Күні кеше Түркістанда өткен инвестициялық форум аясында Кентау қаласының әкімі Жандос Тасов бірнеше ірі инвесторлармен кездесіп, қаланың инвестициялық мүмкіндіктерін таныстырды.

Кентау қаласының әкімі Жандос Тасов №5 жылу электр орталығына барып, қазандықтарды қайта құру жұмыстарының барысын бақылады. Жоба аясында №7, 8, 9, 10, 11, 12 қазандықтар толық жаңғыртылып, тозу деңгейі 87,2%-дан 25%-ға дейін төмендетілді.

Кентау қаласы Төтенше жағдайлар бөлімінің ұйымдастыруымен Хантағы және Байылдыр ауылдарында тұрғындарға түсіндіру жұмыстары жүргізілді. Іс-шараға қала әкімдігі, Жастар ресурстық орталығының еріктілері, қалалық газ мекемесі, қалалық электр желісі қызметкерлері және ауыл әкімдіктерінің мамандары бірлесе қатысты.

Кентау қаласындағы Ш.Уәлиханов көшесі 68 көпқабатты тұрғын үй маңында орналасқан дүкеннен өрт шығып, жақын тұрған тұрғын үйге залал келтіргені туралы ақпарат тараған болатын. Оқиғаның мән-жайын анықтау мақсатында қала әкімі Жандос Тасов нысан басына барып, жауапты мамандармен бірге жағдайды тексерді.

Кентау қаласының тұрғыны, көпбалалы әке – Үтепбаев Жанболат мемлекеттік қайтарымсыз грант бағдарламасы аясында өз жобасын сәтті қорғап, табысты кәсіпкер атанды.

Шымкентте «Alsera KZ» жылыжай кешенінің ашылуы аясында алғашқы қызанақ өнімі жиналды. Іс-шараға ҚР Ауыл шаруашылығы министрі Айдарбек Сапаров, қала әкімінің бірінші орынбасары Айдын Кәрімов, Түркия Республикасының Түркістан қаласындағы Бас консулы Левент Гюржан және басқарма төрағасы Иззет Гарих бастаған «Alarko Holding» өкілдері қатысты.

Бүгін Шымкентте Қазақстан халқы Ассамблеясының 30 жылдығы аясында «Ұлттық киім – ұрпаққа мұра» фестивалі өтті. Ұлттық киім үлгілері дәріптелген іс-шараға жергілікті қолөнер шеберлері, жас дизайнерлер, сән өнерінің өкілдері мен ұлттық өнер жанашырлары, этномәдени бірлестіктердің жетекшілері, шығармашылық ұжымдар, жоғары және орта арнаулы оқу орындарының студенттері мен тұрғындар қатысты.

Шымкент қаласында тоғызқұмалақтан жастар мен жасөспірімдер арасындағы командалық Қазақстан Республикасының чемпионаты жоғары деңгейде өтуде. Жарыс 1-7 қараша аралығында өткізу жоспарланған. Дәл қазір бұл додада елдің түкпір-түкпірінен келген 300-ге жуық спортшы бақ сынап, ұлттық ойынды дамыту жолында өз шеберліктерін көрсетуде. Чемпионат нәтижесінде Шымкент қаласының жасөспірім қыздар командасы 2-орын иеленіп, ел намысын абыроймен қорғады.

«Freedom Telecom» компаниясы Шымкентте кабель тартуды талап етпейтін, жоғары жылдамдықты интернет ұсынатын FWA (Fixed Wireless Access) қызметін ресми түрде іске қосты. Бұл жаңа технология ең алдымен бұрын техникалық тұрғыдан мүмкін болмаған немесе экономикалық жағынан тиімсіз деп саналған аймақтардың жылдам әрі тұрақты интернетке қосылуына жол ашады.

Ордабасы ауданы әкімі аппаратының басшысы Жұманалы Кадиевтің төрағалығымен сыбайлас жемқорлықтың алдын алу және мемлекеттік қызметтегі әдеп нормаларын сақтау бойынша жиын өтті. Жиынға аппарат қызметкерлері, ауыл округінің әкімдері және өзге де мемлекеттік мекеме қызметшілері қатысты.