Президент Қасым-Жомарт Тоқаевтың бастамасымен қолға алынған «Таза Қазақстан» жалпыұлттық экологиялық бағдарламасы Отырар ауданында кең көлемде жалғасын табуда. Осы мақсатта бүгін аудан орталығы Шәуілдір ауылындағы «Ардагерлер» саябағында ауқымды сенбілік өтті. Экологиялық шараға аудан әкімі Қайрат Жолдыбайұлы арнайы қатысып, тұрғындармен бірге туған өлкені абаттандыру жұмыстарына атсалысты.

Сауран ауданының Бабайқорған ауылдық округінде «Мөлдір бұлақ» экологиялық акциясы ұйымдастырылды. Іс-шараның негізгі мақсаты бұлақ көздерін сақтау, олардың санитарлық жағдайын жақсарту, сондай-ақ қоршаған ортаны қорғау бағытындағы жүйелі жұмыстарды жалғастыру болып табылады.

Ордабасы ауданына ұйымдастырылған «Балуан тас» экспедициясы тек тарихи-рухани орындарды аралаумен шектелмей, өңірдің экономикалық әлеуетімен де кеңінен танысуға мүмкіндік берді. Экспедиция қатысушылары ауданның индустриялық даму нүктесіне айналған Бадам индустриалды аймағында болып, бүгінде қарқын алған өндіріс ошақтарының жұмысымен танысты. Бұл сапар – Түркістан өңірінде индустрия саласының жүйелі түрде дамып келе жатқанын айқын көрсеткен маңызды сәттердің бірі болды.

Түркістан қаласының «Отырар» шағынауданының 1988 жылы туған азаматтары Ұлыстың ұлы күні – Наурыз мерекесінде игі бастама көтеріп, көпшілікке үлгі боларлық қайырымдылық шарасын ұйымдастырды.

Мемлекет басшысы Қасым-Жомарт Кемелұлы Тоқаев экономиканы әртараптандыру, терең өңдеу саласын дамытуды тапсырды. Өңірде осы бағытта жұмыс жүруде. Түркістан облысы үшін ауыл шаруашылығы мен оны терең өңдеу – экономиканы дамытудың басты бағыттарының бірі.

«Таза Қазақстан» жалпыұлттық бағдарламасы аясында Жартытөбе ауылдық округінде «Мөлдір бұлақ» экологиялық акциясы кең көлемде ұйымдастырылды. Жартытөбе өзені бойында өткен шараға аудан әкімі Мұхит Тұрысбеков, ауыл ақсақалдары, округ тұрғындары мен белсенді жастар және «Қазсушар» РМК Түркістан филиалына қарасты Созақ өндірістік бөлімшесісі қызметкерлері қатысып, табиғатты қорғау бағытындағы жұмыстарға белсене атсалысты. Акция барысында Аша тауынан бастау алатын, Жартытөбе ауылының аумағына дейінгі 50-ден аса бұлақ көздері аршылды.

Шымкентте А.Асқаров атындағы мемлекеттік дендрологиялық саябақ аумағында келушілерге қолайлы жағдай жасау мақсатында маңызды жоба сәтті жүзеге асырылды. Жасанды көл маңындағы бұрынғы ескі ғимарат жаңартылып, орнына заманауи кітапхана мен шахматшылар үйі ашылды.

Шымкент қаласында Наурызнама аясында ұйымдастырылған мерекелік іс-шаралар легі өз жалғасын тауып, Астана алаңында ерекше форматтағы ауқымды кеш өтті. Бұл күні алаңда ұлттық құндылықтар мен заманауи технологиялар үйлесім тауып, көрерменге айрықша әсер сыйлады. Бабалардан жеткен салт-дәстүр мен бүгінгі жастардың жігері тоғысқан кеш көтеріңкі көңіл-күйімен ерекшеленді.

Ұлыстың ұлы күні – Әз-Наурыз мейрамы қарсаңында «Әзірет Сұлтан» Ұлттық тарихи-мәдени музей-қорығы құрамындағы Хан мешітіне баспасөз туры ұйымдастырылды. Іс-шараға тарихшы ғалымдар, БАҚ өкілдері және туризм саласының мамандары қатысты. Жуырда қайта қалпына келтірілген мешіттің ішкі экспозициясы толықтырылып, келушілер назарына ұсынылды. Қонақтар тарихи нысанның сәулеттік ерекшеліктерімен танысып, оның рухани-мәдени маңызы жөнінде кеңінен мағлұмат алды.

Қала аумағында көктемгі абаттандыру және санитарлық тазалық жұмыстарын ұйымдастыру бағытында кешенді шаралар қарқынды түрде жүзеге асырылуда. Аталған жұмыстар аясында туристік нысандар,көшелер мен тұрғын үйлер аулаларында тазалық сақтау, қоқыстарды дер кезінде шығару, жол жиектерін ретке келтіру жұмыстары жүйелі түрде жүргізілуде.