Шымкент қаласында оқушыларға мамандық таңдауда бағыт-бағдар беру мен жазғы демалысты тиімді ұйымдастыру мәселелеріне арналған республикалық форум өтті. «Танда. Өзгер. Жасампаз бол!» атты мазмұнды басқосу кәсіби бағдар беру саласының өзекті мәселелерін талқылап, жаңа шешімдерге жол ашты.
Бүгін Сауран ауданына Түркі әлемі муниципалитеттер одағының делегациясы арнайы іссапармен келді. Халықаралық ынтымақтастықты нығайту, бауырлас елдер арасындағы мәдени-экономикалық байланысты дамыту және тәжірибе алмасу мақсатындағы бұл сапар – аудан тарихында айтулы оқиға.
Бүгін аудан әкімі Азат Оралбаев Ордабасы аудандық білім бөлімі және аудан көлеміндегі мектеп директорлары, ауылдық округтердің әкімдері, өзге де мемлекеттік мекемелердің өкілдерімен кеңейтілген жиын өткізді.
Өңір басшысы Нұралхан Көшеровтің облыс тұрғындарымен кездесулері және жеке қабылдаулары тұрақты түрде жүргізіліп келеді. Облыс әкімінің кезекті кездесуі Созақ ауданында жалғасты. Жергілікті тұрғындардың ұсыныстары мен пікірлері тыңдалып, өз кезегінде түйткілді мәселелердің шешу жолдары қарастырылды.
Созақ ауданында іссапарда болған ҚР Мемлекеттік қызмет істері агенттігінің Түркістан облысы бойынша департаменті басшысы А. Наурызбаев ауданның мемлекеттік қызметшілеріне Агенттік пен оның аумақтық бөлімшелерінің негізгі қызмет бағыттарын түсіндіріп, мемлекеттік қызметтің облыстағы бүгінгі жай-күйі туралы ақпаратпен бөлісті.
Биылғы жылы Созақ ауданында құрылыс және инфрақұрылымдық жобаларға басымдық беріліп, ауданның дамуына айтарлықтай ықпал етуде. Шолаққорған ауылындағы «Достар» стадионы күрделі жөндеуден өтеді. Сонымен қатар, Шолаққорған ауылында 200 орындық заманауи «Спорттық-сауықтыру» кешенінің құрылысы жақын уақытта аяқталса, осы жылы Созақ ауылынан да «Спорттық-сауықтыру» кешенінің құрылысы басталды.
Шымкент қаласында мемлекеттік қызмет сапасын арттыру мақсатында цифрландыру үдерісі қарқынды жүзеге асырылып жатыр. «Мемлекеттік органның ұйымдастырушылық дамуы» бағытында «Ақпараттық технологияларды қолдану» көрсеткіші 2022 жылы 46%-ды құраса, былтыр бұл көрсеткіш 85%-ға дейін жетіп отыр. Бұл – әкімдіктің жүйелі жұмыстарының нәтижесі.
Бүгін аудан әкімі Азат Оралбаевтың төрағалығымен кезекті аппарат жиыны өтті. Кезекті мәжіліске аудан әкімінің орынбасарлары, аудан әкімі аппаратының қызметкерлері, дербес бөлім басшылары, ауыл округтерінің әкімдері және тиісті сала басшылары қатысты.