Түркістан облысы әкімінің орынбасары Қанат Қайыпбек Ұлттық балаларды оңалту орталығының басқарма төрағасы Ажар Ғиниятпен кездесті. Кездесу барысында облыстағы мүмкіндігі шектеулі балаларға көрсетілетін оңалту қызметінің сапасы мен деңгейі, сондай-ақ осы саладағы өзекті мәселелер мен оларды шешу жолдары, қызметті одан әрі дамыту бағыттары жан-жақты талқыланды.
ҚР Премьер-министрі Олжас Бектенов Президенттің «Таза Қазақстан» бастамасын жүзеге асыру барысына мониторинг жүргізу орталығының отырысын өткізді. Онда қоршаған ортаны қорғау және халықтың экологиялық мәдениетін қалыптастыруда цифрлық технологиялар қолдану мәселелері қаралды.
Таяуда Созақ ауданының орталығы – Шолаққорған ауылында мәдениет пен руханияттың маңызды ордасы саналатын жаңа кітапхана ғимараты пайдалануға беріліп, ел игілігіне табысталды. Заманауи үлгіде бой көтерген кітапхананың ашылу салтанатына аудан әкімі Мұхит Тұрысбеков, аудандық мәслихат төрағасы Ордабек Жәмиев, облыстық мәслихат депутаты Бегімбет Байғараев, ауданның ардагерлері, ақ жаулықты әжелер мен ауыл тұрғындары қатысты.
Түркістан қаласы әкімінің төрағалығымен қала дамуының негізгі бағыттары бойынша атқарылған жұмыстардың қорытындысы қаралды. Күн тәртібінде орындаушылық тәртіптің жай-күйі, хаттамалық тапсырмалардың орындалу барысы, халықпен кездесулер мен жеке қабылдауларда берілген тапсырмалардың жүзеге асырылуы, сондай-ақ арыз-шағымдар мен өтініштердің қаралу нәтижелері талқыланды.
Түркістан облысының спорт мектептерінде 89700 спортшы спорттың 63 түрімен тұрақты түрде тегін шұғылдануда. 2024 жылмен салыстырғанда 27438 балаға немесе 69 пайызға артты. 2025 жылғы 12 айда дене шынықтыру және спортпен тұрақты түрде шұғылданатын барлық жастағы тұрғындар саны 851 мың адамға жетіп, халықтың 42,8 пайызын құрап бекітілен индикаторлық көрсеткіш орындалды.
Сауран ауданында аудан әкімі Мақсат Таңғатаровтың төрағалығымен Қазақстан Республикасы Конституциясына енгізілетін өзгерістер туралы мәжіліс өтті. Жиын барысында конституциялық реформалардың негізгі бағыттары қаралып, ұсыныстар мен пікірлер тыңдалды. 
Түркістан өңірінің тарихи-мәдени орталығы саналатын Отырар ауданында абаттандыру және инфрақұрылымды жаңғырту бағытында ауқымды жұмыстар атқарылуда. Отырар ауданының әкімі Қайрат Жолдыбайұлының тапсырмасына сәйкес аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің үйлестіруімен аудандық бюджет есебінен іске асқан жобалар елді мекендердің сәулеттік ажарын ашып қана қоймай, тұрғындардың қауіпсіздігі мен жайлылығын қамтамасыз етуге бағытталып отыр.
Түркістанда тоқыма өнеркәсібінің жаңа дәуірі басталды. Түркістан қаласындағы «Turan» арнайы экономикалық аймағында толық циклді тоқыма бұйымдарын өндіру бойынша мақта агроөнеркәсіптік кешені іске қосылды. «Түркістан тоқыма» жауапкершілігі шектеулі серіктестігінің (Kazakhstan Lihua) жіп иіріп, мата өндіретін ірі өндірістік кешені өз жұмысын бастады. Бұл маңызды оқиға өңірдің ғана емес, тұтас елдің жеңіл өнеркәсіп саласын дамыту жолындағы жаңа кезеңнің басталғанын айғақтайды.
Түркістан қаласындағы «Turan» арнайы экономикалық аймағында бір рет қолданатын биоыдырайтын ыдыстар мен қаптама өндіретін заманауи зауыттың іргетасы қаланды. Жобаны «PULPSTYLE» ЖШС іске асырмақ.Түркістан облысының әкімі Нұралхан Көшеров жаңа кәсіпорынның капсуласын салу рәсіміне қатысып, жобаның сәтті жүзеге асуына тілек білдірді.
Түркістан қаласы әкімдігінің ұйымдастыруымен балаларға арналған дәстүрлі Жаңа жылдық мерекелік кеш өтті. Шараның басты мақсаты – жас өрендерге мерекелік көңіл-күй сыйлап, олардың жаңа жылды қуанышпен қарсы алуына жағдай жасау болды.