Түркістан облысында балық шаруашылығын дамыту бағытында жүйелі жұмыстар атқарылуда. Осы орайда Келес ауданында балық шаруашылығы өркендеп келеді. Мемлекеттік бағдарламалар мен қолдау тетіктері аясында бұл салада бірқатар жобалар жүзеге асырылып, жаңа жұмыс орындары құрылуда және ауылдық жерлерде әлеуметтік-экономикалық тұрақтылық нығая түсуде.

Шымкентте биыл креативті индустрияны қолдауға бағытталған тың жоба – «Shymkent Creative Hub» орталығы ашылған болатын. Шығармашылықты дамытуға арналған кеңістікте түрлі үйірмелер жұмыс істейді. Соның бірі – белгілі кәсіби суретші Айман Тельходжаевтың шығармашылық үйірмесі.

Түркістан облысы әкімі аппаратында «Сыбайлас жемқорлыққа қарсы іс-қимыл және алдын-алу» (ТБН-4) жобасының сыбайлас жемқорлық тәуекелдеріне ішкі талдау» тапсырмасын сапалы іске асыру мақсатында оқыту жұмыстары жүргізіліп, арнайы мәжіліс өткізілді. Оған басқармалар мен аудан, қала әкімдіктерінің жауапты өкілдері, облыс әкімі аппаратының бөлім басшылары мен қызметкерлері қатысты. Жиынды Түркістан облысы әкімі аппараты басшысының орынбасары Айдос Тоғызбаев жүргізіп, мәселенің маңызына тоқталды.

Түркістан облысы әкімінің орынбасары Бейсенбай Тәжібаевтың төрағалығымен жаңа оқу жылына дайындық жұмыстары бойынша мәжіліс өтті. Жиынға білім басқармасы, төтенше жағдайлар департаменті, аудан және қала әкімдерінің жауапты орынбасарлары онлайн-офлайн форматта қатысты.

Ұлы ақын, ойшыл, ағартушы Абай Құнанбайұлының 180 жылдығына арналған кең ауқымды мәдени іс-шаралар жалғасуда. Бүгін Семей қаласындағы Әлихан Бөкейхан университетінде «Өлең сөздің патшасы» халықаралық ақындар мүшәйрасы өтті.

Шардара – тек экономикалық емес, туристік әлеуеті жоғары аудан. Сондықтан мұндағы әрбір нысан мен табиғи аймақты тәртіпке келтіру – ортақ міндет. Түркістан облысы әкімінің бірінші орынбасары Зұлпыхар Жолдасов аймаққа арнайы барып, Шардара жағажайы маңында атқарылып жатқан жұмыстарды тексерді.

2025 жылы жұмыссыз жастар мен NEET санатындағы жастардың үлесін азайту мақсатында 12 мемлекеттік бағдарлама аясында 50 831 жасты осы жоба аясында жұмыспен қамту жоспарланған. Бұл туралы Түркістан облыстық қоғамдық даму басқармасына қарасты «Жастар ресурстық орталығы» КММ басшысының орынбасары Пердебек Сержанұлы мәлімдеді.

Түркістан облысының әкімі Нұралхан Көшеров Шардара ауданына кезекті рет жұмыс сапарымен барып, ауыз сумен қамту бағытындағы жұмыстарды қадағалады. Шардара қаласының бас су торабында мамандармен кеңесіп, тиісті тапсырмалар берді. Одан кейін жаңа ұңғыма қазу, су тапшылығының алдын алу жұмыстарын көріп, маңызды істің басы-қасында болды.

Түркістан облысы, Созақ ауданы, Сызған ауылдық округінің Қозмолдақ елді мекенінде тұрғындардың спортпен айналысуы мен балалардың бос уақытын тиімді өткізуіне арналған жаңа нысандар пайдалануға берілді. Ересектерге арналған «Street Workout» спорт алаңы мен балалар ойын алаңшасының ашылу рәсімі өтті. Сонымен қатар ағымдағы жөндеуден өткен кіші футбол алаңының құрылысы да аяқталып, ауыл тұрғындарының игілігіне ұсынылды.

Түркістан облысында жалпы 801 елді мекен бар. Оның ішінде, 794 елді мекен бас жоспармен қамтылып, қалған 7 елді мекеннің бас жоспарын биыл жүзеге асыру көзделуде. Бүгінгі таңда Түркістан облысы аумақтарының қала құрылысын жоспарлаудың кешенді сызбасы әзірленіп, сараптамаға жолданған. Жыл соңына дейін облыс мәслихатмен бекітілмек. Бұл мәселелер облыс әкімі Нұралхан Көшеровтың қатысуымен өткен кезекті мәжілісте талқыланды. Облыс басшысы салаға жауапты мамандарды жинап, атқарылған жұмыстар мен алдағы жоспарлармен танысып, сәулет ісіне бей-жай қарамауды тапсырды. Бұл жұмыстар жіті қадағалауда болатынын айтты.