Түркістан: 10 айда 23 мыңға жуық азамат құжатты болды

Түркістан облысы Полиция департаментінің барлық қалалық, аудандық полиция басқармалары мен бөлімдеріне қарасты көші-қон қызметімен бірқатар іс-шаралар атқарылуда. Соның ішінде облыс орталығы Түркістан қаласында 2022 жылдың 10 айында 22899 азамат құжаттандырылды. Оның 10585-і төлқұжатқа, ал 12776-сы жеке куәлікке өтініш тастаған. Бұл азаматтардың 5 пайызы кері қайтарылды.

Ведомствоның берген мәліметіне сүйенсек, көші-қон қызметі бөлімімен жыл басынан бері 10 661 шетел азаматы Түркістан қаласы аумағына уақытша тіркеуге қойылды. Оның 5800-ден астамы жұмыс бойынша келіп, бюджетке жеке табыс салығымен 56 миллион теңгеден астам ақша өндірілді. Жұмыс істеу үшін уақытша тіркеуге қойылған шетелдіктердің 85 пайызы жұмысқа құжаттандырылды.

Сонымен қатар ағымдағы жылдың 10 айында ҚР Азаматтығына - 20 азамат, ҚР Азаматтығын растауға – 2 азамат, ҚР Азаматтығы жоқ адам деп тануға - 1 азамат өтініш білдірген. ҚР тұрғылықты тіркеуге - 11, ҚР-да тұрғылықты қалдыруға - 11 азамат, шетелге тұрақты шығуға - 2 азамат өтініш білдірген. Сондай-ақ түркістандық полицейлермен жыл басынан бері көші-қон заңнамасын бұзған 690 хаттама толтырылып, 8 миллион теңгеден астам айыппұл өндірілген.

Көші-қон заңдылығын бұзған 2641 азамат әкімшілік жауапкершілікке тартылды

Елімізде Тәуелсіздік алғаннан кейін 1993 жылы 5 сәуір күні «Қазақстан Республикасындағы паспорттық жүйе туралы ереже» қабылданды. Бұл паспорттық-визалық қызметті қайта құрудың алғашқы қадамы болатын. Ал бұл қызмет 1999 жылдан бастап Көші-қон деп атала бастады. Міне содан бері оның міндеті мен құрылымы күрделеніп, қызмет ауқымы да кеңейген. Түркістан облысының Полиция департаменті Көші-қон қызмет басқармасы бұл саланы өрге сүйреп келеді. Облыс аумағында заңсыз көші-қонның алдын алу, елдегі шетел азаматтарының құқықтық тәртібін бақылап, құқықбұзушылыққа жол бермеу, көші-қон заңнамасында көрсетілген міндеттерді жүзеге асыру сынды жұмыстарды тыңғылықты атқарып келеді.

Қазіргі таңда ТО ПД Көші-қон қызметі басқармасының басшылық қызметін полиция подполковнигі Есенғали Бейсебаев абыроймен атқаруда. Бұдан бөлек бұл басқармадағы полиция полковнигі Қайрат Жүнісбеков, полиция подполковниктері Ауезбек Мырзабаев, Руслан Бейсалиев, Нұрым Абдуалиев, Бекарыс Игисинов, Зарина Абылаева, полиция майорлары Руслан Оспан, Бауыржан Бекбаев, Камила Бердиева, Лаура Ауелбекова, Асқар Мақанов және полиция аға лейтенанты Ақнұр Шырынбековалар нағыз өз ісінің мамандары. Түркістан шаһары облыс орталығына айналғалы келуші шетел азаматтарының саны күрт өсті десек те болады. Ал олардың елдегі жүріп-тұру тәртібін, қауіпсіздігін бақылап отыру өте маңызды. Соңғы 3 айда түркістандық көші-қон қызметкерлері заңнамаға сәйкес облыс аумағынан азаматтығы жоқ 4115 шетелдікті анықтап, есепке қойған. Бұлардың көпшілігі Өзбекстан, Ресей, Қырғызстан елінің азаматтары. Ал осы уақыт ішінде Республиканың көші-қон заңдылығын бұзған жалпы 2641 азамат әкімшілік жауапкершілікке тартылған.

Бұдан бөлек көші-қон қызметі алимент төлеушілерді, борышкерлерді іздеу, халықты құжаттандырып,тіркеу және Қазақстан Республикасының азаматтығына қабылдау жұмыстарын іске асырады. Осыған орай жұмыстың жан-жақтылығына байланысты Көші-қон қызметі прокуратура, Ұлттық қауіпсіздік комитетінің облыстық департаментімен, шекара қызметімен, еңбек және әлеуметтік қорғау департаментімен, экстремизм, жергілікті полиция қызметі және криминалдық полиция басқармасымен бірлескен іс-шараларды жүйелі түрде өткізіп отырады.

Халықты құжаттандыру, тіркеу жұмыстарын жүзеге асыру барысында биылғы жыл басталғалы 48680 азаматқа жеке куәлік немесе төлқұжат алуға 1-нысандағы арыздар ресімделген. Ал төлқұжат немес тіркеу ережелерін бұзған 1801 азамат әкімшілік жауапкершілікке тартылған.

2022 жылдан бастап Көші-қон қызметі басқармасының қызметкерлері Қазақстан Республикасының азаматтығына қабылдау жұмыстарын да қарқынды жүргізді. Аз ғана уақыт ішінде азаматтыққа қабылдауға 381 шетелдік пен азаматтығы жоқ тұлғалар тұрақты тіркелген екен. Ал бұл бойынша 701 адам арызданған.

20 жылдан бері төлқұжатсыз жүрген 70 жастағы қарт әжейді құжаттандырды

Шардара АПБ көші-қон қызметі бөліміне 70 жастағы қарт әйел Атиш Баянова жеке басын құжаттандыруға өтініш білдірді. Ол 2002 жылы Өзбекстан Республикасынан Қазақстан Республикасына көшіп келіп, құжаттарын жоғалтып алған. Содан бері 20 жыл бойына құжатсыз жүрген. Өтінішті алысымен көші-қон полицейлері бірден тіркеуге алып, шұғыл түрде кейуанамыздың құжаттарын рәсімдеді. Нәтижесінде аз ғана уакыттың ішінде тәртіп сақшылары апаның жеке басын анықтайтын төлқұжатын жасап, өз қолына табыстады. Төлқұжат алғанына қуанған әйел көші-қон полицейлеріне ыстық ықыласын білдірді.

«Мен осы құжаттарымды алу үшін өтініш білдірген едім. Полиция қызметкерлеріне үлкен рақмет. Жасымды сыйлап, аз уақыттың ішінде бітіріп берді. Жұмыстарың алға баса берсін»,- деді. Бүгінде көпті көрген кейуана 2 ұл 3 қыз өсіріп, одан 18 немере 4 шөбере сүйіп отыр.

Көші-қон заңнамасын бұзған Өзбекстан азаматы анықталды

Көші-қон – адамдардың тұрғылықты мекенінен әр түрлі себептермен басқа жерге қоныс аударуы, көшіп-қонуы. Осындай азаматтармен арнайы жұмыс жасайтын полиция қызметкерлерінің жұмысы да жүйелі түрде жүргізілуде.

Мәселен, Мақтаарал ауданы полиция бөлімінің Көші-қон қызметі тобының қызметкерлері рейдтік шара ұйымдастырып, нәтижесінде құқық бұзушы шетелдік азаматты анықтады. Содан соң Өзбекстан Республикасы азаматының құжаттарын тексеру кезінде, оның Алматы қаласының әкімшілік мамандандырылған сотының үкімімен әкімшілік жауапкершілікке тартылғанын білді.

Алайда шетелдік азамат жауапкершілікке тартылып, ҚР аумағынан шығуына шешім қабылданса да, заң талаптарын орындамаған. Аталған жайт ҚР ӘҚБтК-нің 669-бабы 1-бөлігі «Сот үкiмiн, сот шешiмiн немесе өзге де сот актiсiн және атқарушылық құжатты орындамау» бойынша тіркеліп, хаттама толтырылып, жинақталған іс құжаттар Мақтаарал аудандық сотына жолданды.

Түркістан облысының полицейлері орын алған құқықбұзушылықты анықтап қана қоймай, шетел азаматтары және жұмыс берушілермен профилактикалық түсіндіру жұмыстарын тұрақты жүргізеді. Сонымен қатар көші-қон қызметі туралы заңдылықтарды сақтау бойынша ескерту жасалды.

83 шетелдікке айыппұл салынып, 15 өзбекстандық елден аластатылды

ҚР Президентінің тапсырмасына сәйкес ел аумағында «Жалданушы-2022» атты терроризмге қарсы жедел-профилактикалық іс-шарасы өткізілуде. Осыған байланысты Түркістан облысы ПД Экстремизмге қарсы іс-қимыл басқармасы мен Көші-қон қызметі бөліністерінің қызметкерлері бірлесіп, облыс аумағында ауқымды жұмыстар атқарып, рейд жүргізуде.

Мәселен Түркістан облысының полицейлері іс-шара басталғаннан бері 150-ден астам шетел азаматын тексерді. Нәтижесінде Қазақстан Республикасына келіп-кету заңнамаларын бұзған 83 азаматқа ҚР ӘҚБтК-нің 517, 518-баптарымен хаттама толтырылды. Оған қоса Өзбекстан Республикасының 15 азаматы сот шешімімен ел аумағынан аластатылды.

Жалпы мұндағы негізі мақсат – заңсыз көші-қон арналарын әшкерелеу, шетел азаматтарымен жасалатын қылмыстардың алдын алу, болдырмау, теріс діни ағымда жүргендерді анықтау болып табылады.

Осы ретте Түркістан облысының полиция қызметкерлері құқық бұзушылықты анықтап қана қоймай, шетел азаматтары мен жұмыс берушілерге профилактикалық түсіндіру жұмыстарын жүргізуде. Сонымен қатар көші-қон қызметі туралы заңдылықтарды сақтауды қатаң ескертеді.

көші-қон заңнамасын бұзудың 10-нан астам жайтын анықтады

Жетісай ауданы аумағында заңсыз көші-қон қызметінің алдын алу, жолын кесу мақсатында "Заңсыз келуші" жедел-профилактикалық іс-шарасы өткізілуде. Мәселен жетісайлық полицейлер көші-қон заңнамасын бұзғаны үшін ҚР ӘҚБтК-нің 517-бабы 5-бөлігімен 8 құқық бұзушыны анықталып, оларға қатысты іс құжаттар жинақталып, Жетісай аудандық сотына жолдады.

Сонымен қатар ҚР ӘҚБтК-нің 449-бабы 3-бөлігімен 2 құқық бұзушы, 519-бабы 1-бөлігімен, яғни “Шет ел азаматтарын заңсыз жұмыс күшіне пайдалану" бойынша 2 әкімшілік хаттама толтырды.

Жалпы Жетісай ауданының полицейлерімен бұл бағыттағы жұмыстар алдағы уақытта жалғаса береді.

Түркістан облысы әкімімен бірге облыстың бас полицейі 3 ауданда бірыңғай қабылдау күнін өткізді

Түркістан облысының әкімі Д.Сатыбалды барлық құқық қорғау органдары басшыларының қатысуымен бірыңғай қабылдау өткізді. Оған Түркістан облысы Полиция департаментінің бастығы полиция генерал-майоры Мұрат Талапұлы Қабденов те қатысты.

Жұртшылықпен жүздесу облыстың 3 ауданында: Шардара, Жетісай және Мақтааралда ұйымдастырылды. Оған 200-ге жуық тұрғын қатысып, көкейдегі ойларын, ұсыныстарын жеткізді.

Кезесуде облыс әкімі және облыстағы барлық департаменттердің басшылары болды. Тұрғындардың арыз-шағымы мен өтініштері тыңдалып, ашық пікір алмасу өтті.

«Халық үніне құлақ асатын мемлекет» тұжырымдамасы мен ашықтық қағидатына сәйкес өткен кездесуде тұрғындар тарапынан өзекті мәселелер қозғалды.

Кейбір тұрғындар тарапынан қысқарған істер мен тергеу жүргізілудегі заңдылықтар бойынша мәселелер айтылды.

Полиция департаменті бастығы М.Қабденов тарапынан кездесудегі азаматтардың әрбір сұрағына нақты жауаптар беріліп, құқықтық сауатталықты арттыру бойынша түсіндірмелер жүргізілді. Соңында департамент басшысы аудандағы полиция бөлімдерінің жұмыс барысын тексеріп, тұрғындардың арыз-шағымдары бойынша тапсырмалар берді.

МАҚТААРАЛ: ТӘРТІП САҚШЫЛАРЫ МАЛ ҰРЛЫҒЫН АЛДЫН АЛУ ШАРАЛАРЫН ЖҮРГІЗУДЕ

Қазіргі таңда мал ұрлығымен жол көлік оқиғалары ең өзекті мәселенің бірі болып табылады. Осы орайда Мақтаарал аудандық полиция бөлімінің учаскелік полиция инспекторлары аудан аумағындағы мал ұрлығымен жол көлік оқиғаларының алдын-алу және болдырмау мақсатында, аудан тұрғындарының ірі қара малдарына, ұсақ малдарына және жылқыларына толық түнгі уақытта жарық бергіш таспаларын (светоотражающие ленты) ілдіру үшін және малдарын қараусыз жібермеу жөнінде тиісті профилактикалық түсіндірме жұмыстарын жүргізуде. Бұдан бөлек, Мақтаарал аудандық полиция бөлімінің учаскелік полиция инспекторларымен 2022 жылдың 10 айында, мал ұрлығының алдын алу және болдырмау мақсатында, профилактикалық іс-шараларын жүргізу барысында, 1075 - мал тасымалдаушы автокөліктер мен 3025-малдар тексерілген. Сонымен қатар, ҚР ӘҚБтК-нің 406 бабында /ҚР ветеринария саласындағы заңнамасын бұзу/ көзделген құқық бұзушылыққа жол бергені үшін 76 тұлғаға, яғни мал иесіне әкімшілік шара көру мақсатында ауданның аумақ инспекция бөліміне ұсыныстар жолданды.

Әкiмшiлiк құқық бұзушылық туралы 406-бап. Қазақстан Республикасының ветеринария саласындағы заңнамасын бұзу:

Қазақстан Республикасының ветеринария саласындағы заңнамасын:
1) карантин және шектеу іс-шараларының шарттары мен талаптарын сақтамау;
2) ветеринариялық (ветеринариялық-санитариялық) қағидаларды, талаптарды және ветеринариялық нормативтерді:
мемлекеттiк ветеринариялық-санитариялық бақылауға және қадағалауға жататын, орны ауыстырылатын (тасымалданатын) объектiлердi күтіп-ұстауға, өсiруге, пайдалануға, өндiруге, дайындауға (союға), сақтауға, қайта өңдеуге және өткiзуге байланысты мемлекеттiк ветеринариялық-санитариялық бақылау және қадағалау объектілерін орналастыру, салу, реконструкциялау және пайдалануға беру кезiнде;
зообақтардағы, цирктердегi, омарталардағы, аквариумдардағы жануарларды қоса алғанда, жануарларды асырау, өсiру және пайдалану кезінде;
ішкі сауда объектілерінде; жануарларды өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілерінде; ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарда қызметті жүзеге асыру кезінде;
мемлекеттiк ветеринариялық-санитариялық бақылауға және қадағалауға жататын, орны ауыстырылатын (тасымалданатын) объектiлердi Қазақстан Республикасының аумағында тасымалдауды (орнын ауыстыруды) жүзеге асыру кезiнде сақтамау;
3) Қазақстан Республикасының аумағын басқа мемлекеттерден жануарлардың жұқпалы және экзотикалық ауруларының әкелінуі мен таралуынан қорғау туралы нормативтiк құқықтық актiлердiң талаптарын сақтамау;
4) кейіннен өткізуге арналған ауыл шаруашылығы жануарларын союдың шарттары мен талаптарын сақтамау;
5) ветеринариялық препараттардың, жемшөп қоспаларының тіркеу сынақтарын жүргізу үшін қажетті көлемде өндіру, әкелу (импорт) жағдайларын қоспағанда, оларды мемлекеттік тіркеусіз өндіруді, әкелуді (импортын), өткізуді және қолдануды (пайдалануды) жүзеге асыру түрінде жасалған бұзушылық –
жеке тұлғаларға – жиырма, лауазымды адамдарға, шағын кәсiпкерлiк субъектiлерiне немесе коммерциялық емес ұйымдарға – елу, орта кәсіпкерлік субъектілеріне – бір жүз, iрi кәсiпкерлiк субъектiлерiне екі жүз айлық есептiк көрсеткiш мөлшерiнде айыппұл салуға әкеп соғады.
2. Осы баптың бірінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер (әрекетсіздік) –
жеке тұлғаларға – қырық, лауазымды адамдарға, шағын кәсiпкерлiк субъектiлерiне немесе коммерциялық емес ұйымдарға – бір жүз, орта кәсiпкерлiк субъектiлерiне – екі жүз, ірі кәсiпкерлiк субъектiлерiне төрт жүз айлық есептік көрсеткіш мөлшерiнде айыппұл салуға әкеп соғады.
3. Ветеринариялық іс-шараларды өткізбеу немесе тиісінше өткізбеу, сондай-ақ оларды өткізу мерзімдерін бұзу –
жеке тұлғаларға – жиырма бес, лауазымды адамдарға, шағын кәсiпкерлiк субъектiлерiне немесе коммерциялық емес ұйымдарға – бір жүз жиырма бес, орта кәсіпкерлік субъектілеріне – екі жүз елу, iрi кәсiпкерлiк субъектiлерiне бес жүз айлық есептiк көрсеткiш мөлшерiнде айыппұл салуға әкеп соғады.
4. Осы баптың үшінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер (әрекетсіздік) –
жеке тұлғаларға – елу, лауазымды адамдарға, шағын кәсiпкерлiк субъектiлерiне немесе коммерциялық емес ұйымдарға – екі жүз елу, орта кәсiпкерлiк субъектiлерiне – бес жүз, ірі кәсiпкерлiк субъектiлерiне бір мың айлық есептік көрсеткіш мөлшерiнде айыппұл салуға әкеп соғады.
5. Ауыл шаруашылығы жануарларын бірдейлендіруді қамтамасыз етпеу –
лауазымды адамдарға жиырма бес айлық есептік көрсеткіш мөлшерінде айыппұл салуға әкеп соғады.
6. Осы баптың бесінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет (әрекетсіздік) –
лауазымды адамдарға елу айлық есептік көрсеткіш мөлшерінде айыппұл салуға әкеп соғады.
7. Жергілікті атқарушы органдардың өздеріне Қазақстан Республикасының ветеринария саласындағы заңнамасымен жүктелген функцияларды орындамауы –
жергілікті атқарушы органдардың лауазымды адамдарына ескерту жасауға әкеп соғады.
8. Осы баптың жетінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет (әрекетсіздік) –
жергілікті атқарушы органдардың лауазымды адамдарына бір жүз айлық есептік көрсеткіш мөлшерiнде айыппұл салуға әкеп соғады.
9. Жергілікті атқарушы органдардың ветеринария саласындағы қызметті жүзеге асыратын бөлімшелеріне, жергілікті атқарушы органдар құрған мемлекеттiк ветеринариялық ұйымдарға, мемлекеттiк ветеринариялық-санитариялық бақылау және қадағалау органдарына:
1) жаңадан сатып алынған жануар (жануарлар), алынған төл, оның (олардың) сойылғаны және өткізілгені;
2) жануарлар қырылған, бiрнеше жануар бiр мезгiлде ауырған немесе олар әдеттен тыс мiнез көрсеткен жағдайлар туралы хабарламау және ауру деп күдiк келтiрiлген кезде ветеринария саласындағы мамандар, мемлекеттiк ветеринариялық-санитариялық инспекторлар келгенге дейiн жануарларды оқшаулап ұстау бойынша шаралар қолданбау –
жеке тұлғаларға ескерту жасауға немесе бес айлық есептік көрсеткіш мөлшерiнде айыппұл салуға, шағын кәсiпкерлiк субъектiлерiне немесе коммерциялық емес ұйымдарға – жиырма бес, орта кәсіпкерлік субъектілеріне – елу, ірі кәсіпкерлік субъектілеріне бір жүз айлық есептік көрсеткіш мөлшерiнде айыппұл салуға әкеп соғады.
10. Осы баптың тоғызыншы бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет (әрекетсіздік) –
жеке тұлғаларға – отыз, шағын кәсiпкерлiк субъектiлерiне немесе коммерциялық емес ұйымдарға – елу, орта кәсiпкерлiк субъектiлерiне – бір жүз, ірі кәсiпкерлiк субъектiлерiне екі жүз айлық есептік көрсеткіш мөлшерiнде айыппұл салуға әкеп соғады.
11. Ветеринариялық құжаттарды беру тәртібін және олардың бланкілеріне қойылатын талаптарды бұзу –
лауазымды адамдарға, шағын кәсiпкерлiк субъектiлерiне – жиырма бес, орта кәсіпкерлік субъектілеріне – елу, ірі кәсіпкерлік субъектілеріне бір жүз айлық есептік көрсеткіш мөлшерiнде айыппұл салуға әкеп соғады.
12. Осы баптың он бірінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет (әрекетсіздік) –
лауазымды адамдарға, шағын кәсiпкерлiк субъектiлерiне – елу, орта кәсіпкерлік субъектілеріне – бір жүз, ірі кәсіпкерлік субъектілеріне екі жүз айлық есептік көрсеткіш мөлшерiнде айыппұл салуға әкеп соғады.
13. Ветеринария саласындағы мамандардың ветеринариялық іс-шаралар өткізу бойынша қызметтiк мiндеттерiн орындауы кезінде оларға жәрдем көрсетпеу –
жеке тұлғаларға – бес, лауазымды адамдарға, шағын кәсiпкерлiк субъектiлерiне немесе коммерциялық емес ұйымдарға – жиырма бес, орта кәсіпкерлік субъектілеріне – елу, iрi кәсiпкерлiк субъектiлерiне бір жүз айлық есептiк көрсеткiш мөлшерiнде айыппұл салуға әкеп соғады.
14. Жануарларды карантиндеу қағидаларын бұзу –
жеке тұлғаларға – бес, лауазымды адамдарға, шағын кәсiпкерлiк субъектiлерiне немесе коммерциялық емес ұйымдарға – жиырма бес, орта кәсіпкерлік субъектілеріне – елу, iрi кәсiпкерлiк субъектiлерiне бір жүз айлық есептiк көрсеткiш мөлшерiнде айыппұл салуға әкеп соғады.
15. Эпизоотияға қарсы күрес мәселелерi жөнiндегі нормативтiк құқықтық актiлердi, сондай-ақ ветеринария саласындағы өзге де нормативтiк құқықтық актiлердi эпизоотияның таралуына немесе өзге де ауыр зардаптарға әкеп соқпаған бұзу – жеке тұлғаларға – он, лауазымды адамдарға, шағын кәсiпкерлiк субъектiлерiне немесе коммерциялық емес ұйымдарға – жиырма бес, орта кәсіпкерлік субъектілеріне – елу, iрi кәсiпкерлiк субъектiлерiне бір жүз айлық есептiк көрсеткiш мөлшерiнде айыппұл салуға әкеп соғады.
16. Осы баптың он үшінші, он төртінші және он бесінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер (әрекетсіздік) –
жеке тұлғаларға – жиырма, лауазымды адамдарға, шағын кәсiпкерлiк субъектiлерiне немесе коммерциялық емес ұйымдарға – елу, орта кәсiпкерлiк субъектiлерiне – бір жүз, ірі кәсiпкерлiк субъектiлерiне екі жүз айлық есептік көрсеткіш мөлшерiнде айыппұл салуға әкеп соғатыны жазылған.

ҚР ӘҚБтК-нің 408 бабы /Ауыл шаруашылығы жануарларын жаю қағидаларын бұзу/ бойынша 613 тұлғаға, яғни мал иесіне, әкімшілік жауапкершілікке тартылды.

Әкiмшiлiк құқық бұзушылық туралы 408-бап. Ауыл шаруашылығы жануарларын жаю қағидаларын бұзу:

1. Облыстардың, республикалық маңызы бар қалалардың, астананың жергілікті өкілді органдары белгілеген ауыл шаруашылығы жануарларын жаю қағидаларын бұзу –
үш айлық есептік көрсеткіш мөлшерінде айыппұл салуға алып келеді.
2. Жеке тұлғалардың мүлкіне залал келтіруге әкеп соққан дәл сол әрекет –

он айлық есептік көрсеткіш мөлшерінде айыппұл салуға алып келеді делінген.
Құрметті Мақтаарал ауданының тұрғындары! Сіздерден мал ұрлығымен жол көлік оқиғаларының алдын-алу және болдырмау мақсатында, ірі қара - ұсақ малдарыңызға және жылқыларға толық түнгі уақытта жарық бергіш таспаларын (светоотражающие ленты) ілулеріңізді және малдарыңызлы қараусыз жібермеулеріңізді сұраймыз!

Бұл секілді жарық шағылыстырғыш ленталарды ауданымыздың ұсақ - түйек заттар (тысячи мелочей сынды), тұрмыстық бұйымдар сататын дүкендерінен сатып ала аласыздар!

Полицейлер «Құқықтық тәртіп» іс-шарасы барысында 30-дан астам қылмысты ашты

Түркістан облысының аумағында 9-11 қараша аралығында "Құқықтық тәртіп" жедел-профилактикалық іс-шарасы өткізілуде. Негізгі мақсат - құқық бұзушылықтар мен қылмыстардың жолын кесуге, қоғамдық тәртіп пен азаматтардың қауіпсіздігін қамтамасыз етуге бағытталған.

Полицейлер екі тәулік ішінде 30-дан астам қылмысты ашты, оның ішінде ҚР ҚК-нің 296-бабы "Есірткі, психотроптық заттармен, сол тектестермен өткізу мақсатынсыз заңсыз жұмыс істеу", яғни Түркістан қаласында тыйым салынған заттарды заңсыз сақтаудың 1 дерегін тіркеді. Сондай-ақ бұрын жасалған санаттағы 4 қылмысты ашты.

Көрсетілген кезеңде тәртіп сақшылары 2227 әкімшілік құқық бұзушылықты анықтады.

ҚР Қылмыстық Кодексi 296-бап. Есірткі, психотроптық заттармен, сол тектестермен өткізу мақсатынсыз заңсыз жұмыс істеу:

Ескерту. 296-баптың тақырыбына өзгеріс енгізілді - ҚР 27.12.2019 № 292-VI (қолданысқа енгізілу тәртібін 2-баптан қараңыз) Заңымен.
1. Қоғамдық орындарда есiрткi, психотроптық заттарды, сол тектестерді медициналық емес тұтыну –
сексен айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не сексен сағатқа дейінгі мерзімге қоғамдық жұмыстарға тартуға не жиырма тәулікке дейінгі мерзімге қамаққа алуға жазаланады.
2. Есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау –
бір жүз алпыс айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не бір жүз алпыс сағатқа дейінгі мерзімге қоғамдық жұмыстарға тартуға не қырық тәулікке дейінгі мерзімге қамаққа алуға жазаланады.
3. Ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау –
екі жүз айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не екі жүз сағатқа дейiнгi мерзiмге қоғамдық жұмыстарға тартуға не елу тәулікке дейінгі мерзімге қамаққа алуға жазаланады.
4. Аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау –
үш жылдан жеті жылға дейінгі мерзімге бас бостандығынан айыруға жазаланады.

Ескертулер.
1. Есірткі және психотроптық заттардың мөлшері Қазақстан Республикасының Үкіметі бекітетін Заңсыз айналымда жүргені анықталған есірткі, психотроптық заттарды, сол тектестер мен прекурсорларды шағын, ірі және аса ірі мөлшерге жатқызу туралы жиынтық кестеде айқындалады. Есірткі мен психотроптық зат тектестердің шағын, ірі және аса ірі мөлшерлері өздері тектестері болып табылатын есірткі және психотроптық заттардың шағын, ірі және аса ірі мөлшеріне сәйкес келеді.
2. Жеке тұтыну үшін сатып алған есiрткi, психотроптық заттарды, сол тектестерді, прекурсорларды өз еркiмен тапсырған не есiрткi, психотроптық заттарды, сол тектестерді медициналық емес мақсаттарда тұтынуына байланысты медициналық көмек көрсетiлуi үшiн медициналық мекемеге өз еркiмен барған не есiрткi, психотроптық заттардың, сол тектестердің, прекурсорлардың заңсыз айналымына байланысты қылмыстарды ашуға немесе олардың жолын кесуге, оларды жасаған адамдарды әшкерелеуге, қылмыстық жолмен табылған мүлiктi табуға белсендi түрде ықпал еткен адам осы бап бойынша қылмыстық жауаптылықтан босатылады.

Ал, ҚР ӘҚБтК 608-бабы, мас халде автокөлік басқару бойынша 19 жайт анықталып, тіркелді. Алдағы уақытта құқық бұзушыларға қатысты жиналған материалдар тиісті заңды шешім қабылдау үшін сотқа жолданады.

Әкiмшiлiк құқық бұзушылық туралы 608-бап. Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру:

1. Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру –
он бес тәулікке әкімшілік қамаққа алуға және жеті жыл мерзімге көлік құралын басқару құқығынан айыруға алып келеді.
2. Алып тасталды - ҚР 27.12.2019 № 292-VI (қолданысқа енгізілу тәртібін 2-баптан қараңыз) Заңымен.
3. Осы баптың бірінші бөлігінде көзделген, жәбірленушінің денсаулығына қылмыстық жазаланатын іс-әрекет белгілері жоқ зиян келтіруге немесе көлік құралдарын, жүктерді, жол құрылыстары мен өзге де құрылыстарды не өзге мүлікті бүлдіруге әкеп соққан әрекеттер –
жиырма тәулікке әкімшілік қамаққа алуға және жеті жыл мерзімге көлік құралын басқару құқығынан айыруға алып келеді.
3-1. Осы баптың бірінші бөлігінде көзделген, әкімшілік жаза мерзімі өткеннен кейін бір жыл ішінде қайталап жасалған әрекеттер –
жиырма тәулікке әкімшілік қамаққа алуға және сегіз жыл мерзімге көлік құралын басқару құқығынан айыруға алып келеді.
3-2. Осы баптың үшінші бөлігінде көзделген, әкімшілік жаза мерзімі өткеннен кейін бір жыл ішінде қайталап жасалған әрекеттер –
жиырма бес тәулікке әкімшілік қамаққа алуға және тоғыз жыл мерзімге көлік құралын басқару құқығынан айыруға алып келеді.
4. Алып тасталды - ҚР 27.12.2019 № 292-VI (қолданысқа енгізілу тәртібін 2-баптан қараңыз) Заңымен.
5. Алып тасталды - ҚР 27.12.2019 № 292-VI (қолданысқа енгізілу тәртібін 2-баптан қараңыз) Заңымен.
6. Осы баптың бірінші, екінші және үшінші бөліктерінде көзделген, көлік құралдарын басқару құқығы жоқ адамдар жасаған әрекеттер –
жиырма тәулікке әкімшілік қамаққа алуға әкеп соғады.
7. Осы баптың алтыншы бөлігінде көзделген әкімшілік жаза мерзімі өткеннен кейін бір жыл ішінде қайталап жасалған, осы баптың алтыншы бөлігінде көзделген әрекеттер –
отыз тәулікке әкімшілік қамаққа алуға әкеп соғады.
8. Осы баптың алтыншы және жетінші бөліктерінде көзделген, осы Кодекстің 50-бабының екінші бөлігіне сәйкес әкімшілік қамаққа алу қолданылмайтын адамдар жасаған әрекеттер –
екі жүз айлық есептік көрсеткіш мөлшерінде айыппұл салуға әкеп соғады.
Бұдан басқа қарсы қозғалыс жолағына шыққан жүргізушілерге ҚР ӘҚБтК-нің 596-бабы 3-бөлігі бойынша 14 әкімшілік хаттама толтырылды. Тәртіп сақшылары "Құқықтық тәртіп" шарасы барысында аулаларда, саябақтарда және адамдар көп жиналатын орындарда рейдтік жұмыстарды жүзеге асырды.

Әкiмшiлiк құқық бұзушылық туралы 596-бап. Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу:

1. Жол жүрiсi қағидаларын бұзып, жаяу жүргiншiлер жолдарымен, жол жиектерiмен немесе тротуарлармен жүру –
он бес айлық есептiк көрсеткiш мөлшерiнде айыппұл салуға әкеп соғады.
2. Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу, сол сияқты ұйымдасқан көлiкколоннасын немесе жаяу колоннаны кесiп өту не оның арасынан орын алу –
он бес айлық есептiк көрсеткiш мөлшерiнде айыппұл салуға әкеп соғады.
3. Егер бұл жол жүрiсi қағидаларында тыйым салынған жағдайларда, жолдың жүру бөлiгiнiң қарсы бағытта жүруге арналған жағына , оның ішінде кері бұрылып немесе бұрылыс жасап шығу –
алты ай мерзімге көлік құралдарын басқару құқығынан айыруға әкеп соғады.
4. Осы баптың бірінші және екінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер –
отыз айлық есептік көрсеткіш мөлшерінде айыппұл салуға әкеп соғады.
5. Осы баптың үшінші бөлігінде көзделген, көлік құралын басқару құқығынан айырылған не ондай құқығы жоқ адам жасаған әрекет –
елу айлық есептік көрсеткіш мөлшерінде айыппұл салуға әкеп соғады.
Нәтижесінде ҚР ӘҚБтК-нің 434-бабы "Ұсақ бұзақылық" бойынша 204 құқық бұзушылық анықталды. Әкiмшiлiк құқық бұзушылық туралы 434-бапта Ұсақ бұзақылық:

1. Ұсақ бұзақылық, яғни қоғамдық орындарда былапыт сөйлеу, жеке тұлғаларға қорлап тиiсу, тұрғын үй-жайларды қорлау және айналасындағыларға сыйламаушылықты бiлдiретiн, қоғамдық тәртiптi және жеке тұлғалардың тыныштығын бұзатын басқа да осындай әрекеттер –
бес айлық есептiк көрсеткiш мөлшерiнде айыппұл салуға не он тәулiкке дейiнгi мерзiмге әкiмшiлiк қамаққа алуға әкеп соғады.
2. Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекеттер –
он бес тәулiкке дейiнгi мерзiмге әкiмшiлiк қамаққа алуға әкеп соғады.
3. Осы баптың екiншi бөлiгiнде көзделген, осы Кодекстiң 50-бабының екіншi бөлiгiне сәйкес әкiмшiлiк қамаққа алу қолданылмайтын адамдар жасаған әрекеттер –
жиырма айлық есептiк көрсеткiш мөлшерiнде айыппұл салуға әкеп соғады.
Ал ҚР ӘҚБтК-нің 440-бабы бойынша 117 құқық бұзушы жауапқа тартылды. Өз кезегінде Түркістан облысының полицейлері жергілікті тұрғындарға әкімшілік және қылмыстық заңнама нормаларын түсіндіріп, профилактикалық әңгімелесулер жүргізуде.

Әкiмшiлiк құқық бұзушылық туралы 440-бап. Алкогольдік ішімдіктерді iшу немесе қоғамдық орындарға масаң күйде келу: Жергiлiктi атқарушы орган алкогольдік ішімдіктерді құйып сатуға рұқсат еткен сауда және қоғамдық тамақтандыру ұйымдарынан басқа, көшелерде және басқа да қоғамдық орындарда алкогольдік ішімдіктерді iшу немесе қоғамдық орындарға адамның қадiр-қасиетiн және қоғамдық имандылықты қорлайтын масаң күйде келу –
бес айлық есептік көрсеткіш мөлшерiнде айыппұл салуға алып келеді.
Он сегіз жасқа толмаған адамдардың қоғамдық орындарға масаң күйде келуі, сол сияқты олардың алкогольдік ішімдіктерді ішуі –
ата-анасына немесе оларды алмастыратын адамдарға бес айлық есептік көрсеткіш мөлшерінде айыппұл салуға алып келеді.
Осы баптың бірінші және екінші бөліктерінде көзделген, әкімшілік жаза қолданылғаннан кейін бір жыл ішінде қайталап жасаған әрекеттер –
он айлық есептік көрсеткіш мөлшерiнде айыппұл салуға не бес тәулікке дейінгі мерзімге әкімшілік қамаққа алуға алып келеді.

Қазығұрт: 20 миллион теңге несие алып беремін деп алдап кеткен…

Қазығұрт ауданы полиция бөліміне алаяқтың құрбаны болған жергілікті тұрғын арызданған. Ол азаматтың айтуынша, өзінің танысы 20 миллион теңге несие алып беремін деп, алаяқтық жолмен 150 000 теңге ақшасын алған. Келісілген уақытта хабар келмеген соң, өзі сұрамақ болып қоңырау шалған.

Алайда, ол азаматтан ешқандай жауап болмаған соң, полиция қызметкерлерінің көмегіне жүгінеді. Аталған жайт ҚР ҚК-нің 190-бабы «Алаяқтық» бойынша тіркелді.

Орын алған алаяқтық қылмысы бойынша полицейлер жедел-іздестіру жұмыстарын жүргізді. Нәтижесінде осы қылмысқа қатысы бар жергілікті тұрғын ер адам анықталды.

Күдікті ер азамат жәбірленушінің сырттай танысы 1 ай ішінде 20 миллион теңге несие алып беретінін айтып сендірген.

Осылайша күдікті пайдакүнемдік ниетпен алынған ақшаны өз қажеттілігіне жұмсап жібергені белгілі болды. Сонымен қатар сезіктінің бұдан басқа 5 алаяқтық жайтына қатысы бары расталды. Қазіргі таңда ер азаматқа қатысты тергеу амалдары жүруде.

Түркістан облысы полицейлері облыс тұрғындарына кез келген жанға сенбеуді, алаяқтың арбауына түсіп қалмауды ескертеді. Азаматтарға әртүрлі алаяқтардың айла-амалдарына түспеу үшін қырағы болуды ұсынады.

Айта кетйік, бүгінгі күні кең таралған қылмыстардың бірі – ол алаяқтық. Қазақстан Республикасының Қылмыстық кодексінің (әрі қарай ҚК) 190-бабының 1-бөлігінде алаяқтықтың түсінігі берілген. Алаяқтық - бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену. Қарапайым сөзбен айтқанда алаяқтық -алдау және сенімге қиянат жасау жолымен бөтен мүлікті ұрлау болып табылады. Аталған бап 4 бөліктен тұрады, соған байланысты алаяқтық үшін жаза түрлері де күшейтілген. Егерде кінәлі адам жай алақтық жасаған болса, яғни ҚК-тің 190-бабының 1-бөлігінде көрсетілген әрекеттерді жасаса ол 2 жылға дейін бас бостандығынан айырылуы мүмкін. Алаяқтықтың адамдар тобында алдын ала сөз байласуымен, адам өз қызмет бабын пайдалана отырып, ақпараттық жүйені пайдаланушыны алдау немесе сенімін теріс пайдалану жолымен, мемлекеттік сатып алу саласында жасалған алаяқтық үшін аталған баптың 2-бөлігіне сай 4 жылға дейін бас бостандығынан айыру жазасы көзделген. Алаяқтықтың ауыр түрлері осы баптың 3-4-бөліктерінде көрсетілген. Егер алаяқтың ірі мөлшерде, яғни 1 000 айлық есептік көрсеткіш мөлшерінен аса жасалса, алаяқтықты мемлекеттiк функцияларды орындауға уәкiлеттiк берілген адам не оған теңестiрiлген адам не лауазымды адам не жауапты мемлекеттік лауазымды атқаратын адам жасаса, егер ол өзінің қызмет бабын пайдалануымен ұштасса, екі немесе одан да көп адамға қатысты жасалса немесе алаяқтық бірнеше рет жасалған жағдайда аталған баптың 3-бөлігінде 7 жылға дейін бас бостандығынан айыру жазасы көзделген. Қылмыстық топ жасаған немесе аса iрi мөлшерде, яғни айлық есептік көрсеткіштің 4000 есе мөлшернінен асатын алаяқтық жасалса, ол үшін сол баптың 4-бөлігінде 10 жылға дейін бас бостандығынан айыру жазасы көзделген.Барлық жағдайда да қосымша жаза ретінде кінәлінің мүлкін тәркілеу жазасы қолданылады.

Сайрам: «Құқықтық тәртіп» жедел-профилактикалық іс-шарасы өтуде

Сайрам ауданы аумағында қараша айының 9-11 аралығында республикалық «Құқықтық тәртіп» жоспарлы жедел-профилактикалық іс-шарасы өткізілуде.

Басты мақсаты – аумақтағы жедел жағдайды сауықтыру, заңдылық пен құқықтық тәртіпті, қауіпсіздікті қамтамасыз ету.

Іс-шара аясында:

- қоғамдық орындарда, көшелерде жасалатын қылмыстардың алдын алу;

- ІІО есебінде тұратын адамдарды (бұрын сотталғандар, маскүнемдер, нашақорлар, психикалық науқастар, әкімшілік қадағалау белгіленген педофиль және психикалық мекемелерде есепте тұратын педофильдер) тексеруді жүзеге асыру;

- тыйым салынған заттарды (есірткі құралдары, атыс қаруы, жарылғыш заттар) заңсыз сақтаған не тасымалдаған адамдарды анықтау;

- қылмыстардың ізін суытпай және бұрын жасалған қылмыстарды ашу;

- қоғамдағы ұсақ құқық бұзушылыққа мүлдем төзбеушілік қағидатын қамтамасыз ету бойынша қосымша шаралар қабылдау;

- көлік құралының және жеке басты куәландыратын құжаттарды тексеру, көлікті тінту және азаматтардың заттарын тексеру;

- саяжай алқаптарын, демалыс аймақтарын, құрылыс нысандарын, базар, техникалық қызмет көрсету стансаларын, шаруа және фермер қожалықтарын, шалғай учаскелерді, қыстауларды тексеру жұмыстары жүзеге асырылуда.

Сайрам АПБ-ның полицейлері іс-шараның екі күні ішінде барлығы 217 әкімшілік құқық бұзушылық анықтап, әкімшілік хаттама толтырды. Оның ішінде ҚР ӘҚБтК-нің 73-бабымен (Отбасы-тұрмыстық қатынастар аясындағы құқыққа қарсы әрекеттер) 5 хаттама, 127-бабымен (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) 2, 434-бабымен (Ұсақ бұзақылық) 2, 437-бабымен (Тыныштықты бұзу) 2, 440-бабымен (Алкогольдік ішімдіктерді iшу немесе қоғамдық орындарға масаң күйде келу) 5, 442-бабымен (Кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы) 7, 492-бабымен (Қазақстан Республикасында тiркеусiз не жеке басты куәландыратын құжаттарсыз тұру) 18, 517-бабымен (Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы) 4, 518-бабымен (Шетелдiктерді және азаматтығы жоқ адамдарды қабылдайтын жеке немесе заңды тұлғалардың Қазақстан Республикасының халықтың көші-қоны саласындағы заңнамасын бұзуы)2 хаттама, 596-бабының 3-тармағымен (Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу) 1, 600-бабымен (Жаяу жүргiншiлердің немесе жол жүрiсiнiң өзге де қатысушыларының жүруiне басымдық бермеу) 1, 601-бабымен (Жол белгiлерiмен немесе жолдың жүру бөлiгiндегiтаңбалармен көрсетiлген талаптарды сақтамау) 20, 608-бабымен (Жүргізушінің көлік құралын алкогольдік, есірткілік және (немесе) уытқұмарлық масаң күйде басқару) 1 және 615-бабымен (Жаяу жүргiншiлердiң және жол жүрісіне өзге де қатысушылардың жол жүрісі қағидаларын бұзуы) 9 хаттама толтырылды.

Құрметті аудан тұрғындары!

Аудан орталығы Ақсукенттегі Жібек жолы көшесі бойында орналасқан «Арзан» сауда үйінің алдындағы «3.27. Тоқтауға тыйым салынады» белгісінің астында және одан ары қарай 800 метр қашықтыққа дейін автокөлікпен тоқтауға тыйым салынатынын ескертеміз. Құқық бұзушылыққа жол берген жүргізушіге ҚР ӘҚБтК-нің 597-бабымен 5 айлық есептік көрсеткіш мөлшерінде (15 315 теңге) айыппұл салуға әкеп соғады.

САЙРАМДА «ҚҰҚЫҚТЫҚ ТӘРТІП» ЖЕДЕЛ-ПРОФИЛАКТИКАЛЫҚ ІС-ШАРАСЫ ӨТУДЕ

Сайрам ауданының аумағында Сайрам Ауданы Полиция Басқармасымен қоғамдық тәртіп бақылауға алынып, 9-11 қараша күндері республикалық «Құқықтық тәртіп» жоспарлы жедел- профилактикалық іс-шарасы өткізілуде.

Іс-шара аясында қоғамдық орындарда, көшелерде жасалатын қылмыстардың алдын алу, ІІО есебінде тұратын адамдарды тексеруді жүзеге асыру, тыйым салынған заңсыз сақтаған не тасымалдаған адамдарды анықтау, қылмыстардың ізін суытпай және бұрын жасалған қылмыстарды ашу, қоғамдағы ұсақ құқық бұзушылыққа мүлдем төзбеушілік қағидатын қамтамасыз ету бойынша қосымша шаралар қабылдау, көлік құралының және жеке басты куәландыратын құжаттарды тексеру, көлікті тінту және азаматтардың заттарын тексеру, саяжай алқаптарын, демалыс аймақтарын, құрылыс нысандарын, базар, техникалық қызмет көрсету стансаларын, шаруа және фермер қожалықтарын, шалғай учаскелерді, қыстауларды тексеру жұмыстары жүзеге асырылуда.

Аталған іс-шара аясында жергілікті құқық қорғау органының қызметкерлерімен Қазақстан Республикасының Әкімшілік құқық бұзушылық Кодексіне сәйкес, 217 әкімшілік құқық бұзушылық анықталып, әкімшілік хаттама толтырылды.

Атап айтқанда,

73-бабымен отбасы-тұрмыстық қатынастар аясындағы құқыққа қарсы әрекеттер - 5,

127-бабымен (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау - 2,

434-бабымен ұсақ бұзақылық - 2,

437-бабымен тыныштықты бұзу - 2,

440-бабымен алкогольдік ішімдіктерді iшу немесе қоғамдық орындарға масаң күйде келу - 5,

442-бабымен кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы - 7,

492-бабымен Қазақстан Республикасында тiркеусiз не жеке басты куәландыратын құжаттарсыз тұру - 18,

517-бабымен шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы - 4,

518-бабымен шетелдiктерді және азаматтығы жоқ адамдарды қабылдайтын жеке немесе заңды тұлғалардың Қазақстан Республикасының халықтың көші-қоны саласындағы заңнамасын бұзуы - 2,

96-бабының 3-тармағымен көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу - 1,

600-бабымен жаяу жүргiншiлердің немесе жол жүрiсiнiң өзге де қатысушыларының жүруiне басымдық бермеу - 1,

601-бабымен жол белгiлерiмен немесе жолдың жүру бөлiгiндегi таңбалармен көрсетiлген талаптарды сақтамау - 20,

608-бабымен жүргізушінің көлік құралын алкогольдік, есірткілік және уытқұмарлық масаң күйде басқару – 1,

615-бабымен жаяу жүргiншiлердiң және жол жүрісіне өзге де қатысушылардың жол жүрісі қағидаларын бұзуы - 9.

Құрметті аудан тұрғындары!

Ақсукент ауылдық округіндегі Жібек жолы көшесі бойында орналсқан «Арзан» сауда үйінің алдындағы «3.27. Тоқтауға тыйым салынады» белгісінің астында және одан ары қарай 800 метр қашықтыққа дейін авток-өлікпен тоқтауға тыйым салынатыны ескертіледі.

Құқық бұзушылыққа жол берген жүргізушіге ҚР ӘҚБтК-нің 597-бабымен 5 айлық есептік көрсеткіш мөлшерінде (15 315 теңге) айыппұл салуға әкеп соғады.

Бәйдібек: Полицейлер оқушыларға арнап «Ашық есік күнін» ұйымдастыруда

Бәйдібек аудандық полиция бөлімінің қызметкерлері жасөспірімдер арасындағы қылмыстар, құқық бұзушылықтардың алдын алу шаралары аясында арнайы танымдық экскурсия ұйымдастырды. Шараға мектеп оқушылары жұмылдырылды. Яғни жасөспірім ұл балалар полиция бөліміне келіп, ондағы жедел басқару орталығы, тергеушілер мен криминалистердің арнайы бөлмелері, кезекшілік бөлім мен өзге бөлмелер аралап, жұмысымен танысып шықты.

Сондай-ақ мектеп бітіруші оқушылар арасында полиция қызметіне қызығушыларды ҚР ІІМ-нің Жоғары оқу орындарына шақыру, түсіндіру жұмыстары жүргізілді. Экскурсия соңында оқушылар полицейлерге арнайы уақыт бөліп, көңіл аударғандары үшін алғыстарын айтты. Полиция бөлімін аралап, тыныс-тіршілігімен танысқан балалар болашақта полиция қызметкері боламын деген сөздерін мақтанышпен жеткізді.