Биыл Сарыағаш ауданының шаруалары ағын судан тапшылық көрмейтін болады. Өйткені мұндағы каналдар кезең-кезеңімен бетондалып жатыр. Солардың бірі – Жібек жолы және Қабланбек ауылдық округтерін кесіп өтетін ұзындығы 18 шақырымды құрайтын «Қожахан» каналы.
Түркістан қаласындағы әкімшілік-іскерлік орталығы аумағында бой көтеріп жатқан ғимараттарға сапалы ауыз су жеткізу мақсатында заманауи су қоры жүйесінің құрылысы жүргізілуде. Ондағы барлық қондырғылар отандық өнімнен жасақталып жатыр. Аймақ басшысы Өмірзақ Шөкеев жаңа су жүйесінің құрылыс жұмыстарын бақылап, жауапты мамандарға нақты тапсырмалар жүктеді. Жоспар бойынша жаңа су құбырының құрылысы алдағы маусым айында толығымен іске қосылуы тиіс.
Осыдан екі жыл бұрын қолға алынған зәйтүн шаруашылығы бүгінде жетісайлықтар арасында кеңінен насихатталуда. Өйткені, Алматы қаласы Ұлттық Аграрлық университеті ғалымдарының айтуынша үш жылда өнім бере бастайтын зәйтүн ағашының табысы да көл-көсір көрінеді. Гектарынан 58 – 62 млн теңгеге дейін табыс табуға болады дейді мамандар.
Түркістан облысы, Келес ауданы, Абай ауылының тұрғыны Әйгерім Әлімбекова 5 баланың анасы. Былтыр бұл отбасы атаулы әлеуметтік көмектің арқасында 1 млн 389 мың теңге көлемінде қаржы алып, үй ауласынан құс шаруашалығын ашқан. Бүгінде 100 бас бөдене мен 50 бас тауық асырап отыр. Бұдан бөлек, биыл тағы да 100 бас балапан бастырып жатыр екен.
Түркістан қаласында азаматтарды «Nur Otan» партиясының қатарына қабылдауға арналған салтанатты шара өтті.
Еліміздегі барлық агроқұрылымдардың 33 пайызы Түркістан облысының еншісінде. Олардың тең жартысынан астамы ұсақ және майда шаруа қожалықтары. Былтыр жылына 2-3 рет астық жиған диқандардың арқасында қазына 39 млрд. теңгеге толыққан. Бұл туралы Келес ауданында өткен «Бір алқаптан жылына 2-3 өнім алу – көкөніс шаруашылығын дамытудың негізі» атты семинар-кеңесте айтылды. Жиынға облыс әкімі Өмірзақ Шөкеев, Израиль – Қазақстан сауда-өнеркәсіп палатасының төрағасы Михаил Роэге, ғалымдар, аудан, қала, ауыл округтері әкімдері, агроқұрылым басшылары мен кәсіпкерлер қатысты.
Түркістан облысы Қазығұрт ауданының Тұрбат елді мекенінде «Үміт» шаруа қожалығы гүл өсірумен айналысады. Шаруа қожалық 2004 жылы құрылған. Қожалықтың төрағасы - Рустем Ибрагимов.
Түркістан Облыстық төтенше жағдайлар департаменті су жаңа техникамен толықты. Төтенше жағдай қызметкерлеріне облыс әкімі Өмірзақ Шөкеев 20 өрт сөндіру автокөлігінің кілтін табыстады.