Бүгінгі таңда Шардара ауданында көктемгі дала жұмыстарына арналған суармалы жерді игеру қарқынды жүруде. Оның ішінде: күздік бидай, арпа, күріш, жүгері, маш, күнбағыс секілді дәндік дақылдар көбейіп, ауданның негізгі өнімі саналатын мақтаның көлемі былтырғы жылмен салыстырғанда 5704 га қысқарды. Оның орнына, дәндік және мал азығы саналатын егістіктер көлемі ұлғайды.
Шымкент қаласының әкімі Мұрат Әйтенов жұмыс барында «Shymkent» әлеуметтік-кәсіпкерлік корпорациясы» акционерлік қоғамы қызметкерлерімен кездесу өткізді. «Бір терезе» қағидаты бойынша жұмыс істейтін фронт-кеңсенің қызметімен танысқан қала басшысы кәсіпкерлерге несие беруді оңтайландыру барысын саралады.
Түркістан қаласында электр желісінің қуатын арттыру мақсатында Отырар ықшамауданында қуаты 2х40 МВт болатын 110/10/10 кВ «Яссы» қосалқы сатнциясы салынуда,-деп хабарлайды Түркістан қаласы әкімдігінің баспасөз қызметі.
Түркістан облысы Шардара ауданында "Ирригациялық дренаж жүйелерін жетілдіру-2" республикалық бағдарламасы аясында 20630 гектар суармалы егістік алқаптарындағы ағын су нысандарын қайта құру жұмыстары жүргізілуде.
Бүгінгі таңда Шардара ауданында көктемгі дала жұмыстары барысында 59 мың 300 гектар суармалы жер игерілуде. Оның 1 мың гектарын күздік бидай, 1500-ін арпа, – 1500-ін күріш, 3000-ын дәндік жүгері, – 500-ін маш, 100 гектарын күнбағыс, 18000 гектарын мақта, 14742 гектарын ескі жоңышқа, 4098-ін жаңа жоңышқа, 3300-ін сүрлемдік жүгері, 250 гектарын картоп, 600-іне көкөніс, 10710 гектарына бақша дақылдарын егу жоспарлануда.
Түркістан облысында импорт алмастыру бағдарламасы шеңберінде жергілікті әлеуетті инвесторларды қолдау жұмыстары да жалғасуда.
Түркістан облысы Ордабасы ауданында химия өнеркәсібі саласында "Standart Petroleum & Co"ЖШС көмір-химия комбинатының құрылысы жүргізілуде. Жобаның жалпы инвестиция көлемі 95 млрд.теңге.
"KZT Solar" ЖШС және "HEVEL KAZAKHSTAN"ЖШС компаниялары Түркістан облысы Кентау қаласында қуаты 110 мВт күн электр станциясының құрылысын бастады. Инвестиция сомасы 32,2 млрд. теңгені құрайды. Жобаны іске асыру 2020-2021 жылдарға белгіленген.