Түркістан қаласында жаңа ғимараттар мен нысандар бой көтереді. Оның ішінде көпқабатты тұрғын үйлер, білім нысандары, бизнес орталықтары мен демалыс аймақтарының құрылысын жүргізу жоспарланған.
Сауран ауданындағы Шағын өнеркәсіптік парк аумағында «UBC» халықаралық компаниясының тоңазытқыш шығаратын «JASYL SUYQ QAZAQSTAN» зауыты іске қосылды. Зауыттың ашылу салтанатына Түркістан облысының әкімі Нұралхан Көшеров, «UBC Group» президенті Игорь Гуменный, өндіріс жөніндегі вице-президент Игорь Бурдыленко, коммерция жөніндегі вице-президент Александр Гуменный, «UBC Group» холдингінің зауыттары мен бөлімшелерінің басшылары, шет мемлекеттердің және еліміздің серіктес компанияларының жетекшілері қатысты.
Түркістан қаласындағы №28 мектепте өткен шараға Түркістан қаласының әкімі Әзімбек Пазылбекұлы мен Түркістан облысы бойынша Экономикалық тергеп-тексеру департаментінің басшысы Балгабаев Ерболат Темірболатұлы арнайы қатысты.
Сауран ауданында ауыл шаруашылығына ірі инвестиция тартылып, мақта өндірісіне жаңа технология енгізілмек. Шетелдік инвестор «Turkistan Golden Cotton Ageralular technology Co.Ltd» компаниясы жергілікті «ИС Жангир» ЖШС-мен бірлесіп, жер телімдерін ортақ пайдалану туралы келісім жасады.
Түркі дүниесінің рухани, туристік астанасы - Түркістан қаласының халық саны соңғы үш жылда 23,9%-ға артып 2024 жылдың 1 желтоқсанында 236 954 адамды құраған. Жалпы атқарылған жұмыстардың нәтижесінде қаланы сипаттайтын басты көрсеткіш жалпы өңірлік өнім көлемі облыс орталығы болғалы 4,5 есе өсіп 2023 жылы 370,8 млрд.теңгені құраса, 2024 жылға өсім 14,4%-ды құрап, 452,6 млрд.теңгеге жетті.
Сауран ауданының әкімі Мақсат Таңғатаров Үшқайық ауылдық округіне арнайы жұмыс сапарымен барып, жаңадан бой көтергелі жатқан өндіріс орындарын аралады. Кәсіп бастаушы азаматтар өз жобаларын таныстырып, аудан экономикасын дамытуға қосатын үлестері туралы баяндады.
Сауран ауданына қарасты Бабайқорған ауылдық округінде 20 гектар аумақта ірі қара мал бордақылау алаңының құрылысы бастау алды. Таяуда аудан әкімі Мақсат Таңғатаров құрылыс алаңына барып, жүргізіліп жатқан жұмыстардың барысымен танысты.
Ескі Иқан ауылдық округінде «Мал бордақылау және малшы үйі» құрылысын жүргізу үшін жалпы көлемі 20 гектар жер телімі белгіленіп, ауқымды жобалар қолға алынды. Бұл бастама ауыл шаруашылығы саласын өркендетуге және ауыл тұрғындарын жұмыспен қамтуға бағытталған.