Арыстықтарға көмек көрсетуден өзге ұлттар да қалыс қалмауда. Бүгін өңірімізде өзбек этно-мәдени бірлестігі игі істің ұйытқысы болды. Олар жарылыстан зардап шеккен тұрғындарға 8 жүк көлігіне тиелген құрылыс заттарын жөнелтті.
Арыстағы ең көп тұрғын үйлер мен жеке секторлар орналасқан жер - бесінші бөлікте. Бұл аумақтың құрылысы Қарағанды облысына жүктелсе, тұрғындар мәселесін төлебиліктер реттеп отыр. Қазір сектордағы құрылыс қарқынды.Қарағандыға берілген секторда 11 көпқабатты тұрғын үй бар. Барлығының дерлік терезесі шытынап, есіктері зақымдалған. Жағдайды бақылап, тиісті шешім шығарған мердігер компания барлығын түгел ауыстыруда.
Түркістан қаласының жаңа басшысы Рашид Аюпов халықпен кезекті кездесуін жалғастыруда. Қалаға қарасты мөлтек аудандарға арнайы барып, бұқараның қордаланған мәселелерімен тікелей танысып жүр. Тұрғындармен тілдескен әкім, Түркістанды түлету бағытындағы тың жоспарлармен де бөлісті.
Бүгін Түркістан облысы әкімдігінің қолдауымен, облыстық ауыл шаруашылығы басқармасының ұйымдастыруымен Арыс қаласында ауыл шаруашылығы өнімдерінің жәрмеңкесі өтті. Бұл жәрмеңкеге Келес ауданының шаруалары да белсенді атсалысып 7,5 тонна өнім ұсынған.
Бүгін Түркістан облысы әкімдігінің қолдауымен Арыс қаласында ауыл шаруашылығы өнімдерінің жәрмеңкесі өтті. Арзан бағамен сатылып жатқан өнімдер арыстықтарға елеулі көмек болып тұр. Бұл туралы Арыс қаласының 8-ші секторына жауапты Мақтаарал ауданы әкімінің орынбасары Бейсенбай Төребеков хабарлады.
Арыс қаласын қалпына келтіру бағытындағы жұмыстар жалғасып жатыр. Жалпы, қалада 8401 үй тіркелсе, оның 7097-сі зақымдалған. Сонымен бірге 104 көпқабатты үйдің 94-іне жөндеу жұмыстары тағайындалған. Сондықтан осы үйлерді жылдам әрі сапалы жөндеу, қалпына келтіру үшін құрылысшылар түнде де жұмысты жалғастырып келеді.
Қазақстан халқы Ассамблеясының мүшелері Арыс қаласының тұрғындарына көмек беру шараларын жүйелі жалғастырып келеді. Бүгін Қазақстан өзбектері этномәдени бірлестіктері «Достық» қауымдастығы құрылыс материалдары тиелген 10 жүк көлігін Шымкенттен Арыс қаласына көмек ретінде жөнелтті. Құны 9 млн 800 мың теңге болатын материалдар бүгін апат орын алған аймақтағы Шымкент қаласына бекітілген №10 секторға жеткізілді.
Арыста жағдай қалыпқа келді. Зақым келген үйлер жөнделіп жатыр. Тұрғындар тіршілігін жасап жүр. Жергілікті билік 1 қыркүйекке дейін мектептерді де ретке келтіреміз деді. Алайда жарылыстан кейін, қауіп сейілгенімен үйлеріне қайтуға бас тартқандар да болды.