Түлкібас аудандық полиция бөліміне ойынхана қызметкерінен арыз келіп түсті. Оның айтуынша, таңғы уақытта жұмысшы қыздар ұйықтап жатқанда, белгісіз біреу кассадағы 1 миллион теңгеден астам ақшаны жымқырып кеткен. Аталған жайтты полицейлер бірден ҚР КҚ-нің 188-бабы «Ұрлық» бойынша тіркеуге алды.

Хабарламаны алысымен түлкібастық тәжірибелі полицейлер жедел-іздестіру шараларына кірісіп кетті. Көрген-білгендерден сұрастырып, бейнебақылау камераларын мұқият қарап шықты. Жан-жақты атқарылған іс-шаралар нәтижесінде күдіктінің жеке басы анықталып, ол тұрғылықты мекенжайынан санаулы сағаттарда ұсталды. Күдікті ер адам полиция бөліміне жеткізіліп, жауап алынды.

Анықталғандай, күдікті осы ойынхананың тұрақты келушісі болған. Ұрлық болған күні ол ойынханада болған. Содан таңғы сағат 06:30 шамасында кассада отыратын қыздардың ұйықтағанын пайдаланып, ірі көлемдегі қаражатты жымқырып кеткен. Оңай жолмен келген ақшаны өз қажеттілігіне жұмсап үлгерген. Қазіргі таңда полицейлер ұрлық қылмысы бойынша тергеу амалдарын жүргізуде. Сонымен қатар ойынхана қызметінің заңдылығын тексеру бағытында кешенді іс-шаралар атқаруда. Айта кетейік, ҚР Қылмыстық Кодексi 188-бап. Ұрлық туралы былай жазылған.

1. Ұрлық, яғни бөтеннің мүлкін жасырын жымқыру – 

мүлкі тәркіленіп немесе онсыз, бір мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не сегіз жүз сағатқа дейінгі мерзімге қоғамдық жұмыстарға тартуға не үш жылға дейiнгі мерзімге бас бостандығын шектеуге не сол мерзімге бас бостандығынан айыруға жазаланады. 

2. Мынадай: 

1) адамдар тобының алдын ала сөз байласуымен; 

2) алып тасталды - ҚР 21.01.2019 № 217-VI Заңымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі);

3) алып тасталды - ҚР 27.12.2019 № 292-VI (қолданысқа енгізілу тәртібін 2-баптан қараңыз) Заңымен.

4) ақпараттық жүйеге заңсыз кіру не телекоммуникациялар желісі бойынша берілетін ақпаратты өзгерту жолымен жасалған ұрлық – 

мүлкі тәркіленіп, үш мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не бір мың екі жүз сағатқа дейінгі мерзімге қоғамдық жұмыстарға тартуға не бес жылға дейiнгі мерзімге бас бостандығын шектеуге не сол мерзімге бас бостандығынан айыруға жазаланады. 

3. Мынадай: 

1) ірi мөлшерде; 

2) бірнеше рет: 

3) тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық – 

мүлкi тәркiленіп, екі жылдан жетi жылға дейiнгi мерзiмге бас бостандығын шектеуге, не сол мерзімге бас бостандығынан айыруға жазаланады. 

4. Мынадай: 

1) қылмыстық топ жасаған; 

2) мұнай-газ құбырынан; 

3) аса iрi мөлшерде жасалған ұрлық – 

мүлкi тәркiленiп, бес жылдан он жылға дейiнгi мерзiмге бас бостандығынан айыруға жазаланады деп жазылған.

Сауран ауданы, Оранғай ауылдық округіндегі М.Әуезов атындағы жалпы орта мектебінде қазақтың ұлы жазушысы, қоғам қайраткері, ғұлама ғалым, Қазақстан ғылым академиясының академигі, филология ғылымдарының докторы, профессор, Қазақ КСР-нің еңбек сіңірген ғылым қайраткері Мұхтар Омарханұлы Әуезовтің 125 жылдық мерейтойы кеңінен аталып өтті.

ҚР Үкіметінің 2022 жылғы 26 қыркүйектегі «Түркістан облысындағы кейбір білім беру мен мәдениет ұйымдарына атау беру және қайта атау туралы» № 741 қаулысымен Сауран ауданына қарасты бірқатар білім ошақтарына қазақ халқының біртуар перзенттерінің есімдері берілді. Бұл өз кезегінде жаңадан құрылған жас аудан халқы үшін идеологиялық, рухани жағынан тигізер оң әсері мол. Сонымен төмендегі білім ошақтарының аты былайша өзгертілді:

Сауран ауданы әкімдігі аппаратының мәжіліс залында жетінші шақырылымдағы аудандық мәслихаттың кезекті жиырма екінші сессиясы болып өтті. Сессияны Сауран аудандық мәслихатының хатшысы М.Күнпейісов ашып, жүргізіп отырды. Сессияға аудандық мәслихат депутаттары, аудан әкімінің орынбасарлары, дербес бөлім басшылары, ауылдық округ әкімдері қатысты.

Түркістан облысының полицейлері жол-көлік оқиғаларының алдын алу мен болдырмау мақсатында, рейдтік-профилактикалық жұмыстарды үнемі жүргізіп отырады. Оның ішінде әлеуметтік желілерге мониторинг жүргізу, полицейлердің күн тәртібінен түскен емес. Осы бағытта жүргізілген кезекті қызмет барысында, «Телеграмм» арнасынан Сарыағаш ауданы «DAEWOO NEXIA» маркалы автокөлігінің жолдың қақ ортасында қарсы қозғалыс жолағына шығып, өзге көліктерге кедергі келтіріп бара жатқан бейнежазбасын анықтады. Орын алған құқық бұзушылықты жасаған жүргізушіні табу мақсатында сарыағаштық тәртіп сақшылары бірден іске кірісіп, жан-жақты тексеру жұмыстарын жүргізді. Нәтижесінде көлік жүргізушісі Сарыағаш ауданының тұрғыны, жас жігіт болып шықты.

Жол қозғалысы ережесін өрескел бұзған жас жігітке қатысты ҚР ӘҚБтК-нің 596-бабының 2-бөлігі (жолдың қарсы бағытына шығу) мен ҚР ӘҚБтК-нің 606-бабы 1-бөлігі (авариялық жағдай туғызу) бойынша әкімшілік хаттама толтырылды. Ал көлік айыптұраққа қойылды.

Өз кезегінде жүргізуші кінәсін толық мойындап, жасаған әрекеттері үшін өкініп, алдағы уақытта мұндай бассыздықтарға жол бермейтінін жеткізді.

Түркістан облысының полицейлері автокөлік иелерін жол қозғалысы ережелерін сақтауға шақырады. Осы орайда кейбір жүгенсіз жүргізушілерге құр мақтанға салынып, соңында опық жеп қалмаңыздар деп ескертеді.

Әкiмшiлiк құқық бұзушылық туралы 596-бапта «Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу»:

1. Жол жүрiсi қағидаларын бұзып, жаяу жүргiншiлер жолдарымен, жол жиектерiмен немесе тротуарлармен жүру – 

он бес айлық есептiк көрсеткiш мөлшерiнде айыппұл салуға әкеп соғады. 

2. Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу, сол сияқты ұйымдасқан көлiк колоннасын немесе жаяу колоннаны кесiп өту не оның арасынан орын алу – 

он бес айлық есептiк көрсеткiш мөлшерiнде айыппұл салуға әкеп соғады. 

3. Егер бұл жол жүрiсi қағидаларында тыйым салынған жағдайларда, жолдың жүру бөлiгiнiң қарсы бағытта жүруге арналған жағына , оның ішінде кері бұрылып немесе бұрылыс жасап шығу – 

алты ай мерзімге көлік құралдарын басқару құқығынан айыруға әкеп соғады. 

4. Осы баптың бірінші және екінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер – 

отыз айлық есептік көрсеткіш мөлшерінде айыппұл салуға әкеп соғады. 

5. Осы баптың үшінші бөлігінде көзделген, көлік құралын басқару құқығынан айырылған не ондай құқығы жоқ адам жасаған әрекет – 

елу айлық есептік көрсеткіш мөлшерінде айыппұл салуға әкеп соғады делінсе,Әкiмшiлiк құқық бұзушылық туралы 606-бапта «Жол жүрiсiне қатысушының жол жүрiсi қағидаларын авариялық жағдай туғызуға әкеп соққан бұзушылығы»

1. Жол жүрiсiне қатысушының авариялық жағдай туғызуға әкеп соққан, яғни жол жүрiсiне басқа да қатысушыларды жүру жылдамдығын, бағытын күрт өзгертуге мәжбүр етiп, жол жүрiсi қағидаларын бұзуы – 

он айлық есептiк көрсеткiш мөлшерiнде айыппұл салуға әкеп соғады. 

2. Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекет – 

алты ай мерзiмге көлiк құралын басқару құқығынан айыруға әкеп соғады деп жазылған.

Түркістан облысы Полиция департаменті Есірткі қылмысына қарсы іс-қимыл басқармасымен ағымдағы жылдың 9 айында 373 есірткі құқықбұзушылығын анықтады. Оның 165-і қылмыс, 208-і теріс қылық бағытында. Тарқатар болсақ, есірткі сатудың - 19, аса ірі көлемде есірткіні сақтаудың – 19, есірткі контрабандасының -55, есірткіні жарнамалау мен насихаттаудың – 3, құрамында есірткі заты бар өсімдікті егудің-69 деректері анықталды. Заңсыз айналымынан жалпы 399 кг. 447 гр.  есірткі заттары тәркіленді.Оның ішінде марихуана – 53 келіден астам, героин- 4,5 грамм, гашиш – 4,5 келіден астам және синтетикалық есірткі  - 415 грамнан астам.Сонымен қатар ағымдағы жылдың 9 айында құрамында есірткі заты бар 200 849 түп өсімдік тәркіленді.

Төменде осы 9 айда полиция қызметкерлерінің осы бағытта атқарған жұмыстарына тоқталып, қандай шаралар қолданылғанын жазылған.  

  «Есірткісіз болашақ» айлығына қатысушылар марапатталды

 Естеріңізге сала кетсек, Халықаралық нашақорлық пен есірткі бизнесіне қарсы күрес күні аясында Түркістан облысы Полиция департаментінің Есірткі қылмысына қарсы іс-қимыл басқармасының қызметкерлері облыстық әкімдік, Жастар орталығымен бірлесіп "Есірткісіз болашақ" атты кең көлемді іс-шара өткізді. Нәтижесінде нашақорлықтың алдын алу тақырыбында түрлі акциялар ұйымдастырылды. Тәртіп сақшылары 1 айға жоспарланған акция кезінде жастарды қатыстыра отырып, спорттық марафон ұйымдастырды. Таңертеңгілік жаттығу, велосипедшілер шеруі мен спорттық үйірме қатысушылары, Жылдам қимылдайтын арнайы жасақ қызметкерлерінің өнер көрсетуі мен флешмоб өткізді. Сондай-ақ полиция қызметкерлері тұрғындар арасында көпшілік баратын орындарда, саябақтар мен көшелерде түсіндіру жұмыстарын жүргізді. Керуен-сарай кешенінде профилактикалық акция өткізіліп, «Өмір қайығымен есірткісіз болашаққа» көрнекіліктерімен қайықтарға мініп, жұртшылықпен бөлісті. 30 күн бойы өткізілген іс-шара соңында 26 маусым күні Түркістан облысы ПД Есірткі қылмысына қарсы іс-қимыл басқармасының қызметкерлері Халықаралық нашақорлық пен есірткі бизнесіне қарсы күрес күніне орай, Түркістан қаласындағы Амфитеатр ғимаратында мерекелік іс-шара ұйымдастырды. Оған Түркістан облысы ПД бастығының орынбасары полиция полковнигі Асылжан Қалдарбеков, ҚР Ақпарат және қоғамдық даму министрлігінің Азаматтық бастамаларды қолдау орталығының басшысы Г.Құрман, облыстық әкімдіктің ведомстволық бағынысты басқармаларының, спорт секцияларының және жастар орталығының өкілдері қатысты. Іс-шара барысында "Есірткісіз болашақ" акциясы аясында өткізілген түрлі конкурстар мен сайыстарға қатысушыларды салтанатты марапаттау рәсімі өтті. Жеңімпаздар мақтау қағаздары мен бағалы сыйлықтар, заманауи гаджеттер, доптарм, футболкалар және бейсболкалармен марапатталды. Сондай-ақ жасөспірімдер шығыс жекпе-жегі бойынша әдіс-тәсілдерін көрсетіп, халықтың қошеметіне бөленді. Оған қоса облыстық эстрада әртістерінің концерттік бағдарламасымен жалғасты. Іс-шараға 200-ге жуық көрермен қатысып, көптеген жағымды эмоциялар мен ерекше әсер алды. Түркістан облысының полицейлері атап өткендей, мұндай іс - шаралардың негізгі мақсаты-нашақорлықтың алдын алу және құқық бұзушылықтардың алдын алу. сондай-ақ жастарды есірткіні пайдаланудан сақтандырады және әрбір тұрғынға есірткі құралдарын пайдаланудың зияны туралы жеткізеді. Тәртіп сақшылары Азаматтарды салауатты өмір салтын ұстануға және есірткіні қолданудан бас тартуға шақырады.

 Полицейлер психотроптық дәрі алып жүрген ер адамды анықтады

 Түркістан облысы Полиция департаментінің бастығы полиция генерал-майоры Мұрат Қабденов, барлық қала, аудан полицейлеріне «Учаске» жедел-профилактикалық іс-шарасын өткізуді тапсырды. Осы бағытта іске кіріскен жеке құрам түрлі қылмыстар мен құқық бұзушылықтарды анықтап, алдын алуда жұмыс атқаруда.

Мәселен Келес АПБ тәртіп сақшылары ауыл тұрғындарымен сұхбаттасуды ұйымдастырып, профилактикалық іс-шара өткізді. Кезекті ер адаммен тілдесу барысында, оның өзін ұстай алмай, бір жерде тұра алмағанына күмәнданып, оның жеке басын анықтады. Осылайша тұрғынның қалтасынан құрамында есірткісі бар «Трамадол» дәрілері тәркіленді.

Аталған дерек Келес АПБ-ға тіркеуге алынды. Полиция тарапынан жинақталған іс құжаттар заңды шешім қабылдау үшін ҚР Денсаулық сақтау министрлігінің Медициналық және фармацевтикалық бақылау комитетінің Түркістан облысы бойынша департаментіне жолданды.

 Полицейлер есірткі жарнамалаған 214 сайтты анықтады

 Түркістан облысының полицейлері интернет әлеміндегі есірткі саудасына тосқауыл қою, есірткі қылмысының алдын алу мақсатында қарқынды жұмыс жүргізуде. Мәселен жыл басынан бері ПД-нің Есірткі қылмысына қарсы іс-қимыл басқармасының полицейлерімен, осындай заңсыз әрекетпен айналысатын 214 есірткі сайттары анықталып, оларды бұғаттау бойынша шешім қабылдау үшін құзыретті мемлекеттік органға жолданған.

Жалпы облыс полицейлері 9 ай ішінде 165 есірткі қылмысын тіркеді. Оған қоса 208 есірткі теріс қылықтары анықтады. Оның ішінде 19-ы есірткі сату қылмысы, 19-ы аса ірі көлемде есірткі затын сақтау, 55-і есірткі контрабандасы. Есірткі өсімдігін еккен 69 дерек анықталды. Сондай-ақ 200 000 түптен астам сора өсімдігі табылып, жойылды. Заңсыз айналымнан 1,5 тоннаға жуық түрлі есірткілер тәркіленіп алынды.

Түркістандық тәртіп сақшыларымен бұл бағыттағы жүйелі жұмыстар атқарылып, есірткісіз қоғамның қалыптасуы жолындағы іс-шаралар іске асырыла бермек. Есірткімен күрес – ешқашан тоқтамайды!

 Полицейлер «Есірткісіз болашақ» акциясын өткізді

Түркістан облысы ПД Есірткі қылмысына қарсы іс-қимыл басқармасының қызметкерлері Түркістан қаласындағы «Түркістан жоғары медициналық колледжінде» жастар арасында нашақорлықтың алдын алу, салауатты өмір салтын насихаттау мақсатында «Есірткісіз болашақ» акциясын өткізді.

Акцияға 150-ден аса оқушы мен студент қатысты.

Тәртіп сақшылары кездесу барысында есірткі заттарының адам өмірін қалай құртатынын, сондай-ақ оның соңы қылмыспен аяқталатынын түсіндірді. Мысал ретінде нашақорлыққа байланысты бірнеше бейнероликтер көрсетіліп, оқушылардың қызықтырған сауалдарына жауап берді.

Студенттер аталған іс-шарада ой пікірлерін жеткізіп, белсенділік танытты.

 Шетел азаматынан есірткі затын тәркіледі

Сарыағаш аудандық полиция бөліміне "Жібек жолы" шекара бекетінде есірткі контрабандасы бойынша күдікті ұсталғаны туралы хабарлама келіп түсті. Анықталғандай, шетелдік азаматтардың бірін бекеттен өткізу кезінде «Клементина» атты қызметтік ит белгі беріп тоқтатқан.

Шекарашылар туған жеріне бет алған Өзбекстан азаматын ұстап, жедел-тергеу тобын шақырады. Жедел уәкілдер күдіктіні тінту кезінде, шалбарының оң жақ қалтасынан құрамында өсімдік тектес есірткі заты бар полиэтилен түйіншегін тауып, тәркіледі. Сараптамаға сәйкес, тәркіленген есірткі заты "гашиш" болып шықты.

Аталған дерек ҚР ҚК-нің 286-бабы "Айналыстан алып қойылған заттардың немесе айналысы шектелген заттардың контрабандасы" бойынша тіркелді. Ер адам қамауға алынды. Қазіргі таңда күдіктіге қатысты сотқа дейінгі тергеу амалдары жүргізілуде.

Түркістан облысының полицейлері есірткі заттарын заңсыз сақтағаны, өткізгені, өсіргені және контрабандасы үшін қылмыстық жауапкершілік қарастырылғанын ескертеді. Сонымен қатар, тәртіп сақшылары облыс тұрғындарын зиянды әдеттерден бас тартып, салауатты өмір салтын ұстануға шақырады. Егер сіз, есірткінің заңсыз айналымына байланысты қандай да бір ақпарат білсеңіз, тез арада полицияға 102 телефоны бойынша хабарласыңыз.

 870 түп есірткі мен пластмасс ыдыстарға салынған марихуана тәркіленді

"Қарасора-2022" жедел-профилактикалық іс-шарасы аясында ҚР ІІМ Есірткі қылмысына қарсы іс-қимыл департаменті мен ҚР Ұлттық қауіпсіздік комитеті, ҚР Ұлттық ұланының "Бүркіт" арнайы жасағы және Түркістан облысы ПД полицейлері бірлесіп, кезекті есірткі егістігін анықтады. Яғни жедел уәкілдер Отырар ауданы Босаға ауылы маңындағы алаңда әуежолы арқылы ұшу кезінде, егілген сора есірткісіне ұқсас өсімдіктер табылды.

Полицейлер тінту кезінде 850 түп өсіп тұрған, 20 түп шабылған өсімдік және 5 дана пластмасс ыдыстағы марихуанаға ұқсас есірткі затын тәркіледі.

Аталған жайт ҚР ҚК-нің 300-бабының 2-бөлігі "Құрамында есірткі заттары бар, өсіруге тыйым салынған өсімдіктерді заңсыз өсіру" бойынша тіркелді. Алынған заттай дәлелдемелер сараптамаға жіберілді. Ол зерттеу қорытындысына сәйкес, жалпы салмағы 15 келіден асатын "кептірілген марихуана" болып шықты.

Жедел-іздестіру іс-шараларының нәтижесінде полиция қызметкерлері Қызылорда облысының екі тұрғынын анықтады, олардың біреуі бұрын сотты болған.

Қазіргі уақытта аталған жайт бойынша сотқа дейінгі тергеу амалдары жүргізілуде. Күдіктілер қамауға алынды. Тергеу сезіктілердің есірткі заттарын қандай мақсатта өсіргенін және сақтағанын анықтайды.

 Зейнеткерден 1,5 келіден астам көкнар тәркіледі

«Қарасора-2021», «Рефлекс-2021» жедел-профилактикалық іс-шаралары барысында ТО ПД ЕҚҚІҚБ-ның полицейлері есірткіні заңсыз сақтау, сату қылмысына күдікті ретінде Келес ауданының тұрғынын қолға түсірді. Жедел ақпарат арқылы ұсталған егде жастағы ер адамның үйін тінту кезінде, оның ауласындағы қорасынан пакетке салынған есірткі затына ұқсас өсімдік табылды. Тәркілеп алынған затқа сараптама тағайындалды. Зерттеу қорытындысына сәйкес заттың салмағы 1,5 келіден асатын «көкнар» болып шықты. Аталған жайт ҚК 296-бабы «Есірткі, психотроптық заттармен, сол тектестермен, прекурсорлармен өткізу мақсатынсыз заңсыз жұмыс істеу» бойынша тіркелді. Күдікті қамауға алынды. Қазіргі таңда сотқа дейінгі тергеу амалдары жүргізілуде. Тәртіп сақшылары күдікті зейнеткердің аталған есірткі затын не үшін сақтағандығын анықтау үстінде.

Түркістан облысы полицейлері құрамында есірткі заты бар өсімдіктердің егістіктерін анықтау және жою, есірткілерді және басқа да тыйым салынған заттарды сақтаумен және өткізумен айналысатын адамдарды ұстау бағытында жан-жақты жұмыс жүргізуде. Сондықтан ең басты байлығыңыз - өміріңізді құртатын затты қолданбаңыз! Оны сақтап өткізуге жол жоқ!

 Есірткіні сақтап, өткізген күдіктілер ұсталды

 "Қарасора" жедел алдын алу іс-шарасы аясында Түркістан облысы ПД-нің полицейлері есірткі заттарының заңсыз айналымы жайттерін анықтау, жолын кесу, оларды өткізу мен сақтауға қатысы бар күдіктілерді ұстау бойынша тұрақты түрдегі жұмыстарды жүргізуде.

Мысалы, Сарыағаш ауданындағы жедел-іздестіру іс-шаралары кезінде полиция қызметкерлері есірткі сатушыны қылмыс үстінде ұстады. Күдіктіні тінту кезінде жедел уәкілдер Сарыағаш қаласының тұрғынынан марихуана салынған түйіншекті тауып алып, тәркіледі. Полиция тәркіленген заттай дәлелдемелерді сараптамаға жіберді. Аталған жайт СДТБТ-ға ҚР ҚК-нің 297-бабы "Есірткі құралдарын, психотроптық заттарды, сол тектестерді өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту немесе өткізу" бойынша тіркелді. Күдікті қамауда. Сотқа дейінгі тергеу амалдары жүргізілуде.

Сондай-ақ, Бәйдібек ауданында тәртіп сақшылары жергілікті тұрғындардың бірінің есірткіні заңсыз сақтағанын анықтады. Яғни Бәйдібек АПБ-нің полицейлері рейдтік шараларды атқару барысында күдіктіні ұстады, оның ауласындағы сарайын тінту кезінде есірткі заты бар сіріңке қорапшасын тапты. Сараптамаға сәйкес, тәркіленген өсімдік тектес есірткі затының жалпы салмағы 5,5 грамнан асатын "кептірілген марихуана" болып шықты.

Қазіргі уақытта аталған жайт бойынша ҚР ҚК-нің 296-бабы "Есірткі, психотроптық заттармен, сол тектестермен өткізу мақсатынсыз заңсыз жұмыс істеу" бойынша сотқа дейінгі тергеу жүргізілуде. Тергеу барысы істің барлық мән-жайын, сондай-ақ күдікті үйде есірткіні қандай мақсатта сақтағанын анықтайды.

Түркістан облысында полицейлер кезекті қарасора егістігін жойды

Сарыағаш АПБ кезекшілігіне жергілікті тұрғын өз үйінде қарасора өсірумен айналысатыны туралы ақпарат келіп түсті. Аталған жайтты полицейлер ҚР ҚК 300-бабының 1-бөлігімен "Құрамында есірткі заттары бар, өсіруге тыйым салынған өсімдіктерді заңсыз өсіру" СДТБТ-ға тіркеді.

Жедел-іздестіру іс-шаралары барысында аудандық полиция қызметкерлері бұрын ұрлық жасағаны үшін сотталған Сарыағаш ауданының тұрғынын күдікті ретінде ұстады. Оның тұрғылықты мекенжайын тінту кезінде жедел уәкілдер ауласынан құрамында есірткісі бар өсімдіктің бірқатарын тәркіледі. Сараптамаға сәйкес, тәркіленген өсімдіктің жалпы салмағы 40 келі "қарасора" болып шықты.Ер азаматтың оны өзінің тұтынуы үшін өсіргенін мойындады.

Қазіргі уақытта аталған жайт бойынша сотқа дейінгі тергеу амалдары жүргізілуде. Күдікті қолхатта. Полицейлер оқиғаның барлық мән-жайын және басқа да қылмыстарға қатыстылығын анықтап жатыр.

 Нашақорлық пен есірткі қылмысының алдын алу бойынша семинар-тренинг өтті

Түркістан қаласында Түркістан облысы ПД Есірткі қылмысына қарсы іс-қимыл басқармасының полицейлері мен үкіметтік емес ұйымдар бірлесіп, нашақорлықтың және есірткі бизнесінің алдын алуға бағытталған семинар-тренинг өткізді. Оған ҚР Ішкі істер министрлігінен басшылар, республикалық психикалық денсаулық ғылыми-практикалық орталығының мамандары мен жастар қатысты.

Аталған іс-шара "Азаматтық бастамаларды қолдау орталығы" КЕАҚ мемлекеттік грантының "Жастар арасында синтетикалық есірткінің таралуының алдын алу" жобасын іске асыру бойынша ұйымдастырылды. Негізгі мақсат - жастар арасында нашақорлықтың, синтетикалық есірткінің таралуы мен қолданылуының алдын алу. Жобаны іске асыру 2022 жылғы сәуірде Астана, Алматы, Шымкент қалаларында, сондай-ақ Қарағанды және Түркістан облыстарында басталды.

Тренингте ҚР ІІМ Есірткі қылмысына қарсы іс-қимыл департаментінің басқарма бастығы полиция полковнигі Бақытжан Әмірханов, Түркістан облысы ПД ЕҚҚІҚБ қызметкерлері, "Серғали-Түркістан" аймақтық-қоғамдық бірлестігі, ҚР ДСМ психикалық денсаулық республикалық ғылыми-практикалық орталығы "ШЖҚ РМК," денсаулық сақтау ұйымдарын біріктіретін өңірлік профилактикалық бағдарламаларды іске асыру "CADCA" жобасына қатысушы өкілдер болды. Оған қоса мемлекеттік басқару, үкіметтік емес сектор, жұртшылық және Түркістан облысы полиция департаментінің полицейлері ат салысты.

ҚР Президенті Қасым-Жомарт Тоқаев өзінің Жолдауында: "Синтетикалық есірткіні тұтынудың артуы ұлт денсаулығына үлкен қауіп төндіреді. Соңғы үш жылда айналымнан алынатын "синтетика" көлемі 10 есе өсті. Синтетикалық есірткі жыл сайын арзан әрі қолжетімді болуда. Олар әлеуметтік желілер, мессенджерлер арқылы еш кедергісіз сатылады және тіпті үйге жеткізіледі. Осы аса қауіпті дерттің ауқымын ескере отырып, синтетикалық есірткілерді өндіру мен таратуға қарсы күрес жалпыұлттық сипатқа ие болуға тиіс" - деп атап өткен болатын.

Осының аясында тренингке қатысушылар алдында сөз сөйлеген полиция полковнигі Б.Әмірханов, ҚР ІІМ Есірткі бизнесіне қарсы іс-қимыл басқармасымен жүргізіп жатқан шараларға тоқталып, атқарылған жұмыстардың нәтижелерімен бөлісті. Сондай-ақ есірткі құралдарын, оның ішінде "синтетикалық есірткіні" қолданудың жастарға зиянды әсерінің маңыздылығын атап өтті. Жиынға қатысушы жастар арасында нашақорлық пен есірткі қылмысының алдын алу, сондай-ақ нашақорлық пен есірткі бизнесінің алдын алуға бағытталған қызметті үйлестіру бойынша өзара іс-қимыл мәселелерін талқылады. Мамандар жастардың санасында денсаулық – адам үшін маңызды құндылық деген түсінікті нығайту және салауатты өмір салтын ұстануға деген тұрақты көзқарасты қалыптастыру қажеттігін атап өтті.

Көркем мінез адам бойындағы туа  біте қалыптасатын ұлы қасиет. Әрбір адамның мінез-құлқын көркем етуі отбасы, өскен ортасындағы тәлім-тәрбиесімен бірге өзінің де ақыл-парасат, ынталы, ықыласты болуыменен жаратылысына байланысты.

Мінездің көркем болып қалыптасуына әсер ететін тәрбие. Тәрбие адам тағдырын шешетін ұлы іс. Ұлы істің бастау бұлағы, қайнар көзі – отбасы. Мінез қалыптасуы тал бесіктен бастау алатын, әке мейірімінен құрышын қандырып, ана сүтінен нәр алып, тәрбие көріп өскен ұрпақ елін, жерін, халқын сүйетін, елінің болашағын, халқының қамын ойлайтын, жоғын жоқтайтын, парасатты, ой-өрісі кең, дүниетанымы жоғары, жан-жақты, білімді де білікті, ұлтжанды тұлға болып қалыптасары анық. Мінез – адам баласының ішкі жан дүниесінің сыртқы көрінісі деуге болады. Сол себепті де «Мінез-құлық – әркім өзінің кейпін көрсететін айна» десе керек. Әдетте, біз адамдарға қарап «мінезі жақсы екен» деп мақтап немесе «мінезі жаман екен» деп сынға алып жатамыз. Қарапайымдылық, адамгершілік, адалдық, өзгелерге жақсылық жасау, қиындыққа сабырлық таныту сияқты жақсы қасиеттердің бәрін көркем мінезге сыйдырамыз. Ал кісіні менсінбеу, сабырсыз болу – бұл адамзат баласына тән қылықтар емес. Мінезі көркем жандарды кейде жүздерінен-ақ аңғаруға болады. Жан-жағына әрдайым нұрын шашып, бәрімен тез тіл табысып, тек ақ ниет пейілмен жүретін жандарды әрине тез аңғарасың. Ал қай кезде болмасын қабағы қатулы, өз ортасында менмендікке салынатын жандар да жоқ емес, бар. Олардың көпшілікпен тіл табыспай, ұнамсыз кейіпте болатыны мәлім. Бірақ мінезі ұнамады деп, көкірегінен кері итеруге де болмайды. Өзің қанша жақсы болсаң да мінезі жаманды ұнатпау – жақсы қасиет емес.

Көркем мінез – Алланың берген үлкен сыйы. Ерекше мейірімді Жаратушы ие өзінің соңғы елшісі Пайғамбар Мұхаммед (с.а.с.) мінезін көркемдікпен көмкерген. Әнас ибн Мәлик (р.а.) Пайғамбар (с.а.с.)  мынандай сөзін жеткізеді: «Мен көркем мінездерді толықтыру үшін жіберілдім». Нағыз мінез жұмсақтығы Пайғамбар (с.а.с.) бойында жинақталған. Оның өнегелі ғұмырын оқи отырып, өзіміз үшін тәлім-тәрбие есігін ашамыз, нәтижесінде, Алла сүйіп қарайтын мүміндердің қатарына қосылуымызға үлкен мүмкіндіктерге қол жеткізеріміз хақ. Иман – көркем мінезділікпен өлшенеді. Көркем мінез – махаббат, білім, сабырлылық сияқты адами қасиеттердің өзара ұштасуынан пайда болады. Адам баласын өзі секілді қос аяқты, жұмыр басты өзге пенделерден ерекшелеп тұратын бір қасиет – оның мінезі. Мінез – адам бойындағы алтын мен жауһардан да артық жылтырап, көзге ұрып тұратын әшекей. «Тегінде, адам баласы адам баласынан ақыл, ғылым, мінез, ар деген нәрселермен озады. Бұдан өзге нәрсеменен оздым ғой демектің бәрі де - ақымақшылық» деген Абай атамыз он сегізінші қара сөзінде. Жақсы мінез – жан көркі. Адамды кең пейіл, көпшіл ететін де, я болмаса қытымыр, кекшіл ететін де – бойға біткен мінез.

Ғұлама Мәшһүр Жүсіп Көпейұлы да мінез жайлы баяндай келе: «Аспанда ұшып жүрген құс пен даланың тарпаң жылқысын қолға үйрету арқылы адамзат баласы қанша табысқа жетті. Осындай дала тағылары тәрбиеге көнгенде, адамның мінезі неге өзгермейді?» деп түйіндейді. Демек, адамның мінезін өзгертуге немесе жақсы дағдыларға бейімдеуге болады. Ғылымның әуелгі мақсаты – Алланы тану. Одан кейін – пайдалы білім алу. Егер оқыған біліміңіз мінезіңізді түзетпесе, онда ол пайдасыз білім болғаны. Алла тағала Құранда «Сен ең биік көркем мінез иесісің» деп пайғамбарға соншалықты жоғары баға берген. Осы аяттың түсіндірмесінде ибн Аббас (р.а.) «Алла тағаланың таңдаулы елшісіне жан-жақты, әрі бүкіл жақсылықты өз ішіне қамтыған мақтауы» дей келе, «Ұлы Алла мұндай мақтаумен бұдан алдын ешкімді де мақтағанын естімеппін» деген. Ал, ғаламға рахым нұрын шашып келген ардақты Пайғамбар (с.а.с.) үмметін көркем мінезді болуға шақырып, нұрлы жолының негізгі ұстанымын көрсетеді.

Адамның қадір-қасиеті мінез-құлқына қарай бағаланатыны әуелден белгілі. Ол адам өміріне толық әсер етеді. Келісті көркем мінез өмір кеңістігінің төріне шығарса, жағымсыз мінез биікке шыңдарға жетелемейді. Сондықтан көркем мінезді адам болу үшін адамның адамгершілік қасиеттерді бойына жақын ұстауы қажет. Ал көркем мінезге ұмтылу, көркем мінезділерді жақсы көру, сыйлау, оларға ұқсап бағуға тырысу – ол жақсы адамдар қатарынан. «Адамның жеті жетекшісі бар: басшысы – ақыл, жетекшісі – талап, қорғаны – сабыр, қорғаушысы – мінез, сынаушы – халық» деген екен. Сол себепті әрдайым қорғаушымыз бола білген жақсы мінезімізбен ғана айналамызға шуақ шашайық. Алла елшісі бүкіл саналы ғұмырын көркем мінезді дәріптеуге арнады. Құранда «Расында, Аллаға және ақырет күніне иман келтіріп, Алланы көп еске алатындар үшін Алла елшісінде керемет үлгі-өнеге бар» (Ахзаб сүресі, 21-аят) – делінген.                                             

Қорыта айтқанда, көркем мінез бар жерде имандылық бар. Мұсылман кісі өзіне қалаған нәрсені өзгеге қалайтын, әрі қолымен де, тілімен де өзгеге зиян жеткізбейтін және ашудың үстінде болып қалса да өзін ұстай білетін адам. Сол себепті мұсылмандық қаруым сабыр деп, көркем мінез иесі болуға барынша тырысайық.

Е.Ештай

Теолог маман       

Сарыағаш қала аумағында жастар мен жасөспірімдер арасында құқықбұзушылықтың, нашақорлықтын алдын алу және болдырмау, кәмелетке толмаған жасөспірімдердің түнгі мезгілде беймезгіл жүруін қадағалау мақсатында Сарыағаш АПБ ЖПҚ ЮПТ, аудандық прокуратура қызметкерлері және Жастар ресурстық орталығы қызметкерлерінің қатысуыменСарыағаш қаласы аумағындағы компьютерлік клубтарға түнгі рейдтік жұмыстары жүргізілді

Түнгі рейд барысында кәмелет жасқа толмаған жасөспірімдер анықталып, тиісті жұмыстар атқарылып, ата-аналарына ескерту жұмыстары жасалды.

Мемлекет басшысы Түркістан облысының жұртшылығымен кездесті. Президент кездесу барысында жұмыс сапарының негізгі мақсаты облыстағы ахуалмен танысу екенін айтып, Түркістанды атажұртымыздың алтын қазығы деп атап өтті.

Түркістан облысы қоғамдық даму басқармасының «Жастар ресурстық орталығы» КММ-нің ұйымдастыруымен өткен «Сен талантсың!» атты шығармашылық кеш байқауына Сауран ауданының атынан өзінің ерекше талантымен (робототехника) Жұмаділлә Қажыакбар Нұриллаұлы жеңіс тұғырынан көрінді!