Қазіргі кезде суши әзірлеу үшін жиі қолданылатын балық түрі - тунец. Жапонияда суши дайындаудан шебер болу үшін кемінде бес жыл дайындықтан өту міндеттелетін болған. Содан соң ғана қоғамдық тамақтану орындарында суши дайындауға рұқсат берілген. Демек екі жыл күріш дайындаудан әдісі үйретілсе, қалған үш жылда балықты әзірлеудің қыр-сыры үйретілген.
Суши құрамына кіретін ингредиенттер термиялық өңдеуден жартылай ғана өтетін болса, сушидың кейбір түрлерін әзірлеуде балық толығымен шикі болады. Шикі балық құрамында паразиттердің личинкалары мен жұмыртқалары болуы мүмкін, ал шикі балық филелерін үнемі жеу адам ағзасында паразиттердің жұқтыру қаупін арттырады.
Сондықтан шикі балықтың дұрыс сақталғанына көз жеткізумен қатар, қауіпсіздігін растайтын құжатының болуына мән берген абзал. Сонымен қатар сушиды жасауда бірнеше сағат, күн бойы жатқан балықты пайдалану емес, тек балғын балықты пайдалану қажет. Сондықтан тапсырыс берерде белгілі қоғамдық тамақтану орындар мен аспаздардың өнімін пайдалнуды дағдыланыңыз.
Тамақтан уланудың алдын алу мақсатында тағам әзірлеу объектісінің жұмысшылары таза арнайы киіммен қамтамасыз етілуі, жеке бас гигиенасы ережелерін, санитарлық-гигиеналық талаптарды, тамақ өнімдерін дайындау, орау және жеткізу кезіндегі технологиялық процестерді сақтауы қажет. Өнімді жеткізуде ластануды болдырмау мақсатынд, бір реттік тұтыну қаптамасында (бір рет қолданылатын ыдыс-аяқ) жүзеге асырылып, өнімді дайындаған күні мен уақыты көрсетіледі.
Жалпы сушимен улану жағдайлары кәдімгі тамақтан улану секілді өтеді, немесе адам ағзасына ұзақ өмір сүретін, көбейе беретін паразиттер пайда болады. Паразиттер бірден болмаса да, уақыт өте адам ағзасында бар екендігі жөнінде белгілерін бере бастайды. Оны зертхана талдауларының нәтижесінде ғана анықтауға болады.
Жоғарыда айтылғандарды ескере отырып, аурудың алғашқы белгілері пайда болған кезден бастап (жүрек айнуы, құсу, бас ауруы, диарея) уақытты жоғалтпай, дереу дәрігерге хабарласыңыз! Өйткені, ауырып ем іздегеннен, алдын алу жақсы!