Түркістан облысында 2025-2026 жылдардағы жылыту маусымының қалыпты өтуі облыс әкімі Нұралхан Көшеровтің қатаң бақылауында. Апта басында өңір басшысы бұл бағыттағы жұмыстарды тағы бір рет саралап, жауаптыларға нақты тапсырмалар берді. Облыс әкімінің бірінші орынбасары Зұлпыхар Жолдасовтың айтуынша, қазіргі таңда өңірде көмір қоры жеткілікті, әлеуметтік нысандар мен тұрғын үйлер толығымен жылумен қамтылған.
Түркістан облысында «Таза Қазақстан» бағдарламасы аясындағы жұмыстар қарқынды жүргізіліп жатыр. Облыс әкімі Нұралхан Көшеровтің төрағалығымен өткен мәжілісте осы бағыттағы жұмыстар талқыланды. Күн тәртібіндегі негізгі мәселе бойынша облыс әкімінің бірінші орынбасары Зұлпыхар Жолдасов баяндама жасап, атқарылып жатқан жұмыстар туралы егжей-тегжейлі мәлімет ұсынды.
Түркістан облысы аумағындағы жалпы пайдаланымдағы облыстық маңызы бар автомобиль жолдарының ұзындығы 3919,04 шақырымды құрайды. Оның ішінде, бірінші кезекте қардан тазаланатын және инертті материалдар себілетін жолдар 1943,3 шақырым болса, таулы аймақтарда орналасқан, қар қатты басып қалу қаупі жоғары учаскелер – 434 шақырым. Облыстық маңызы бар автомобиль жолдары бойынша 2025-2026 жылдар аралығындағы қысқы дайындық жұмыстарын «Оңтүстік жолдары» шаруашылық жүргізу құқығындағы мемлекеттік коммуналдық кәсіпорны жүргізуде.
Түркістан облысында барлық жер қоры 11 млн. 610,3 мың гектарды құрайды. Оның ішінде, ауыл шаруашылығы мақсатындағысы – 4527,3 мың гектар, елді мекендер – 807,8 мың гектар, өнеркәсіп, байланыс және басқа да мақсатында – 140,4 мың гектар, ерекше қорғалатын аймақ – 431,4 мың гектар, орман қоры – 3 029,87 мың гектар, су қоры – 134,6 мың гектар, босалқы – 2 539 мың гектар.
Түркістан облысының аумағында 128 қатты тұрмыстық қалдық тастайтын полигон бар. Оның ішінде 35-і аудандық болса, 40-ы ауыл округінде орналасқан. Ал 50-і сенімгерлік басқаруға берілген. Жүргізілген талдау нәтижесінде облыстағы полигондардың көпшілігі санитарлық-экологиялық талаптарға сәйкес келмейтіні анықталды. Бұл туралы облыс әкімі Нұралхан Көшеровтің төрағалығымен өткен аппараттық мәжілісте айтылып, алдағы жоспарлар мен өзекті мәселелер сараланды. Облыс әкімі жауаптыларға аталған мәселені шешу бойынша нақты шаралар қабылдауды тапсырды.
Биыл облыс аумағында 390 өрт дерегі тіркелді. Тілсіз жаудан 18 адам қайтыс болып, 13 адам жарақат алған. Бұл туралы өткен брифингте Түркістан облысы ТЖД Мемлекеттік өрт бақылау басқармасы бастығының міндетін атқарушы Жасұлан Айнабек мәлімдеді.
Ауыл мектептері оқушыларына арналған жаратылыстану-математикалық бағыттағы республикалық олимпиада биыл да жоғары деңгейде ұйымдастырылып, үздіктердің есімі анықталды. Сайыс қорытындысы бойынша, Түркістан облысынан 38 оқушы қатысып 16 оқушы жүлделі орындар иеленіп 6 оқушы мақтау қағазымен марапатталды!
Түркістан облысының кәмелетке толмағандардың арасындағы келеңсіз жағдайларды алдын алу жөніндегі штаб отырысы өтті. Онда өзекті мәселелер сараланып, жан-жақты талдау жүргізілді. Жиынды облыс әкімінің орынбасары Ертай Алтаев жүрігізді, жауапты сала басшылары мен полиция өкілдері қатысты.
Түркістан облысы әкімдігінде бекітілген кестеге сәйкес азаматтарды жеке қабылдау тұрақты түрде жалғасуда. Бұл жұмыс тұрғындардың арыз-шағымын, ұсыныс-пікірін тікелей тыңдап, мәселелерді жедел шешуге бағытталған. 2025 жылғы 9 айдың қорытындысымен жеке қабылдауға 1 025 азамат жазылған. Жеке қабылдауға жазылған тұрғындарға 65 қабылдау ұйымдастырылып, онда 593 азаматтың өтініштері мен ұсыныс-пікірлері тыңдалды.
Түркістан облысы әкімінің орынбасары Нұрбол Тұрашбеков жетекшілік ететін салаларының басшыларымен мәжіліс өткізіп, тапсырмалардың орындалуын саралады. Кәсіпкерлік және сауда басқармасының басшысы Нұржігіт Мырзахметов әлеуметтік маңызы бар азық-түлік тауарларының бағасын тұрақтандыру бағытында атқарылған жұмыстарды баяндады.