Қазақстан кәсіподақ қозғалысының 120 жылдығы мен ҚР Кәсіподақтар федерациясының 35 жылдығы сияқты ұлы мерекелерге арналған бұл іс-шара ынтымақтастық, денсаулық және рух күшінің нағыз мерекесіне айналды.

Бұл ауқымды іс-шараның салтанатты ашылу рәсімін Шымкент қаласы кәсіподақтар орталығының төрағасы Бауыржан Ілімшаұлы Әлтеев жүргізді. Оның рухтандыратын сөзі бүкіл мерекенің салтанатын арттырып, қатысушылардың жүрегін мақтаныш пен жігерге толтырды.

«Құрметті қала тұрғындары, қымбатты достар мен әріптестер! 

Бүгін — Қазақстанның бүкіл кәсіподақ қозғалысы үшін ерекше күн. Біз спорттық жарыс үшін ғана емес, тарихи мерекелерді бірге атап өту және біздің ынтымағымызды көрсету үшін жиналдық», — деді Бауыржан Ілімшаұлы қатысушыларға. — ««Келешекке бірге жүгіреміз!» — бұл жай ғана ұранымыз емес, бұл әрбір еңбек адамының әл-ауқаты үшін алға қарай бірлесіп қозғалуға шақыру. Бұл — біздің бірлігіміздің, ынтымағымыздың және салауатты өмір салтына деген ұмтылысымыздың айқын көрінісі!»

Жүгіріс түрлі мамандық пен сала өкілдерін жинап, оның жалпыұлттық сипатын көрсетті. Іс-шараға келесі ұйымдар қатысты:

• Шымкент қаласы кәсіподақтар орталығының өкілдері мен мүшелері.

• Салалық кәсіподақтардың командалары:

o «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы (төрағасы — Әуесханов Серік Елемесұлы).

o «SENIM» денсаулық сақтау жүйесі жұмыскерлерінің салалық кәсіптік одағы (төрағасы — Оңалбеков Қобланбек Түлкібекұлы).

o ҚР мәдениет, спорт және ақпарат қызметкерлері салалық кәсіподағы (төрағасы — Шерімов Руслан Байғаниұлы).

o Қазақстандық салалық білім және ғылым қызметкерлері кәсіптік одағы (төрайымы — Тұрғынбаева Лариса Владимировна).

o Құрылыс кешені және тұрғын үй-коммуналдық шаруашылық саласы қызметкерлерінің салалық кәсіподағы (төрағасы — Манахов Абдурайра).

o Шымкент қалалық автомобиль көлігі және жол мекемелері жергілікті кәсіподағы (төрағасы — Мамедов Али Агитович).

o «Әскерилендірілген темір жол күзеті» ЖШС кәсіподағы (төрағасы — Дүйсебеков Талғат Қажымұханұлы).

o «Су Ресурстары Маркетинг» ЖШС, «YNTYMAQ» және басқа да көптеген бастауыш кәсіподақ ұйымдары.

Іс-шараға Түркістан облыстық кәсіподақ орталығының төрағасы Бердіғали Өмірәлі бастаған қатысуы ерекше мәнге ие болды. 

Олардың қатысуы өңіраралық ынтымақтастықтың маңыздылығын көрсетіп, Қазақстандағы кәсіподақ қозғалысының қуатты, біртұтас күш екенін дәлелдеді.

Салтанатты ашылудан кейін қатысушылар мәреге шықты. Жүгіріс барысында салауатты бәсекелестік пен өзара қолдау атмосферасы сақталды. Әрбір бағындырылған қашықтық табандылық пен жеңіске деген ерік-жігердің символы болды.

Жарыс жеңімпаздарын шын жүректен құттықтаймыз!

• 5 шақырым қашықтық (ерлер):

o 1 және 3-орын — «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағының Шымкент қалалық филиалының өкілдері. Атап айтқанда: 1 орынды «Қызмет» салалық кәсіподағы Шымкент қалалық филиалының мүшелік ұйымы – «Шымкент қаласының кешенді жоғары спорт шеберлігі мектебі» КММ-нің бастауыш кәсіподақ ұйымының кәсіподақ мүшесі Байтуганов Марат иеленсе, ал «Қызмет» салалық кәсіподағы Шымкент қалалық филиалының мүшелік ұйымы – «Шымкент қаласының кешенді жоғары спорт шеберлігі мектебі» КММ-нің бастауыш кәсіподақ ұйымының кәсіподақ мүшесі Ниязов Артур иеленді. Олардың жеңісі «Қызмет» мемлекеттік, банк мекемелері және қоғамдық қызмет көрсету қызметкерлерінің кәсіби маман ғана емес, сонымен қатар нағыз спортшылар екендігінің жарқын үлгісі болды. 

o 2-орын – Құрылыс кешені және тұрғын үй-коммуналдық шаруашылық саласы қызметкерлерінің кәсіподағының Шымкент қалалық филиалына кіретін «Водные ресурсы-Маркетинг» ЖШС-ң қызметкері.

• 1,6 шақырым қашықтық (әйелдер):

o 1-орын — 21-ші орта мектептің мұғалімі, Қазақстандық салалық білім және ғылым қызметкерлері кәсіптік одағының Шымкент қалалық ұйымының мүшесі Хасанова Нигара. Оның жеңісі білім мен спорттың қатар дамитынының символына айналды.

o 2-орын — №2 емхана қызметкері, «SENIM» денсаулық сақтау жүйесі жұмыскерлерінің салалық кәсіптік одағының Шымкент қалалық филиалының өкілі Бекеева Гүлайша. Оның нәтижесі денсаулық — біздің басты байлығымыз екенін тағы бір рет дәлелдеді.

o 3-орын — сондай-ақ Қазақстандық салалық білім және ғылым қызметкерлері кәсіптік одағының Шымкент қалалық ұйымының мүшесі, №10 орта мектептің мұғалімі.

Барлық жеңімпаздарға ҚР Кәсіподақтар федерациясының төрағасы Сатыбалды Дәулеталиннің қолы қойылған дипломдар, сондай-ақ бағалы сыйлықтар табысталды: 1-орын: Вакуумды шаңсорғыш, 2-орын: Блендер, 3-орын: Кофе машинасы.

Мерекенің кульминациясы әр қатысушы өз бағын сынай алатын лотерея ойыны болды.

• Бас жүлде — Манкенттегі шипажайға 10 күндік демалыс жолдамасын «Қызмет» салалық кәсіподағы Шымкент қалалық филиалының мүшелік ұйымы - Шымкент қаласының Әл-Фараби ауданы бойынша мемлекеттік кірістер басқармасының бастауыш кәсіподақ ұйымының кәсіподақ мүшесі Байдәулетова Айгерім Серікқызы ұтып алды!

• Herbalife компаниясы салауатты тамақтануға арналған жиынтықтар: протеиндік батончиктер, чипсы, фирмалық шейкерлер мен пиалалар ұсынды.

• «PandaSushi», «Pan», «Labrador» компаниялары қатысушыларды дәмді тағамдар мен басқа да тартымды сыйлықтарға арналған сертификаттармен қуантты.

«Кәсіподақ RUN 2025» ынтымақ жүгірісі спорттық іс-шара ғана емес, нағыз бірлік пен ынтымақтың гимніне айналды.