Жетісайлық полицейлер 1-қазан «Халықаралық қарттар күні» қарсаңында ардагерлерді құттықтады.

1990 жылы БҰҰ Бас ассамблеясында 1-қазан Халықаралық қарттар күні болып жарияланған болатын. Содан бері бұл мереке біздің елімізде де жыл сайын тойланып, қарттарға арнайылап құрмет көрсетілуде. Тіпті еліміздегі полиция қызметкерлері тарапынан ардагерлерді құттықтап, сый-сияпат жасау жылдан-жылға дәстүрге айналып келеді.

Осы орайда Жетісай ауданы полиция бөлімінің бастығы полиция полковнигі Әділбек Сапарбеков Ішкі Істер саласында тер төккен ардагерлердің үйлеріне арнайы барып алғыс хат пен сый-сияпаттарын табыс етті.

Айтулы мерекеде Надиров Үсенбек, Бекманов Исабек, Абдухаймов Фархат ішкі істер саласында қызмет атқарған уақытта бастарынан кешкен қызықты оқиғаларын баяндап, полицейлерге ақыл-кеңестерін бөлісті. Кездесу соңында ақсақалдар қызметкерлерге батасын беріп, ақ жол тіледі.