25 жылдық тәжірибесі бар вокалист классикалық туындыларды шырқады. Қазақ әуендерінен бастап, шетел туындыларына дейін шолып өтті. Шығармалардың бәрі фортепианоның сүйемелдеуімен жанды дауыста орындалды.

«16 ғасыр мен 21 ғасыр аралығындағы туындылар орындалып жатыр» «Даму дейді ғой, 16 ғасыр мен 21 ғасыр аралығындағы классикалық туындылардың даму тізбегін ұсынғым келді»,- деді опера әншісі Әсел Қожанова.

Кеш Опера және балет театрының фойесінде өтті. Көрермен назарын тек сахнаға қаратып, залда әннен өзге дыбыс байқалмады. Келушілер орындалған шығармаларды ұйып тыңдап, рухани ләззат алғанын айтады.

«Абай Құнанбайұлының Желсіз түнде жарық ай шығармасы өте жоғары деңгейде орындалды.»  «Мен қазір таңғалып отырмын. Қазақтың қыздары мынадай өнерді терең сіңіріп, қандай ғажап деңгейде орындайды. Қатты ұнады!»,-деді қала тұрғыны разия Есенқызы.

18-ші маусымын өткізіп жатқан қалалық Опера және балет театры 43 іс-шара жоспарлаған. Қатарында шығармашылық кештер, спектакльдер, симфониялық оркестр мен балет труппасының концерттері бар. Ұжым бүгінде күрделі қойылымға қызу дайындық жасап жатыр.

«Біз қараша айында Шарль Гуноның Ромео мен Джульетта операсына қызу дайындық жүргізіп жатырмыз. Соған байланысты кейбір іс-шараларды кейінге қалдырып отырмыз»,- деді қалалық опера және балет театрының көркемдік жетекшісі Жасұлан Сейдазимов.

 Айта кетейік, шығармашылық кештің иесі Асель Қожанова — халықаралық «Шабыт» өнер фестивалінің лауреаты. Н. Тілендиев атындағы вокалистер байқауының дипломанты. Сағынғанда, Қара маған, Астана сынды танымал композициялардың орындаушысы.