Түркістан қаласы облыс көлемінде жиһаз өндірісінен алдыңғы орында тұр. Қаланың өңдеу өнеркәсібіндегі өндірістің 20 пайызын осы қатты және жұмсақ жиһаз өндірісі құрайды. Бүгінде облыстың орталығында 7 ірі кәсіпорын жұмыс істесе, жеке кәсіпкерлікпен тіркелген бірқатар шағын жиһаз цехтары да бар.
Түркістан облысында ТМД-да теңдесі жоқ жылыжай кешені салынады. Бүгінде еліміздегі ең ірі кешенді салу үшін Келес ауданынан арнайы 500 гектар жер бөлінген. Инвестициялық құны 1,1 млрд. АҚШ доллар болатын жобаны Ресейлік «Эко-культура» компаниясы жүзеге асырмақ. Осы мәселені нақтылау үшін облыс әкімі Өмірзақ Шөкеевпен «Эко-культура» компаниясының директоры Александр Рудаков кездесу өткізді.
Кез келген ауданның айнасы – бюджеті екенін ескерсек, халықтың әл-ауқатының артуы – бірінші кезекте аудан бюджетімен тікелей байланысты екені белгілі. 2017 жылы Шардара ауданында бюджетке 2 миллиард 301 миллион теңге түскен болса, 2018 жылы 3 миллиард 823,1 миллион теңге түсіп, 2017 жылмен салыстырғанда 166,1 пайызға артығымен орындалған. Бұл дегеніңіз қазынаға 1 миллиард 521,9 миллион теңге артығымен түсіп отыр деген сөз.
Главная цель форума – улучшение инвестиционного климата Шымкента и усиление притока инвестиций в экономику третьего мегаполиса страны – достигнута.
Жайылым жерді жақсарту – Елбасы тапсырмасы. Осы міндеттің үдесінен шығу мақсатында Бәйдібек ауданында үлкен жоба қолға алынып отыр. Жамбыл ауылдық округіне қарасты Жүзімдік елді мекеніндегі «Агро Логистик» шаруа қожалығының 100 гектар жеріне ауыспалы жайылым жобасы енгізілді.
Қазақстан Республикасының Тұңғыш Президенті күні қарсаңында күрделі жөндеу жұмыстары жүргізіліп аяқталған 11 шақырымды құрайтын «Ақбастау-Тұрақты-Қаратас» автомобиль жолы пайдалануға берілді. Ақбастау ауылдық округі тұрғындарының қуанышымен бөліскен аудан басшысы Бақытбек Танагөзов құттықтау сөз сөйлеп, жаңадан пайдалануға берілген автожолдың лентасын салтанатты түрде қиды.
1 – желтоқсан Тұңғыш Президент күні қарсаңында Елбасының шағын және орта кәсіпкерлікті қолдауы арқасында Келес ауданы Абай ауылының тұрғыны Алтынбаев Өмірсерік Әлібайұлы өз қаржысы есебінен «Qagaz» атты шағын цех ашып, бүгінгі таңда 7 адамды тұрақты жұмыспен қамтып отыр. Шағын цехтың негізгі қызметі шаруашылық сабыны және дәрет қағазын шығарумен айналысады.
Жетісай ауданы әкімдігінде басым дақылдардың құнын субсидиялау қағидасының талаптарын түсіндіру мақсатында алқалы жиын өтті. Мәжіліске Түркістан облысы ауыл шаруашылығы басқармасы басшысының орынбасары Тұрғынбек Оспанов, Түркістан облысы ауыл шаруашылығы басқармасының бас маманы Әлібек Пләлов, Жетісай ауданы әкімінің орынбасары Асан Маханбетов және ауыл округ әкімдері, мақта өңдеу зауыттары мен фермерлік шаруа қожалықтарының басшылары қатысты.