Экономика

Түркістан облысы қысқа мерзімді экономикалық өсім бойынша елімізде көш басына шықты

Түркістан облысында әлеуметтік-экономикалық даму бағытындағы жүйелі жұмыстар өз нәтижесін беруде. Атқарылған жүйелі жұмыстардың нәтижесінде 2026 жылдың қаңтар-сәуір айларының қорытындысымен облыс экономикасының әлеуметтік-экономикалық дамуының оң динамикасы сақталды. Қысқа мерзімді экономикалық өсім 125,2%-ды құрап, республика бойынша 1 орынға шықты. Бұл туралы облыс әкімінің орынбасары Қанат Қайыпбектің төрағалығымен өткен жиында айтылды. Күн тәртібінде әлеуметтік-экономикалық даму қорытындылары және бюджеттің атқарылуы бойынша көрсетікіштер қаралды.

Түркістан облысында жаңа зауыттардың қатары көбейе түспек

Түркістан облысының әкімі Нұралхан Көшеров төрағалығымен Инвестициялық штабтың кезекті отырысы өтті. Штаб отырысына облыс әкімінің орынбасарлары, аудан-қала әкімдері, басқарма басшылары мен шетелдік және отандық инвесторлар қатысты. Күн тәртібінде 2026 жылы іске асырылуы жоспарланған инвестициялық жобалар таныстырылып, өңірлердегі инвестициялық жұмыстардың нәтижелері талқыланды.

Түркістанда саммит қорытындысы мен өңір экономикасы кеңінен талқыланды

Түркістандағы жаңа этно-туристік кешенде келелі басқосу өтті. Түркістан облысының әкімі Нұралхан Көшеров өңірдің зиялы қауым өкілдерімен, кәсіпкерлерімен, жастарымен және белсенді азаматтарымен кездесті. Алқалы жиын барысында облыс басшысы Түркі мемлекеттері ұйымына мүше мемлекеттер басшыларының бейресми саммиті жоғары деңгейде өткеніне байланысты Ел Президентінің облыс халқына деген алғысын жеткізіп, өңірдің дамуы үшін аянбай еңбек етіп жүрген азаматтарға ризашылығын білдірді. Сонымен қатар саммит қорытындысына тоқталып, өңірдің инвестициялық әлеуеті мен экономикалық мүмкіндіктері жөнінде баяндады.

Түркістан облысының жылыжайлары маусымаралық кезеңде ел сұранысының 45 пайызын қамтамасыз етеді

Түркістан облысы жылыжай шаруашылығын дамыту бойынша республикадағы жетекші өңір. Бүгінде еліміздегі жылыжайлардың 72 пайызы облыс аумағында орналасқан. Өңірде жалпы аумағы 1 006,7 гектарды құрайтын 3 366 жылыжай жұмыс істейді. Оның ішінде, жалпы көлемі 62,5 гектар болатын 17 өнеркәсіптік үлгідегі жылыжай және 944,2 гектар аумақты қамтитын 3 503 фермерлік жылыжай бар.

Түркістан облысының әкімі Нұралхан Көшеров шетелдік инвесторлармен келіссөз жүргізді

Түркістан облысының әкімі Нұралхан Көшеров шетелдік инвесторларды қабылдап, келіссөз жүргізді. Өңір басшысы инвесторларға облыстың инвестициялық әлеуеті туралы баяндап, бірлесе жұмыс істеуге шақырды.

Түркістан қаласында заманауи аквапарк кешенінің құрылысы басталды

Түркістан облысында туризм саласын дамыту бағытындағы ірі жобалардың бірі – заманауи аквапарк кешенінің құрылысы басталды. Жоба облыс әкімі Нұралхан Көшеров пен шетелдік инвесторлар арасындағы келіссөздер нәтижесінде жүзеге асуда.

Түркістан облысы: Жетісайдың алғашқы қауындары Ресейге жөнелтіліп жатыр

Жетісайлық шаруалар биыл 79,2 мың гектар суармалы жердің 44 мың гектарына мақта шитін сепсе, 17,1 мың гектар жерге бақша, 7,5 мың жерге дәндік жүгері, 3,7 мың га жерге көкөніс пен 6,4 мың гектар алқапқа жоңышқа дақылын егу жұмыстары жүргізілуде.

Шардарада жүгеріні терең өңдейтін ірі инвестициялық жоба жүзеге асырылуда

Шардара ауданының әкімі Арман Романұлы Қарсыбаев индустриялық аймақта орналасқан «Казкрахмал» ЖШС-нің жүгеріні терең өңдеу зауытының жұмысымен танысып, өндіріс орнын аралады. Кездесу барысында зауыттың атқарушы директоры Кияшбаев Руслан өндіріс барысы мен алдағы жоспарлар жөнінде ақпарат берді.