Билік және саясат

Арыс қаласының инфрақұрылымы мен тұрғын үй қоры бір айда қалпына келтіріледі

ҚР Премьер-Министрі Асқар Мамин ҚР Президенті Қасым-Жомарт Тоқаевтың тапсырмасы бойынша Үкіметтік комиссия басшылығында Арыс қаласына барып, қаладағы төтенше жағдайдан зардап шеккен тұрғын үй ықшамаудандары мен әлеуметтік нысандарды аралады. ҚР Үкіметінің басшысы көппәтерлі және жекеменшік үйлер орналасқан «Көктем-1» және «Көктем-2» тұрғын үй алаптарына болды, залалданған жергілікті мектеп, қалалық аурухана мен Халыққа қызмет көрсету ғимараттарын көрді.

Түркістан облысы: Арыс қаласының әрбір тұрғынына 100 мың теңгеден беріледі

Арыс қаласындағы жарылыстан зардап шеккен халықтың жай-күйімен танысуға ҚР Премьер-министрі А.Мамин арнайы келді. Премьер-министр облыс басшысы Ө.Шөкеевпен бірге снарядтан зақым келген тұрғын үйлер мен 4 қабатты қалалық аурухананы, халыққа қызмет көрсету орталығын және Көктем шағынауданындағы И.Журба атындағы орта мектепті аралап, ғимараттардың жай-күйімен танысты.

Түркістан облысы: Арыс шаһарында 3,5 мың құрылысшы 7 мыңға жуық үйді жөндеп жатыр

Бүгін Арыс қаласында атқарылып жатқан жұмыстар, қаланың қазіргі жай-күйі туралы брифинг өтті. Жиында шаһар басшысы Мұрат Қадырбек құрылыс жұмыстары талапқа сай жүргізіліп жатқанын мәлімдеді.

Түркістан облысының әкімі ақпараттың ашық әрі уақтылы айтылуы керектігін ескертті

Арыс қаласында атқарылып жатқан жұмыстар мен мәліметтер шынайы әрі ашық болуы керек. Бүгін облыс әкімі аппаратының кезекті селекторлық жиынында өңір басшысы Өмірзақ Шөкеев осылай деді. Қорға аударылған қаржы мен мемлекет тарапынан берілетін әрбір қаражат та қоғам назарында болады.

Түркістан облысы: Арыста 6769 үй жөнделеді

Қаладағы барлық үйлер саналып, жөнделетіндердің нақты саны анықталды. Тізімгі жалпы 8371 баспана алынып, оның 6977-і түрлі деңдейде жөнделетін болды.

Түркістан облысы: «Арыста радиация жоқ»

Арыс қаласында ауа, су сынамалары алынып, радиация мөлшері зерттелді. Бұл туралы бүгін Түркістан облысында құрылған штабтағы баспасөз мәслихатында еліміздің бас санитарлық дәрігері Жандарбек Бекшин мәлімдеді.

Түркістан: сенаторлар облыстық штабтың жұмысын жоғары бағалады

Арыстықтардың жай-күйімен танысу үшін ҚР Парламенті Сенатының Халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед және Қаржы және бюджет комитетінің мүшесі Әли Бектаев, Қазақстан Республикасы Парламенті Сенатының Экономикалық саясат, инновациялық даму және кәсіпкерлік комитетінің төрағасы Асқар Бейсенбаев, Экономикалық саясат, инновациялық даму және кәсіпкерлік тұрақты комитетінің мүшесі Әлімжан Құртаев Түркістан облысына арнайы келді.

Түркістан қаласының әкімі Арыста болды

Бүгін Түркістан қаласының әкімі Рашид Аюпов Арыс қаласындағы Түркістан штабына барып, атқарылып жатқан жұмыс барысымен танысты. Қазіргі уақытта Түркістан және Нұр-Сұлтан қалалары №9 секторға жауапты.