Жетісай ауданы кәсіпкерлерге қызмет көрсету орталығы жұмыс жасауда. Орталықтың негізгі мақсаты кәсіпкерлік субьектілерге және кәсіпкерлікпен айналысқысы келетін азаматтарға жан-жақты «бір терезе» қағидаты бойынша бизнестік қызметтерді белгіленген тізім бойынша ұсыну болып табылады.

Қызмет көрсету залында мамандар үш бағыты бойынша жұмыс жасайды. Яғни, рұқсат құжаттарын рәсімдеу, кәсіпкерлікті мемлекеттік қолдау құралдары мен бағдарламалар бойынша ақпараттық-түсіндіру және жобаларды жетелеу бойынша жұмыс істеп, тегін қызмет көрсетеді.

Кәсіпкерлерге қызмет көрсету орталығы 2022 жылдың қорытындысы бойынша 95 бизнес жоспар әзірленіп тапсырылса, 96 жобаға сүймелденіп қаржыландырылды.

Сондай-ақ, Мемлекеттік бағдарламалар мен қаржы ұйымдарының несие шарттары, мемлекеттік мекемелерден рұқсат құжаттарын алу бойынша түсіндіріп кеңес беру бойынша – 2205 кеңес беріліп, Мемлекеттік мекемелерден рұқсат құжаттарын алып беру – 221 қызметті құраған.

Сонымен қатар, «2021-2025 жылдарға арналған кәсіпкерлікті дамытужөніндегі Бизнестің жол картасы-2025» - бағдарламасы аясында 7 жоба қаржыландырылды. Қарапайым заттар экокномикасы бойынша 1 жоба қаржыландырды.