Шымкенттік шахматшы Грекиядағы әлемдік доданы бағындырды
Шымкент қаласының спортшысы Жұмабек Нұрасыл әуесқойлар арасында шахматтан Әлем чемпионатының алтын жүлдесін жеңіп алды.
Шымкентте боз балалар арасында тай көкпары өтті
Көкпар - ат үстінде еркін өскен әр қазақтың жаны. Түркі тілдес мемлекеттердің ертеден келе жатқан , және әзірге дейін сақталған ат спортының ішінде ең бірегейі. Содан да болар көкпар десе деребесі қозбас қазақ жоқ. «Ер қанаты – ат» деп білетін қазақтың алты жасар баласы да ат құлағында ойнайды. Сексеннің сеңгіріне шыққан қарияның өзі тіксінбей додаға түседі. Қазіргі заманда ата-баба дәстүрін жалғастыру үшін көкпарды насихаттайтын ірілі-ұсақты жарыстар ұйымдастырып, жүйелі түрде жұмыс жүргізудің маңызы зор. Бұл іс, әсіресе, еліміздің үшінші мегаполисі — Шымшаһарда мықтап қолға алынған.
Шымкент әкімі мен Фиде Президенті шахматты дамыту мәселелерін талқылады
Бүгін Шымкент қаласының әкімі Ғабит Сыздықбеков Халықаралық шахмат ұйымының (ФИДЕ) президенті Аркадий Дворковичпен маңызды кездесу өткізді. Кездесудің басты тақырыбы – Шымкентте шахмат спортын дамыту болды.
Шымкенттіктер «Қазақстан барысын» қошеметпен күтіп алды
Қазақ күресінен “Қазақстан барысы” республикалық турнирінің күміс жүлдегері Ерсұлтан Мұзаппаровты Шымкент әуежайынан спорт мектебі басшылары, жанкүйерлері зор қошеметпен күтіп алды. Салтанатты күтіп алу іс-шарасында ҚР еңбек сіңірген жаттықтырушысы Бақытжан Жақсықұлов жерлесімізді жеңісімен құттықтап, алдағы бәсекелерде сәттілік тіледі.
Шымкенттік спортшылар Грецияда өткен әлем чемпионатында 6 алтын медаль жеңіп алды
"Шымкент қаласының жоғары спорт шеберлігі мектебінің" джитсерлері Грекияның Ираклион қаласында өткен JIU-JITSU WORLD CHAMPIONSHIP 2024 әлем чемпионатында 6 алтын және 2 күміс, 2 қола медаль жеңіп алды. Чемпионатқа әлемнің 56-дан астам елінен 2035 спортшы қатысты, олардың арасында Қазақстан құрамасының өкілдері өз шеберліктерін сәтті көрсетті.
Джиу-джитсудан ересектер мен әйелдер арасында Әлем чемпионатында спортшыларымыз жеңіс тұғырынан көрініп, әнұранымызды 6 рет шырқатты.
«Шымкент қаласының жоғары спорт шеберлігі мектебінің» джитсерлері өздерінің салмақ және жас санаттарында мықты бола отырып, жоғары нәтижелерге қол жеткізді. Әлемнің түкпір-түкпірінен келген спортшылар арасында бәсекелестік жоғары болды, бірақ табандылық пен шеберліктің арқасында біздің спортшылар құрметті орындарға ие болды.
????Contact-system????
1 орын - Абишев Бекболат 69 кг
1 орын - Таджибаев Нурбек 77 кг
1 орын - Тоқтыбаев Талант 85 кг
1 орын - Мырзабеков Багдаулет 94 кг
1 орын - Шукурова Роза 45 кг
1 орын - Ахмет Кымбат 48 кг
2 орын- Жүніс Түймегүл 48 кг
3 орын -Катбаев Галымжан 85 кг
????Fighting-system????
2 орын - Шукурова Роза 45 кг
3 орын - Катбаев Галымжан 85 кг
Жаттықтырушылар: Оралбеков Бауыржан, Сыздықбаев Бауыржан.
Айта кетейік, халықаралық жекпе-жек қауымдастығы Қазақстанды джиу-джитсуды дамытудағы жетекші елдердің бірі деп таныды. Республикада 10 мыңнан астам стиль ізбасарлары мен ондаған Әлем чемпиондары бар.
Шымкентте жастарға арналған спорт кешені ашылды
Шымкент қаласындағы Еламан шағын ауданында жаңа спорт кешені ашылды.
Шымкентте Халықаралық шахмат фестивалі өтті
Шымкентте Freedom Holding Corp. компаниясының қолдауымен, KazChess/Қазақстан шахмат федерациясы ұйымдастырған шахмат фестивалі өтіп жатыр. Іс-шаралар аясында 29 қазанда ашылатын 2024-2025 жылғы ФИДЕ әйелдер Гран-приінің 2-ші кезеңі, 2024 жылғы Қазақстан Балалар Кубогының 6-шы кезеңі – В.В. Печерский Мемориалы және Шымкенттің 1-ші Ашық Кубогы қатар өткелі тұр.
Шымкенттік спортшы асық атудан алғашқы ашық турнирдің жеңімпазы атанды
Асық атудан Республика күніне орай Qazaqstan жеңіл атлетика спорт кешенінде алғаш рет ашық турнир ұйымдастырылды.