Елордада Оқу-ағарту министрлігінің қолдауымен жетім балалар мен ата анасының қамқорлығынсыз қалған балаларды қолдауға арналып алғаш рет ұйымдастырылған «Жұлдыз болғым келеді» республикалық вокалдық байқауының жеңімпаздарын салтанатты марапаттау рәсімі өтті. Бұл шығармашылық жоба — жас таланттардың арманы мен дауысына қанат бітірудің жаңа алаңы.
Р.Сейтметов атындағы Түркістан қаласының сазды-драма театры биыл 150-ге жуық қойылымды сахналады. Сондай-ақ, театр репертуары осы жылы 6 жаңа қойылыммен толықты. Оның үшеуі ересектерге арналса, қалғаны балаларға арналған. Бұл туралы брифингте театр директоры Арман Алиев мәлімдеді.
Бұл байқау Отырар ауданының 90 жылдығы аясында ҚР еңбек сіңірген қайраткері, ҚР Президенті сыйлығының лауреаты «Парасат» орденінің иегері сатирик Көпен Әмірбек шығармашылығын дәріптеуге, сондай ақ облыстық театр өнерінің үздік үлгілерін көрсетуге арналды.
Отырар ауданында ҚР еңбек сіңірген қайраткері, ҚР Президенті сыйлығының лауреаты, «Парасат» орденінің иегері, сатирик Көпен Әмірбектің туғанына 75 жыл толуына орай «Театр – өмір айнасы» облыстық халықтық театрлар байқауы басталды. Байқаудың ашылу салтанатына аудан әкімі Қайрат Жолдыбайұлы мен аудандық мәслихат төрағасы Уәлихан Ұзақов және сатириктің бауыры Мырзабек Әмірбекұлы қатысып, құттықтау лебіздерін жеткізді.
Түркістан қаласының әкімі Әзімбек Пазылбекұлы «Қабанбай батыр» ескерткіші аумағындағы қабырғаға салынған муралдар байқауының жеңімпаздарын салтанатты түрде марапаттады. Іс-шара барысында қала басшысы суретшілердің еңбегін жоғары бағалап, олардың шығармашылығы Түркістанның тарихи және мәдени келбетін жаңа қырынан танытып, шаһардың сәулеттік болмысына ерекше сән бергенін атап өтті.
Бүгін Шымкентте Қазақстан халқы Ассамблеясының 30 жылдығы аясында «Ұлттық киім – ұрпаққа мұра» фестивалі өтті. Ұлттық киім үлгілері дәріптелген іс-шараға жергілікті қолөнер шеберлері, жас дизайнерлер, сән өнерінің өкілдері мен ұлттық өнер жанашырлары, этномәдени бірлестіктердің жетекшілері, шығармашылық ұжымдар, жоғары және орта арнаулы оқу орындарының студенттері мен тұрғындар қатысты.
Кентау қалалық музейінде суретші, ұстаз, шығармашылық тұлға, «Бабалар аманаты» этнографиялық дизайнерлер одағының мүшесі Болат Исабековтың «Көңіл толқыны» атты жеке көрмесінің ашылу салтанаты өтті.
Шымкент қаласындағы Достық үйінде Қазақстан халқы Ассамблеясының 30 жылдығына арналған «Жанға жайлы жерұйық – біздің Отан» атты фестиваль өтті. Іс-шараны қалалық Армян және Славян этномәдени бірлестіктері ұйымдастырды.