Түркістан облысының әкімі Нұралхан Көшеров Оңтүстік Корея мемлекетінен келген инвестор Со Вон Енмен кездесті. Тараптар әріптестікті нығайту, бірлескен жобаларды жүзеге асыру жолдарын қарастыру бойынша келіссөз жүргізді. Өңір басшысы Түркістан облысының инвестициялық әлеуетімен таныстырды.

Түркістан төрінде алғаш рет ұйымдастырылған халықаралық кітап көрме-жәрмеңкесі жалғасын табуда. «Turkistan Book Fair» жәрмеңкесіне алыс-жақын шетелдер мен еліміздің түкпір-түкпірінен 50-ге жуық баспа ұйымы қатысуда. Олардың қатарында Түркия, Өзбекстан, Әзербайжан, Қырғызстан, Саха Республикасы (Якутия), Ресей және Моңғолия бар.

Түркістанда әйелдердің көшбасшылық әлеуетін дамыту арқылы олардың саяси, әлеуметтік-экономикалық өмірге белсенді қатысуын арттыру мақсатында «Отбасы істері және гендерлік саясатты жүзеге асыру» жобасының аясында «TOMIRIS» ақпараттық-білім беру семинар-тренингі өтті.

ҚР Мемлекеттік Әнұранының авторы, Қазақстанның Халық әртісі, Еңбек Ері Шәмші Қалдаяқовтың 95 жылдығы аясында композитордың өмірі мен шығармашылығын кеңінен насихаттау мақсатында апталық өтуде. Шара аясында композитордың өмірі мен шығармашылығын еске алуға арналған дөңгелек үстел ұйымдастырылды.