Шымкент қаласында жастарды зиянды әдеттерден қорғау, қоғамдық қауіпсіздікті нығайту және қоршаған ортаның тазалығын сақтау мақсатында «Есірткісіз қала» және «Таза Қазақстан» акциялары ұйымдастырылды.

Шымкенттік әйелдер Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның бастамасымен Н.Назарбаев Университеті базасында жүзеге асырылып жатқан Women Leadership Development Programme (WLDP) бағдарламасына қатысуда.

Мемлекет басшысы Қасым-Жомарт Тоқаев өзінің «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында Үкіметке жасанды интеллект технологияларын қолдана отырып, медициналық қызметтердің сапасы мен көлеміне мониторинг жүргізетін жаңа жүйе әзірлеуді тапсырған болатын. Бұл бастама денсаулық сақтау саласындағы ашықтықты арттырып, халыққа көрсетілетін медициналық көмектің сапасын нақты әрі әділ бағалауға бағытталған маңызды қадам екені белгілі.

Шымкенттегі тұрғыны көп ауданның бірі – Тұран ауданы. Сәйкесінше осы ауданға қарасты № 2 қалалық емханаға тіркелген пациенттердің де қарасы басқа емханалармен салыстырғанда едәуір көп. Аталмыш, емхана тұрғындарға тегін медициналық көмектің кепілдік берілген көлемі  және МӘМС жүйесі аясында сапалы алғашқы медико-санитарлық көмек көрсететін замануи профильді емдеу мекемесі болып табылады. Пациенттері көп емхананың жұмысы да шаш етектен болары сөзсіз. Бірақ, мекеменің білікті де білімді мамандары үлкенді-кішілі емделушілері үшін тізе бүкпей жұмыс істеуге әрқашан да дайын. Әсіресе, осы бір күйбелеңге толы,  стресс, депрессия, апатия мен түрлі факторлар жан жағыңнан қаумалаған заманда № 2 қалалық емхананың әлеуметтік-психологиялық қолдау қызметіне артылатын жүк екі есе.