Отырар ауданының 90 жылдық мерейтойы қарсаңында 50 отбасы баспаналы болып, қоныс тойын тойлады. Тұрғындарды арнайы құттықтап барған аудан әкімі Қайрат Жолдыбайұлы мен аудандық мәслихат төрағасы Уәлихан Жамалханұлы қуаныш иелеріне жаңа пәтердің кілтін табыс етті.
Мемлекеттік қызметті дамытудың 2024–2029 жылдарға арналған тұжырымдамасы аясында, 2025 жылғы 8 сәуір күні «Азаматтарға арналған үкімет» мемлекеттік корпорациясының Сауран аудандық филиалында азаматтарға арналған түсіндірме іс-шарасы өткізілді.
Ордабасы ауданының әкімі Азат Оралбаевтың төрағалығымен аппарат мәжілісі өтті. Жиынға аппарат басшысы, аудан әкімінің орынбасарлары, дербес бөлім басшылары мен ауыл округінің әкімдері қатысты. Күн тәртібінде: Ауданның әлеуметтік-экономикалық даму көрсеткіштерінің орындалу барысы, «Таза Қазақстан» акциясы аясындағы елді мекендердегі санитарлық тазалық, абаттандыру жұмыстарының жағдайы талқыланды.
Мемлекеттік көрсетілетін қызмет – көрсетілетін қызметті алушылардың өтініш жасауы бойынша немесе өтініш жасауынсыз жүзеге асырылады. Олардың құқықтарын, бостандықтары мен заңды мүдделерін іске асыруға, оларға тиісті материалдық немесе материалдық емес игіліктер беруге бағытталған.
Қазақстанның солтүстік, орталық және шығыс өңірлері – табиғи байлығы мол, мүмкіндігі кең, алайда адам күші жетіспейтін аймақтар. Ауыл шаруашылығы мен өндіріс, білім мен медицина саласында еңбек қолының тапшылығы күн тәртібіндегі өткір мәселе.
Түркістан қаласында дәстүрлі түрде өткізілетін «Жазғы демалыс – спортпен» атты ашық алаң ойындары биыл да өз жалғасын тапты. Іс-шараның басты мақсаты – қала тұрғындарының жазғы демалысын тиімді және салауатты өткізуіне мүмкіндік жасау, сондай-ақ ұлттық спорт түрлерін кеңінен насихаттап, халық арасында бұқаралық спортты дамыту.
Түркістан облысындағы «Конгресс холл» көпсалалы кешенінде 10 сәуір күні Қанат Жүнісовтың «Алғашқы махаббат» комедиялық спектаклінің премьерасы өтеді.
Сайрам ауданында құқықтық тәртіпті қамтамасыз ету мақсатында «Заң мен тәртіп» атты форум өтті. Шараға аудан әкімінің орынбасары Сержан Дүйсебаев, ҚМДБ ұстазы Қабылбек Әліпбайұлы, аудандық прокуратура мен ауданның құқық қорғау органдарының өкілдері, мемлекеттік қызметшілер, құқықтық тәртіпке жауапты тұлғалар мен қоғам белсенділері қатысты.
ҚР ІІМ Ұлттық ұланы 6506 әскери бөлімінің әскери қызметшілері, бригада командирінің тәрбие және әлеуметтік-құқықтық жұмыстар жөніндегі орынбасары подполковник Бауыржан Шораевтың басшылығымен Шымкент қаласының №68 жалпы білім беретін мектебінде «Жас Бүркіт» әскери-патриоттық сыныбын ашты. Бұл іс-шара өскелең ұрпақтың бойында патриоттық сезімдер мен азаматтық жауапкершілікті қалыптастыру бағытындағы маңызды қадам болды.
Созақ ауданында тұрғындарға жайлы жағдай жасау мақсатында инфрақұрылым саласына баса назар аударылған. Бүгінгі таңда Құмкент ауылдық округі тұрғындары көптен бері көтеріп жүрген «Жылыбұлақ» каналының құрылысы жүзеге асырылып, канал толықтай іске қосылды. Бұл жоба ауылдың егіс алқаптарын ағын сумен қамту мәселесін оңтайландырып, ауыл шаруашылығы саласына оң өзгерістер әкелмек.