Түркістан облысының әкімі Жансейіт Түймебаев «Мир через духовность» қоғамдық ұйымы кеңесінің Ресей мен Қазақстандағы өкілдерімен кездесті. Басқосуда тараптар таяуда Сайрам ауданында Англия мен Америкадан келген жоғары дәрежелі дәрігерлердің қатысуымен ұйымдастырылған халықаралық еріктілер лагері мен халықаралық медициналық конференцияның өткізілуіне байланысты сөз қозғап, медицина саласындағы әрмен қарайғы ынтымақтастық мәселесі туралы әңгімелесті.

Түркістан облысы Жетісай ауданына қарасты Абай ауыл округінде жүзімдік алқабы 280 гектарға жетіп отыр. Қазір Абай округінде жүзім жинау науқаны аяқталуға жақын. Өңірдегі ең ірі «Махарам» шаруа қожалығы егіс алқабының әр гектарынан 25 центнерге дейін өнім алуда. Жүзімнің «Тайфы» сортынан жиналған өнімнің басым бөлігі Ресейге жөнелтілуде екен.

Сейсенбі күні өңірлік коммуникациялар қызметінде Түркістан облысында өтетін «Қазақстанның болашағы – қазақ тілінде» атты семинарға байланысты баспасөз жиыны өтті. Онда Қазақстан Халқы Ассамблеясы ғылыми-сараптама кеңесінің мүшесі, саясаткер Дос Көшім мемлекеттік тілдің мәртебесі жайында сөз қозғады. Оның пікірінше, мемлекеттік тілдің мәртебесін көтеру үшін қоғамның осы мәселеге келгенде белсенділігі жоғары болуы керек.

Түркістан қаласындағы Қ.А.Ясауи атындағы ХҚТУ-дың мәдениет сарайында Елбасы Н.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауын жүзеге асыру бойынша аймақтық сарапшылардың кездесуі өтті. Кездесуді ҚР Президенті жанындағы Қазақстан стратегиялық зерттеулер институты мен Түркістан облысы әкімдігінің ішкі саясат басқармасы бірлесіп өткізді.

Түркістан облысындағы бюджеттік мекемелерге қажетті 169,1 мың тонна көмір бүгінгі таңда толық тасымалданған. Орталықтандырылған жылумен қамтамасыз ететін мекемелерге қажетті көмір көлемі – 106,6 мың тонна. Ал облыстағы темір жол станциясы қоймаларындағы 1 тонна  көмірдің бағасы бойынша «Шұбаркөл» көмірі – 14-15  мың теңге,  «Ботақара» көмірі – 10-11 мың теңге көлемінде. Бұл туралы Түркістан облыстық өңірлік коммуникациялар қызметінде өткен брифингте Энергетика және тұрғын үй-коммуналдық шаруашылық басқармасының басшысы Марғұлан Марайым мәлім етті.

Бүгін Елбасы Жолдауын түсіндіру және насихаттау мақсатында Түлкібас ауданына арнайы іссапармен ҚР Парламенті Сенатының депутаттары Асқар Бейсенбаев пен Әли Бектаев келіп, аудан активімен және тұрғындармен кездесті. 

2016 жылдың 1 қаңтарынан «5 институттық реформаны жүзеге асыру бойынша 100 нақты қадам» – Ұлт жоспарын орындаудың практикалық кезеңі басталғаны белігілі. Осыған орай Созақ ауданының орталығы Шолаққорған ауылында «Пробация үйі» ашылды. Бұл – Елбасы реформасын жүзеге асыру негізіндегі атқарылған істің нәтижесі. 

Табиғаты көркем Төлеби ауданы мемлекет тарапынан қолдау тауып, көркейіп келеді. Әсіресе, ауыл округтеріндегі жарық мәселесі оң шешімін табуда. Жаңа бағаналар орнатылып, көше бойы жарықтандырылып жатыр. Бұл бағыттағы жұмысты жандандыру үшін жаңа үшін трансформаторлар орнатылды. 

Түлкібас ауданы Т.Рысқұлов ауылында көпсалалы колледж ашылды. Енді түлкібастық жастар арнайы білімді енді алысқа сабылмай-ақ өз аймағында алуға мүмкіндік алды. 

Шардара топырағында тұңғыш рет өте жоғары деңгейде "Астана қаласының 20 жылдығына" арналған Грек-рим күресінен 2002-2004 және 2006-2008 жылы туылған жасөспірімдер арасындағы Түркістан облыстық №4 олимпиада резервінің мамандандырылған балалар-жасөспірімдер спорт мектебінің ашық біріншілігі өз мәресіне жетті.