Түркістан қаласы білім бөліміне қарасты Ө.Жәнібеков атындағы №27 ІТ мектеп-лицейінде Түркістан қаласы білім бөлімінің басшысы Оразкүл Шайхықызының қолдауымен әдістемелік кабинеттің жоспарына сәйкес қалалық тәжірибелік семинар өтілді.
Түркістан қаласындағы 105 жылдық тарихқа ие Хамза атындағы №2 жалпы білім беретін мектебінде Түркістан қаласы білім бөлімінің басшысы Оразкүл Шайхықызының қолдауымен «Математикадан үлгерімі төмен оқушылардың білім сапасын арттыруда STEM технологиясын қолдану» тақырыбында облыстық тәжірібелік семинар болып өтті.
Жас педагог қызметкерлердің шығармашылық әлеуетін және өзін-өзі дамыту үшін жағдай жасау, білім беру жүйесін жетілдіруге жас мұғалімдердің белсенді кәсіби көзқарасын қалыптастыру мақсатында ұйымдастырылып келе жатқан жас педагогтар арасындағы Республикалық «Дарынды балаларға – талантты ұстаз» атты олимпиадасы түркістандық жас педагог, математика пәнінің мұғалімі Бағдат Әбілпия үшін сәтті өтті.
Түркістан қаласы білім бөлімі әдістемелік кабинетінің жылдық жоспарына сәйкес математика пәні мұғалімдерімен «Цифрлық дәуірдегі тренд платформалар» тақырыбында ZOOM платформасы арқылы онлайн ақпараттық сабақ ұйымдастырылды.
Түркістан облысы білім басқармасы «Дарынды балаларды анықтау және қолдау орталығы» тарапынан ұйымдастырылған 5-6 сынып оқушылары арасындағы Республикалық олимпиаданың қалалық кезеңінде түркістандық оқушылар биіктен көрінді.
Түркістан облысы білім басқармасы және Білім беруді дамыту орталығының бастамасымен ұйымдастырылған «Біз қамқоршы баламыз, құстарға ұя саламыз!» тақырыбында жалпыоблыстық акцияға түркістандық оқушылар мен ұстаздар да белсене қатысып, табиғатты аялауға өзіндік үлестерін қосты.
Түркістан қаласы білім бөлімінің басшысы Оразкүл Шайхықызының бастамасымен оқу мен оқыту үдерісінде мұғалімдердің кәсіби құзыреттілігін арттыру, оқытудың әдіс-тәсілдері мен цифрлық зертханаларды қолданудың тиімділігін асыру мақсатында Т.Бигелдинов атындағы №16 жалпы білім беретін мектебінде «Жоғары технологиялық мектеп ортасын қалыптастыру құралы ретінде химия және биология пәніндегі цифрлық зертханалар» тақырыбында қалалық ақпараттық семинар өткізілді.
Түркістан қаласы білім бөліміне қарасты білім мекемелерінде TALIS-2024 Халықаралық зерттеуі өтті. Зерттеуге 2 мемлекеттік мектеп және 4 жекеменшік мектептер таңдалынған.