Түркістан облыстық ауыл шаруашылығы басқармасы биыл «Энзоотиялық» ауруларға қарсы көктемгі залалсыздандыру жұмыстарын 30 наурыздан бастайды.

   Зиянкестердің табиғи ошақтарында санитарлық-эпидемияға қарсы шаралар ұйымдастырылуда. Эпидемиялық аумақтарда мұндай шаралар жыл сайын кемінде екі рет, көктем, күз мезгілдерінде өткізіледі. Айта кету маңызды, Түркістан облысындағы ветеринария саласы мамандарының алдағы бір айлық жоспары ауқымды. Атап айтқанда, биылғы 66,8 млн  шаршы метр қора мен 28,5 млн шаршы метр мал иірімдер мен суаттар, бұталар залалсыздандырылады. 2,5 млн ірі қара мен  8,4 млн уақ мал дәріленеді деп жоспарлануда.

   Аудан, қалалардағы ветеринар мамандар қажетті құрылғылар мен дәрі-дәрмектермен, арнайы киімдермен толық қамтамасыз етілген.  Облыс бойынша 2018 жылы 3360 адам кене шағып ауруханаға түскен. Былтыр бұл көрсеткіш 12 % азайған.