майоры Бауыржан Карбеков «кешегі оқушы, бүгінгі студент, ертеңгі болашақ» екендігін атап өтіп, салауатты ұрпақ қалыптастырудың маңыздылығын айтып, ұстаздар мен білім алушылар арасында тығыз қарым-қатынас құрып, жас буынның өнегелі болып өсуіне ат салысуды сұрады.
Баяндаманың соңында тарихи тұлғалардың ізін жалғау, ұлттық тәрбиені сақтау мен ұрпақтар сабақтастығын қамтамасыз ету үшін дені сау ұлт, саналы ұрпақ қажет екендігін атап көрсетіп, олардың зиянды әдеттерге бет бұрмауы үшін бірлесіп жұмыс жүргізуге шақырды.