Іс-шараға Кентау қаласының әкімі Жандос Тасов, қала тұрғындары мен өнер сүйер қауым қатысты. Қала басшысы суретшінің шығармашылығына жоғары баға беріп, оның еңбегі жас ұрпаққа өнеге екенін атап өтті. Болат Исабеков – Кентау қаласының тумасы, бейнелеу өнеріне өмірін арнаған тәжірибелі ұстаз. Ол бүгінде Ататүрік атындағы №4 мектеп-лицейінде көркем еңбек пәнінің мұғалімі және Хантағы шығармашылық үйінің сурет үйірмесінің жетекшісі болып қызмет атқарады.

Суретші қалалық, облыстық, республикалық және халықаралық көрмелердің жүлдегері. Оның туындылары «Бабалар аманаты» халықаралық альбом-каталогына енген және бұл жинақ бүгінде АҚШ-тың Бостон университетінің кітапханасында сақтаулы. Көрме барысында қатысушылар автордың акварель техникасындағы ерекше туындыларымен танысып, суретшінің шығармашылық жолына сәттілік пен шабыт тіледі.

«WWW.AQ-QARA.KZ» - ақпарат