Мемлекет басшысы Қасым-Жомарт Кемелұлы Тоқаев экономиканы әртараптандыру, терең өңдеу саласын дамытуды тапсырды. Өңірде осы бағытта жұмыс жүруде. Түркістан облысы үшін ауыл шаруашылығы мен оны терең өңдеу – экономиканы дамытудың басты бағыттарының бірі.

«Таза Қазақстан» жалпыұлттық бағдарламасы аясында Жартытөбе ауылдық округінде «Мөлдір бұлақ» экологиялық акциясы кең көлемде ұйымдастырылды. Жартытөбе өзені бойында өткен шараға аудан әкімі Мұхит Тұрысбеков, ауыл ақсақалдары, округ тұрғындары мен белсенді жастар және «Қазсушар» РМК Түркістан филиалына қарасты Созақ өндірістік бөлімшесісі қызметкерлері қатысып, табиғатты қорғау бағытындағы жұмыстарға белсене атсалысты. Акция барысында Аша тауынан бастау алатын, Жартытөбе ауылының аумағына дейінгі 50-ден аса бұлақ көздері аршылды.

Шымкентте А.Асқаров атындағы мемлекеттік дендрологиялық саябақ аумағында келушілерге қолайлы жағдай жасау мақсатында маңызды жоба сәтті жүзеге асырылды. Жасанды көл маңындағы бұрынғы ескі ғимарат жаңартылып, орнына заманауи кітапхана мен шахматшылар үйі ашылды.

Шымкент қаласында Наурызнама аясында ұйымдастырылған мерекелік іс-шаралар легі өз жалғасын тауып, Астана алаңында ерекше форматтағы ауқымды кеш өтті. Бұл күні алаңда ұлттық құндылықтар мен заманауи технологиялар үйлесім тауып, көрерменге айрықша әсер сыйлады. Бабалардан жеткен салт-дәстүр мен бүгінгі жастардың жігері тоғысқан кеш көтеріңкі көңіл-күйімен ерекшеленді.

Ұлыстың ұлы күні – Әз-Наурыз мейрамы қарсаңында «Әзірет Сұлтан» Ұлттық тарихи-мәдени музей-қорығы құрамындағы Хан мешітіне баспасөз туры ұйымдастырылды. Іс-шараға тарихшы ғалымдар, БАҚ өкілдері және туризм саласының мамандары қатысты. Жуырда қайта қалпына келтірілген мешіттің ішкі экспозициясы толықтырылып, келушілер назарына ұсынылды. Қонақтар тарихи нысанның сәулеттік ерекшеліктерімен танысып, оның рухани-мәдени маңызы жөнінде кеңінен мағлұмат алды.

Қала аумағында көктемгі абаттандыру және санитарлық тазалық жұмыстарын ұйымдастыру бағытында кешенді шаралар қарқынды түрде жүзеге асырылуда. Аталған жұмыстар аясында туристік нысандар,көшелер мен тұрғын үйлер аулаларында тазалық сақтау, қоқыстарды дер кезінде шығару, жол жиектерін ретке келтіру жұмыстары жүйелі түрде жүргізілуде.

Кентау қаласында аулаларды абаттандыру жұмыстары бастау алды. Жалпы қала аумағында көпқабатты тұрғын үйлерге қарасты 67 аула бар. Биыл соның 33 ауласында абаттандыру жұмыстары кезең-кезеңімен жүзеге асырылуда. Аталған жоба 2027 жылға дейін жалғасатын өтпелі болып табылады.

Наурыз – жаңару мен жақсылықтың, береке мен бірліктің бастауы. Ұлыстың ұлы күні қарсаңында ұлттық дәстүрлерді жаңғыртып, ұрпақ сабақтастығын дәріптеу – халқымыздың асыл мұраты. Ордабасы ауданында Наурызнама онкүндігі аясында мұндай мағыналы шаралар кеңінен аталып өтуде.

Аудан әкімінің орынбасары Серік Садибаевтың төрағалығымен ауыл шаруашылығы саласының мамандарымен жиын өтті. Мәжіліске ауылдық округтердің ауыл шаруашылығы мамандары мен аудандық ауыл шаруашылығы бөлімінің өкілдері қатысты.

Шымкент қаласы Денсаулық сақтау басқармасының ұйымдастыруымен «Шаңырақ» күні аясында қаладағы жаңа босанған аналарға құрмет көрсетілді.  Мерекелік іс-шара қаладағы төрт перзентханада бір уақытта өткізілді. Бұл шара аналар мен сәбилерге деген құрмет пен мейірімнің айрықша көрінісі болып отыр.