Климаты мен географиялық орналасуы қолайлы болып табылатын үшінші мегаполисте биыл 12 жаңа туристік нысан ашылады. "Бұл әлеуеті жоғары Шымкент қаласының аймақтағы ірі туристік орталықтардың бірі ретінде қалыптасуына септігін тигізіп, кең мүмкіндіктерге жол ашады" дейді сала мамандары.

Туризм саласындағы бұл инвестициялық жобалар - «Diamond Hotel», «Barsa», «Таукехан Plaza», «Cosmopolitan Hotel», «7Jol» сияқты жайлы қонақ үйлер мен демалыс кешендері бой көтеріп, іске қосылады. Жобаларды жүзеге асыру құны 9 млрд теңгені құрайды. 400-ден астам жаңа жұмыс орны ашылады.

Өткен жылы қаламызда «Пана», «Дора», «Grand Villa Hotel», «Wind hotel», «Big rooms», «Graf» қонақ үйлері сынды 6 жоба жүзеге асырылып, 145 адам жұмыспен қамтылған болатын.

Бұл жұмыстар қаламыздағы орта және шағын бизнестің өркендеуіне оң әсер етіп, тұрақты табыс көзі мен жұмыс орындарын ашуға мүмкіндік береді.

Естеріңізге сала кетейік, 2022 жылы Шымкентке 500 мыңға жуық турист келген. Оның ішінде 36 мыңы шетелдік турист. Ал, 2021 жылдың бірінші жартыжылдығында 158 224 турист келген.

Қаламызда 147 орналастыру орны бар. Яғни Шымкент бір күнде 6 мыңға жуық туристі қабылдай алады. Сонымен қатар 5 ішкі рейс және 7 халықаралық рейс қонаққа қызмет көрсетеді. Бүгінде сала мамандары Шымкенттің гастрономиялық туризміне ерекше көңіл бөліп отыр.

«Туристерді тарту мақсатында оқиғалы туризм оң серпін береді. 2021 жылы қалада 20-ға жуық іс-шара ұйымдастырылды. Бізде гастрономиялық туризм өте жақсы дамыған. 2 мыңға жуық орын қала тұрғындары мен қонақтарға қызмет көрсетеді. Осы орайда гастрономиялық туризмге баса назар аударып жатырмыз. Қазақтың салт-дәстүрін шетелдіктерге көрсететін «Этно Шымкент» ұйымдастырылды, - деп түсіндірді басқарма басшысы.

Шымкент қаласы ПД-нің баспасөз қызметінің таратқан мәліметіне сүйенсек,қазіргі таңда Шымкент қаласы бойынша шетелдік автокөлікті заңдастыру бойынша 9790 азамат жүгінді.

4822 автокөлік заңдастырылды. Көлік иелеріне қазақстандық техпаспорттар мен мемлекеттік нөмірлер берілді. Оның ішінде 3521-Ресей Федерациясының көлігі болса, 1098-Армения, 81-Грузия, 4-Белорусия, 8-Біріккен Ұлттар Әмірлігі, 83-Қырғызстан, 4-Литва, 20-Корея, 1-АҚШ, 2-Германия елдеріне тиесілі.

Айта кетейік, Қазақстан азаматтары 2022 жылдың 1 қыркүйегіне дейін шетелден акелген жеңіл автомобильдер, шағын және орта автобустар, шағын жүк көліктері, басқару рөлі оң жақта орналасқан көлік құралдарын заңдастыруына болады.

Ағымдағы жылдың 1 шілдесіне дейін шетелдік көлік құралдарын заңдастыру алғашқы тіркеу үшін алым (200 мың теңге), техпаспорт үшін мемлекеттік баж (4 313 теңге) және мемлекеттік нөмір үшін (9 660 теңге) төлеу арқылы іске асады.

Естеріңізге сала кетейік, 23 қаңтарда Қазақстан бойынша шетелдік көліктерді заңдастыру науқаны басталған болатын.

Ішкі істер министрлігі таратқан ақпаратқа сәйкес, заңдастыруға Қазақстан азаматтары сырттан әкелген шетелдік есептегі жеңіл автокөліктер, шағын, орта сыйымдылықтағы автобустар, шағын жүк көліктер, басқаруы оң жақтағы автокөліктер жатады.

Негізгі талаптар:

көліктің Қазақстанға 2022 жылдың 1 қыркүйегіне дейін әкелінуі қажет;

криминалдық есепте болмауы керек;

басқа мемлекетте бұрынғы тіркелген жері бойынша есептен шығарылуы тиіс;

Еуразиялық экономикалық одаққа кірмейтін елдерден әкелінген автокөлік болса, кедендік тазартудан өтуі керек.

Өтінім беру 2023 жылдың 1 шілдесіне дейін жалғасады.

Өтінім беру жолдары:

е-gov.kz электронды үкімет порталы;

екінші деңгейлі банктердің қосымшалары;

ХҚКО-ның өз-өзіне қызмет көрсету секторы.

Шетелдік көлікті заңдастыру үшін бірнеше құжат тапсыру қажет. Олар:

өтінім;

өтінім берушінің жеке басын куәландыратын құжат;

көліктің паспорты немесе тіркеу туралы куәлік;

көлікке меншік құқығын растайтын құжат қажет.

Шымкент қаласы Полиция департаментінің Баспасөз қызметінің мәліметінше, Жергілікті полиция қызметі басқармасының табиғатты қорғау тобының инспекторлары қала аумағында браконьерлікті, биологиялық ресурстар объектілерінің заңсыз айналымын анықтау және жолын кесу мақсатында «Браконьер» жедел алдын алу іс-шарасын өткізді.

Шара аясында тәртіп сақшылары табиғат қорғау заңнамасын бұзушылықтарды, экологиялық қылмыстарды ашуға бағытталған алдын алу жұмыстарын жүргізді.

Осылайша мегаполисте он бес тәулік ішінде заңсыз құс, аң аулаушылармен жасалған 26 әкімшілік құқық бұзушылық анықталған.

Атап айтқанда,

- ҚР ӘҚБтК-нің 382-бабы (Жануарлар дүниесiн пайдалану талаптарын және аң аулау қағидаларын бұзу) – 7;

- ҚР ӘҚБтК-нің 383-бабы (Балық аулау және балық ресурстары мен басқа да су жануарларын қорғау қағидаларын бұзу) – 1;

- ҚР ӘҚБтК-нің 386-бабы (Жасыл екпелерді күтiп-ұстау және қорғау қағидаларын бұзу– 2;

- ҚР ӘҚБтК-нің 484-бабы (Азаматтық және қызметтік қару айналымы қағидаларын бұзу) – 16.

Тәртіп сақшылары аң, балық аулау және ағаштар мен бұталарды кесу талаптарын бұзу, қоршаған ортаға елеулі зиян келтіру әрекеттері Қазақстан Республикасының заңнамасына сәйкес әкімшілік және қылмыстық жауапкершілікке тартуға әкеліп соқтыратын ескертеді.

Естеріңізге сала кетейік, Қазақстан президенті Қасым-Жомарт Тоқаев «қорықшы-инспекторлардың құқықтарын қорғау және браконьерлікке қарсы жазаны күшейту мақсатында заңнаманы қайта қарау қажет» деп тапсырма берген еді. Соның аясында заң күшейтілді. Жұмыстар жүргізілуде.

Бұл туралы Шымкент қаласы Полиция департаментінің Баспасөз қызметі мәлімдеді. Мәлімдемеде, Шымкент ҚПД ЖПҚБ Патрульдік полиция полкінің қызметкерлерімен ағымдағы жылдың 15-ақпанынан бастап «Жүк көліктері» жедел-профилактикалық іс-шарасы өтіп жатқаны жазылған.

Мақсаты - қала аумағында жол-көлік оқиғаларының алдын алу.

Осы орайда, Шымкент қаласы бойынша іс-шараның 29 тәулігінде 990 әкімшілік құқықбұзушылық анықталып, 17 автокөлік айыптұраққа жеткізілді.

Атап айтқанда:

- ҚР ӘҚБтК-нің 590-бабы 9-бөлігі (Техникалық байқаудан өтпеу) – 32;

- ҚР ӘҚБтК-нің 593-бабының 1-бөлігі (Жүк тасымалдау қағидаларын сақтамау) – 39;

- ҚР ӘҚБтК-нің 599-бабы (Бағдаршамның тыйым салынған сигналына өтіп кету) – 1;

- ҚР ӘҚБтК-нің 601-бабы (Жол белгілерімен немесе жолдын жүру бөлігіндегі таңбалармен көрсетілген талаптарды сақтамау) – 173;

- ҚР ӘҚБтК-нің 630-бабы (Жолдарды, темiржол өтпелерiн және басқа жол құрылыстарын бүлдiру) – 411;

- өзге де құқық бұзушылықтар бойынша –310.

Қала аумағында басталған «Жүк көліктері» жедел-профилактикалық іс-шарасы 15-наурызға дейін жалғасады.

Тілге тиек етейік, жыл сайын жергілікті маңызы бар автомобиль жолдары орташа жөндеуден өтеді. Алайда аyыр жүк көліктері жолнен жолда ақаулар пайда болады. Талдау көрсеткендей, 60% автожолдардың қирауы ауыр жүк көліктерінің көбеюіне байланысты.

Шымкент қаласының кәсіпкерлер палатасында "қаржы орталығы" АҚ, ЕҚДБ және ҚР Сыбайлас жемқорлыққа қарсы іс-қимыл агенттігі департаментінің қатысуымен Білім комитетінің кезекті отырысы өтті.
Комитет отырысында "қаржы орталығы" АҚ өкілдері жан басына шаққандағы нормативтік қаржыландыру шеңберінде студенттік жатақханалар мен жекеменшік мектептерді салу және реконструкциялау бағдарламасының жаңартылған нұсқасымен бөлісті.
Статистикалық мәліметтерге сәйкес, Шымкент қаласында 27 931 орын, ал Шымкент қаласындағы жатақханаларда орын тапшылығы 1485 орынды құрайды.
"Ақшалай төлемдер түріндегі мемлекеттің жоғары қажеттілігі мен қолдауын ескере отырып, кәсіпкерлерге жеке мектептер мен студенттік жатақханалар салу тиімді деген қорытынды жасауға болады.
Бағдарламаның операторы "Қаржы орталығы" АҚ болып табылады және Бағдарламаға қатысу үшін жерге құқық белгілейтін, сәйкестендіру құжаттарымен және заңды тұлғаның болуы туралы құжаттармен алдын ала шарт жасасуға өтінім беру жеткілікті", - деді "Қаржы орталығы" АҚ жылжыту және сыртқы коммуникациялар департаментінің аға маманы Оңғарбаева Арманай.
Ол қазіргі уақытта мемлекеттен студенттік жатақханалар салу үшін жер учаскесін алу тетігі әзірленіп жатқанын атап өтті.
Сонымен қатар, Еуропалық Қайта Құру және даму банкінің өкілі Кабираева Махаббат консалтинг шығындарын өтеу бағдарламасы, оның ішінде ЖСҚ әзірлеу шығындары туралы ақпарат берді.
"Бизнеске жол" жобасы туралы ҚР Сыбайлас жемқорлыққа қарсы іс-қимыл агенттігінің Шымкент қаласы бойынша департаменті штабының бөлім бастығы айтып берді.
"Бизнеске жол" - мақсаты кәсіпкерлерге әртүрлі әкімшілік кедергілерді еңсеруге көмектесу, құжаттарды ресімдеу кезінде әуре-сарсаңға салу, мемлекеттік қызметшілер қабылдайтын шешімдердің мерзімдері мен ашықтығын сақтауды қамтамасыз ету болып табылатын жоба.
Отырыс соңында кәсіпкерлер өз сұрақтарын қойып, жауаптар алды, олар одан әрі ынтымақтастық үшін байланыстармен алмасты.
"Атамекен" ҚР ҰКП Адами капиталды дамыту департаментіне және жоғары тұрған органдарға проблемалық мәселелерді жіберу туралы шешім қабылданды.

Лондондағы "Imperial Colledge London" бизнес мектебінің БҰҰДБ желісі бойынша ӘКДО жобасының серіктесі негізінде онлайн оқытудан өткен өңіріміздің он кәсіпкер ханымдары алғыс хаттармен марапатталды.

Түркістан облысында әйелдер кәсіпкерлігін дамыту орталығының қызметі аясында 10 кәсіпкер әйел өз бизнесін дамыту үшін тәлімгер Сауле Мусаеваның сүйемелдеуімен бірлесіп жұмыс жасаған. Табандылығы мен бизнесті жүргізуге деген ұмтылысы арқасында барлық 10 менти марапатталды.

Бұл оқытудан кәсіпкер ханымдар бизнес-процесстерді жетілдіруді, серіктестіктермен, қызметкерлермен және тұтынушылармен тиімді қарым-қатынас орнатуды үйренген.

Алғыс хаттарды Түркістан облысы кәсіпкерлер палатасы директорының орынбасары Нұрбол Рысбеков, Іскер әйелдер кеңесінің төрайымы Салтанат Тулегенова және ментор Сауле Мусаева табыстады.

Тұрғындардың әл-ауқатын арттырып, табысын молайтуға негізделген «Ауыл аманаты» жобасымен таныстыру мақсатында Түркістан облысы әкімінің орынбасары Ермек Кенжеханұлы аудан әкімдерінің орынбасарлары, кәсіпкерлер мен ауыл шаруашылығы кооперативтерінің басшылары және мемлекеттік органдардың өкілдерімен кездесті.

Жобаның негізгі мақсаты – ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске тарту, азық-түлік қауіпсіздігі және азаматтардың өмір сүру сапасын жақсарту.

Пилоттық жобаны іске асыру үшін Түркістан облысына республикалық бюджеттен 11 млрд теңге қаржы бөлінбек. Ол облыстағы 16 ауданның 32 ауылдық округіне қарастырылған. Аталған жоба қазіргі таңда Жамбыл және Ақтөбе облыстарында іске асқан.

- «Ауыл аманаты» сынды жобалар арқылы біз ауыл халқының табысын арттырамыз. Қай аймақта қандай дақылдарды өсіруге қолайлы екенін анықтап, сол бағытқа тиісті қаржыны бағыттаймыз. Жоба аясында ауыл тұрғындары өз кәсібін дамытуға немесе кооператив құрамында жеңілдетілген несие ала алады. Сондай-ақ техниканы лизингке рәсімдеуге болады. Несие мерзімі – 5 жыл, ал мал шаруашылығы және ауыл шаруашылығы кооперативтерін құру саласындағы жобалар бойынша 7 жылға дейін. Несиенің ең жоғары сомасы қолданыстағы заңнама бойынша айқындалады. Номиналды сыйақы мөлшерлемесі – 2,5 пайыз, - деді облыс әкімінің орынбасары Ермек Кенжеханұлы.

Айта кетейік, жергілікті «Кәсіпкерлікті қолдау орталықтарына» барып жуырда іске қосылатын жоба жайлы толық ақпарат алуға болады.

Тілге тиек етейік, 2022 жылы «AMANAT» партиясы 250 мыңнан астам ауыл тұрғынын «Ауыл аманаты» жобасымен таныстырды. Арнайы құрылған мобильді топтар елдегі барлық өңірді аралап шықты. Жоба аясында ауыл тұрғындары өз бизнесін ашуға немесе бұрынғы ісін кеңейтуге қажетті ақпарат пен түрлі мүмкіндік алды. Осы ретте аталған жобаның негізгі мақсаты – басты шарттарымен тағы да бір таныстыру  және бүгінге дейін атқарылған жұмыстарға шолу жасау.

Естеріңізге сала кетейік, 2022 жылдың сәуір айында шенеуніктер халықтың табысын 2025 жылға дейін арттыру бағдарламасын бекітті. Осы құжат аясында «AMANAT» партиясы Үкіметпен бірлесіп, «Ауыл аманаты» жобасын іске қосты.

«Ауыл аманаты» бағдарламасы 2023 жылы толық іске қосылады деп жоспарланды. Соған қарамастан мобильді топ өкілдері ауылдықтарды жобамен мүмкіндігінше кеңінен таныстыру үшін елдің барлық аймақтарын аралап шықты. Оның ішінде ең шалғай ауылдардың тұрғындары да қамтылды.

Қасым-Жомарт Тоқаев та Қазақстан халқына Жолдауында ауыл кооперациясы аграрлық саланы дамытуға жол ашатынын айтқан болатын.

«Біз осындай пилоттық жобаны жүзеге асырдық. Оған қатысқан ауыл шаруашылығы кооперативтерінің егіні екі есе артық өнім берген. Ал  мал басы шамамен 25 пайызға көбейген. Әр өңірдің ерекшелігін ескере отырып, оң тәжірибені бүкіл елге біртіндеп тарату қажет», – деген болатын Президент өз Жолдауында.

Сарыағаш қаласында «Самұрық-Қазына» АҚ мамандары және Түркістан облысы әкімдігі өкілдерінің қатысуымен «Табысты отбасы» әлеуметтік жобасының түлектеріне жабдықтар жиынтығы салтанатты түрде табысталды.

Түркістан облысынан жобаның 27 қатысушысы өз ісін ашуға жалпы сомасы 459 450 теңгеге жабдықтар түріндегі гранттар алды. Қатысушылар негізінен «Кондитерлік іс», «Сұлулық индустриясы», «ЅММ» мамандықтарын игерді.

- «Самұрық-Қазына» АҚ-ң «Samruk-Kazyna Trust» әлеуметтік жобаларды дамыту қоры - азаматтардың өмір сүру сапасын жақсартуға және өңірлерді дамытуға бағытталған жобаларды әрдайым қолдайды. Бұл жобаның мақсаты - сұранысқа ие мамандықтарға оқыту және шағын гранттық қолдау көрсету арқылы адамдардың әл-ауқатын арттыру. Осыған дейін құрал-жабық түріндегі грантты Ұлытау, Жетісу, Абай облыстарының түлектері иеленді. Бүгін Түркістан облысындағы әлеуметтік жобаның тағы 27 түлегіне жабдық жиынтықтарын табыстағалы отырмыз. Болашақ кәсіпкерлердің істеріне береке берсін, - деді «Самұрық-Қазына» АҚ өкілі Серғожа Қалиасқаров.

Қазіргі таңда өңірде жоба аясында оқытудың екінші кезеңі басталып, онда 43 қатысушы білім алуда. Сабақтарға белсенді қатысып, жаттықтырушы мен тәлімгердің барлық талабын орындаған қатысушы өз ісін бастау үшін қажетті құрал-жабдықты тегін алады.

Айта кетсек, «Табысты отбасы» қайырымдылық жобасы туралы ақпарат БАҚ беттерінде және @tabysty.otbasy инстаграм-парақшасында орналасқан. Сондай-ақ +7 701 558 0856 нөміріне хабарласып, ақпарат алуға болады.

Естеріңізге салсақ, «Табысты отбасы» жобасының бренд-амбассодоры Айжани Нұрланова.Оның айтуынша, бұл жоба негізінен мемлекеттің әлеуметтік көмегіне іліне алмаған отбасыларға арналады. Ондағы мақсат – осындай отбасылардың ірі кәсіп ашып кетпесе де, әр отбасы үй жағдайында ісін дөңгелетіп, отбасына күнделікті табыс әкелетін мүмкіндік жасау.

2022 жылдың 1 желтоқсаннан бастау алған жоба еліміздің 5 өңірінде, яғни Түркістан, Ұлытау, Абай, Жетісу және Ақтөбе облыстарында пилоттық негізде жүзеге асып жатыр. Таңдалған бес өңірге барлығы 300 грант қарастырылған. 

Түркістан облысынан 2022 жылға 70 адам іріктелді, бұл ретте, өңірдегі ірі аудандардың бірі Сарыағаш ауданы таңдалған. Қатысушыларға қор тарапынан құрал-жабдық негізінде грант берілді, яғни грант ақшалай берілмейді. Гранттар негізінен әлеуметтік жағдайы төмен отбасыларға беріледі.

– Жобаның басты ерекшелігі – бес бағытта шеберлік-сыныптары өткізіледі. Атап айтқанда, сұлулық саласы, әлеуметтік желілерді сүйемелдеу, тігінші, автодәнекерлеуші және кондитер.  Қатысушылардың қалауы бойынша бағыт таңдалады. Оларға екі апта бойы өздері қалаған кәсіптің қыр-сырын үйреніп алуларына мүмкіндік беріледі, жаңа дағдыларға үйреніп, тәжірибелік тренингтерден өтеді. «Табысты отбасы» жобасына көп балалы және аз қамтылған, толық емес отбасылардың мүшелері, сондай-ақ, ерекше қажеттіліктері бар балаларды тәрбиелеп отырған және табысы төмен отбасылардан шыққан жастар қатысады. Түркістан облысы – қарқынды дамып келе жатқан өңірлердің бірі. Біз өңірдің мұқтаж отбасыларын «Табысты отбасы» жобасына қатысуға шақырамыз, – деді Айжани Адайқызы.

 Бұл жоба тұрғындардың өз ісін ашып, қаржылық жағдайын нығайтуға және жалпы өңіріміздің экономикасына оң ықпал етпек. 

– Түркістан өңірінің өнеркәсіптік әлеуеті жоғары. Сонымен бірге туристік инфрақұрылым, тарихи-мәдени мұра түріндегі артықшылықтары аз емес, ең бастысы, аймақтың халқы еңбекқор. Елдегі халық ең тығыз орналасқан өңірде азаматтардың бәсекеге қабілеттілігін, адами капиталды, яғни құзыреттілікті дамыту маңызды. Бұл басымдықтар туралы Мемлекет басшысы Қасым-Жомарт Тоқаев жиі айтып келеді. Сондықтан халықтың осал топтарынан шыққан азаматтарға өз ісін ашуға және әл-ауқатын жақсартуға көмектесетін «Табысты отбасы» қайырымдылық жобасын қызу қолдаймыз әрі осы маңызды бастаманы кеңейту үшін қолдау көрсетуге дайынбыз, – деді жоба ваторы.

Айта кетсек, «Табысты отбасы» жобасын қолдауға «Samruk-kazyna Trust» қоры 200 млн. теңгеге жуық қаржы бөлген.

Сыбайлас жемқорлыққа қарсы іс-қимыл агенттігі кәсіпкерлер құқығын қорғауға бағытталған «Бизнеске жол» жобасын іске қосты.

Жобаның мақсаты – кәсіпкерлерге құжаттарды ресімдеу кезінде әкімшілік кедергілерді, әуре-сарсаңды еңсеруге көмектесу, мемлекеттік қызметшілер қабылдайтын шешімдердің мерзімі мен ашықтығын сақтауды қамтамасыз ету.

«Кәсіпкерлер жерді ресімдеу, сәулет және басқа да бақылаушы органдардан рұқсат алу, коммуникацияларды қосу, сондай-ақ түрлі мемлекеттік қолдау шараларын (кредиттер, гранттар, субсидиялар) алу кезінде кездесетін нақты проблемаларды шешумен айналысатын боламыз», - делінген Сыбайлас жемқорлыққа қарсы іс-қимыл агенттігі хабарламасында.

Мәлім етілгендей, қазір өңірлерде бизнестен өтініш қабылдау үшін арнайы алаңдар мен байланыс арналы жұмыс істеп жатыр.

Аумақтық департаменттердің басшылары Facebook парақшаларында хабарламалар қабылдауда.

Сондай-ақ Антикордың Call-орталығына 1424 нөмірі бойынша хабарласуға болады.

Бұл жайында тұрғындармен кездесуде облыс әкімі Дархан Сатыбалды мәлімдеді.

Түркістан қаласындағы халықаралық әуежайдан былтыр Ыстамбул және Кувейт бағытына тікелей рейстер ашылды. Қазіргі уақытта Мәскеу, Анталья, Дубай, Тбилиси, Ташкент және Самарқандқа рейстер ашуға ұсыныс берілген. Астана мен Алматыға рейстер санын көбейту бойынша жұмыстар атқарылып жатыр. Осы жұмыстар нәтижесінде 2018 жылмен салыстырғанда Түркістанға келушілер ментуристер саны 4 есе артқан. Осылайша өңірдің экономикалық өсуі байқалды. 

 Айта кетейік, Туризм саласы экономиканың өсуінің жаңа көзіне айналуы тиіс. Бұл туралы ҚР ҰКП басқарма төрағасының бірінші орынбасары Мақсат Қиқымов, ҚР Мәдениет және спорт вице-министрі Ержан Еркінбаев және туристік саланың 120-дан астам өкілінің қатысуымен өткен жиында ҚР туристік саласын дамытудың 2030 жылға дейінгі тұжырымдамасының жобасының таныстырылымында айтылды.«Атамекен» ҚР ҰКП басқарма төрағасының бірінші орынбасары Мақсат Қиқымов жиынды ашып, Мәдениет және спорт министрлігіне тұжырымдамалық тәсілдерді алдын ала талқылау мүмкіндігі үшін алғысын білдірді. «Қауымдастықтармен және туристік сала өкілдерімен тұжырымдаманың жобасын талқылауымыз керек деп санаймыз. Туризм үлкен салааралық байланысқа ие. Жеке іс-шаралар бірнеше салаға әсер етуі мүмкін. Сондықтан барлық тарапты тыңдап, тепе-теңдікті сақтау өте маңызды. Әріптестер, бүгін нарықтағы әр мәселені, ескертулер мен ұсыныстарды талқылау қажет», - деді Мақсат Қиқымов.ҚР Мәдениет және спорт вице-министрі Ержан Еркінбаев бірінші кезекте Ұлттық палата мен бизнестің барлық ұсынысы мен ескертулерін жинап, құжатты осы жылдың 8 ақпанына дейінгі мерзімде премьер-министрге ұсыну қажет екенін атап өтті.«Құжат алдын ала Үкіметтің қарауына жіберілді, барлық ескерту назарға алынды. Қазір министрлік өкілдері Ұлттық палата мен бизнестен кері байланыс алғысы келеді. Тұжырымдама жобасына Мемлекет басшысының халықаралық аренада Қазақстанды ілгерілету, визасыз елдер санын 100 мемлекетке дейін ұлғайту, авиабилеттер бағасын төмендету, ішкі нарықты сапалы автожолдармен қамтамасыз ету сияқты осы салаға қатысты тапсырмалары енгізілді», – деп атап өтті вице-министр.

 Құжат Ұлттық жоспармен өзара байланысты. Онда үш тәсіл мен іс-қимыл жоспарын қамтыды: туризм инфрақұрылымы, логистиканы құру және дамыту, қолайлы іскерлік климат құру және сервис сапасын арттыру, туристік әлеуетті ілгерілету және 567 млрд теңге сомасына 89 ірі іс-шараны қамтиды.«Біз республикалық бюджеттен қаржыландыруды талап ететін іс-шаралар санын қысқарттық. Қаражат бөлініп қойған шаралар қалдырдық», – деді Ержан Еркінбаев.

Құжатқа сәйкес 2030 жылға қарай Қазақстанда саяхат пен туризмді дамыту индексінің өсуін, ішкі туристердің 11 млн адамға (2022 жылдың 9 айында  6,5 миллион адам), шетелдік туристер 4 миллионға дейін (9 айда. 2022 ж. 0,6 млн. адам), қызметтер экспорты 5,5 млрд. (9 айда. 2022 ж.1,3 млрд.), барлық қонақ үйлерді «eQonaq» ақпараттық жүйесімен қамту көзделген. Сонымен қатар, вице-министр туристік саланы мемлекеттік қолдау шараларының тізбесін кеңейтуді көздеп отырғанын атап өтті.Тұжырымдама жобасын талқылау барысында турбизнес өкілдері құжатқа туристік саланы дамытудың бірқатар маңызды мәселелерін енгізуді ұсынды. Мысалы, құжат жердің нысаналы мақсатын өзгертпестен ауыл шаруашылығы мақсатындағы жерлерде қонақ үйлер мен глампингтер салуға рұқсат беру бөлігінде пысықтауды талап етеді. Кәсіпкерлердің айтуынша, қолданыстағы ережелерге сәйкес қонақ үйлердің иелері ауыл шаруашылығы жерлерінде құрылыс салуға тыйым салынғандықтан қызметін кеңейте алмайды.

Сонымен қатар, балалар туризмін дамыту және оқушылардың кәсіптік бағдарлануы, қолөнер, ұлттық дәстүрлер және қонақүйлердің жүктелуі индикаторын енгізу қажеттілігі ерекше назар аударуды талап етеді.

ҚР балалар-жасөспірімдер туризмі және демалыс қауымдастығының төрағасы Қайрат Сұлтанов тұжырымдамаға балалар-жасөспірімдер туризмін, жасыл экономиканы дамыту мәселелерін енгізу, автомобиль жолдарын реконструкциялау жөніндегі тізбені кеңейту, сондай-ақ ТОП 10 дестинация аясында бағыттар тізбесін кеңейту және Зеренді кентін қосу қажеттігін айтты.

«Тұжырымдама аясында туризм саласы үшін 3 халықаралық көрме жеткіліксіз, олардың санын кемінде 6-7-ге дейін ұлғайту, сондай-ақ іс-шаралар күнтізбесін бекіту қажет», - деп атап өтті «Global Air American Express» ЖШС бас директоры Гүлден Оспанова.

ҰКП Туристік сала Комитетінің мүшесі Қанат Елеусізов туристердің қауіпсіздігін қамтамасыз ету үшін туристік полицияның функционалын кеңейту қажеттігін атап өтті.

Тұжырымдамаға ұсыныстардан басқа жекелеген курорттық аймақтардың көптеген мәселелері айтылды, бизнес МСМ қамқорлығымен осы мәселелерді шешу бойынша бірқатар жұмыс кездесулерін өткізуді ұсынды.

Вице-министр бизнестің бұл ұсынысымен келісіп, талқылау қорытындысы бойынша туристік саланың дестинацияларын дамыту мәселелерін жүйелі түрде талқылау туралы шешім қабылданды. Алғашқы кездесуді Алакөл көлінің оңтүстік және шығыс жағалауын дамыту бойынша өткізу жоспарлануда.

Сондай-ақ, вице-министр бүгін біз тек тұжырымдамалық тәсілдерді талқылағанымызды, тұжырымдаманы таныстырғаннан кейін Қазақстан премьер-министріне туристік нарыққа Тұжырымдаманың толық мәтіні барлық қосымшалармен және іс-шаралар жоспарымен келісуге жіберілетінін атап өтті

Жиын соңында Мақсат Қиқымов кеңестің барлық қатысушыларына алғысын білдіріп, туристік бизнестен ҰКП-ға оларды әрі қарай мәдениет және спорт министрлігіне жіберу үшін өз ұсыныстарын беруін сұрады.