Түркістанда «Туған жер – алтын бесігім» атты қалалық суретшілер байқауы өтті. Оған 16 мен 25 жас аралығындағы 15 үміткер қатысып, бақ сынады. «Түркістан – қауіпсіз қала» және Елбасының «Болашаққа бағдар: рухани жаңғыру» мақаласы аясында жүзеге асқан шара елге деген құрметті арттырып, жастарды ұлттық рухта тәрбиелеуге бағытталған.
Түркістанда «Туған жер – алтын бесігім» атты қалалық суретшілер байқауы өтті. Оған 16 мен 25 жас аралығындағы 15 үміткер қатысып, бақ сынады. «Түркістан – қауіпсіз қала» және Елбасының «Болашаққа бағдар: рухани жаңғыру» мақаласы аясында жүзеге асқан шара елге деген құрметті арттырып, жастарды ұлттық рухта тәрбиелеуге бағытталған.
Бәйдібек ауданындағы Екпінді елді мекені - тұрмысы жайлы, ажары мен сәулеті келіскен өңірдің бірі. Бабалар кесенесі, мәдениет ошағы, ауылға кіргеннен тас төселген тақтайдай тегіс көшелер. Осының барлығы – Шаяннан түлеп ұшқан азаматтардың туған жерін түлетуге қосқан үлестері. Кезекті тағы бір игі бастаманың бірі – елді мекенге енген бойда көзге түсетін Қарабатыр бабамыздың кесенесін көгалдандыру болды.
Бүгінде билеуші партия дәрежесіне көтеріліп, президенттікке кандидат ұсынып, Парламент Мәжілісі мен Үкіметті жасақтап отырған «Nur Otan» партиясының 20 жылдығына орай Бәйдібек ауданында жайдарман ойындары өтті. Онда жартылай финалдан жеңіп шыққан командалар ақтық сында өнер көрсетті. Аудан жастары аймақтағы түйіткілді мәселелерді астарлы әзілмен жеткізе білді.
Түркістан шаһарында Қазақстан Республикасының Президенті Н.Ә.Назарбаевтың «Болашаққа бағдар: рухани жаңғыру» бағдарламасын жүзеге асыру мақсатында жас жыршылардың алғырлығы мен білімділігін анықтайтын «Жақсылар, дастан айтайын...» байқауы өтті. Өскелең ұрпақты қазақ халқының рухани құндылықтарымен сусындатып, намысты, қайсар ұрпақ тәрбиелеу мақсатында өткізіліп отырған дәстүрлі байқау Түркістан облыстық қоғамдық даму басқармасының қолдауымен, "Оңтүстік Қазақстан" газетінің ұйымдастыруымен үшінші рет өтіп отыр.
Қазақстандық салалық білім және ғылым қызметкерлері Түркістан облыстық комитетінің іс-шара жоспарына сәйкес, Мақтаарал ауданы білім бөлімі мен Мақтаарал ауданы кәсіподақ комитетінің ұйымдастыруымен Мақтаарал ауданы білім бөліміне қарасты негізгі және жалпы орта мектептердің ұстаздары мен оқушыларының арасында Қазақстан Республикасының Тәуелсіздігінің 28 жылдық мерекесіне орай «Ән-жырымның арқауы – Тәуелсіздік» атты патриоттық әндер байқауы ұйымдастырылып өткізілді.
Өзінің керемет ән айтуымен, бойындағы өнерімен көпшілікті тәнті етіп жүрген, ауданның мақтанышы, бірнеше байқаудың жеңімпазы, лауреаты, тамаша өнер иесі, студент Атабек Рүстемовтің «АРМАНДАР ОРЫНДАЛАДЫ» атты ән кеші өтті. Жыл басындағы Жастар форумында Атабек Айбекұлы аудан әкімінен жеке концерт өткізуге қолдау көрсетуді сұранған болатын. Ұсыныс аудан әкімі тарапынан қолдау тапты.
Қазақтың көрнекті жазушысы Жүсіпбек Аймауытовтың «Үміт — адамның бағы, үміт – жүректің тағы» - дегеніндей, арманын аялап, үмітін саялап жүрген тағдырлы жандарға рухани қолдау көрсету — қоғамдағы барша адамның қасиетті парызы. Бүгін осы орайда аудандық мәдениет үйінде Елбасымыздың «Болашаққа бағдар: рухани жаңғыру» бағдарламалық мақаласы аясында аудандағы мүмкіндігі шектеулі азаматтарды қолдау мақсатында аудандық жұмыспен қамту және әлеуметтік бағдарламалар бөлімі мен орталық кітапхананың көзі көрмейтін және әлсіз көретін азаматтарға арналған бөлімінің ұйытқы болуымен «Үміт керуені» атты өнер фестивалі өтті.
Үмітсіз – өмір тұл, жер бетінде барша адам – үмітіне құл. Ал тағдыр сынағын кешіп жүрген жандар үшін үміттің құны алтыннан қымбат. Ертеңгі күнге үмітті жандардың үмітін үкілеуге бағытталған бүгінгі өнер фестивалі «Өмір-өлең», «Ән-ғұмыр», «Мың бұрала би билеп» және «Қолөнер» аты төрт бөліктен тұрды. Фестивальге арнайы қатысқан аудандық жұмыспен қамту және әлеуметтік бағдарламар бөлімінің басшысы Е.Қаратаев: «Тағдырдың ауыр тәлкегін басынан өткеріп жүрген, мүмкіндігі шектеулі болғанына қарамастан сол ұғымды санасынан өшіріп, алдыға қойған мақсаттарына нық қадам басып жүрген Сіздер әр қашанда біздің мақтанышымызсыздар» - деп, фестивальге қатысушыларға құттықтауын жеткізіп, алғыс хат және естелік сыйлықтармен өнерлі жастарды марапаттады.
«AQ-QARA.KZ»-ақпарат.