Түркістан облысының іскерлік делегациясының Қытай Халық Республикасының Юньнань провинциясына жасаған сапары өңірдің агроөнеркәсіптік даму бағытына жаңа серпін беретін маңызды тәжірибелік алаңға айналды. Делегация Цзиньнин ауданында орналасқан раушан гүлдерін топырақсыз технология — гидропоника негізінде өсіретін заманауи жылыжай кешенінің жұмысымен танысып, жоғары технологиялы гүл шаруашылығының өндірістік моделін зерделеді.

Түркістан облысының әкімі Нұралхан Көшеров бастаған ресми және іскерлік делегация Қытай Халық Республикасына жұмыс сапарымен барды. Сапардың негізгі мақсаты – Қазақстан Республикасының Президенті Қасым-Жомарт Тоқаевтың тапсырмаларын іске асыру аясында Қазақстан мен Қытай арасындағы стратегиялық серіктестікті одан әрі нығайту, өңіраралық ынтымақтастықты кеңейту және экономикалық байланыстарды тереңдету.

Шымкентте тұрғындардың денсаулығын нығайтуға және МӘМС жүйесі туралы ақпараттандыруға бағытталған «Денсаулық бұрышы» акциясы өтті. «Әлеуметтік медициналық сақтандыру қоры» Шымкент қалалық филиалының бастамасымен ұйымдастырылған шара барысында жүзге жуық тұрғын тегін медициналық кеңес алды.

Шымкенттік әйелдер Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның бастамасымен Н.Назарбаев Университеті базасында жүзеге асырылып жатқан Women Leadership Development Programme (WLDP) бағдарламасына қатысуда.

Түркістан облысы Қазығұрт ауданында Мемлекет басшысының бастамасымен жүзеге асырылып жатқан «Таза Қазақстан» экологиялық бағдарламасы аясында «Мөлдір бұлақ» экологиялық акциясы ұйымдастырылып, аудан аумағындағы өзен жағалауларына ауқымды тазалық жұмыстары жүргізілді. Экологиялық акция барысында Қазығұрт елді мекеніндегі Келес өзенінің жағалауы мен Алтынтөбе ауылдық округіне қарасты табиғаты көркем Аққұм сарқырамасы аумағы қоқыстан тазартылып, абаттандыру жұмыстары атқарылды.

Жетісай ауданында көпбалалы аналарды ұлықтауға арналған тағылымды іс-шара өтіп, аяулы жандарға «Алтын алқа» және «Күміс алқа» наградалары табысталды. Жиынға аудан әкімінің орынбасары Айдос Исмайлов қатысып, аналарды марапаттарымен құттықтады, қоғамдағы ана рөлінің айрықша маңызын атап өтті. Мемлекет тарапынан отбасы институтын нығайтуға, ана мен баланы қолдау жұмыстарының жүйелі түрде жүргізілуінің нәтижесі ауданда көпбалалы отбасылар саны артқаны айтылды.

Түркістан облысы әкімінің орынбасары Қанат Қайыпбектің төрағалығымен инвестициялық штабтың кезекті отырысы өтті. Күн тәртібінде биыл іске асырылатын инвестициялық жобалардың ағымдағы жағдайы және облыс аумағында жүзеге асырылуы жоспарланған инвестициялық жобаларға қатысты өзекті мәселелер талқыланды.

Түркістан облысында балалардың жазғы демалысын тиімді ұйымдастыру және олардың жан-жақты дамуына қолайлы жағдай жасау мақсатында «Балауса» жазғы сауықтыру лагерінің 2026 жылғы жазғы маусымының ашылу салтанаты өтті. Салтанатты іс-шараға Түркістан облысының әкімінің орынбасары Еркебұлан Дауылбаев қатысып, лагерь демалушыларымен еркін пікір алмасып, олардың шығармашылық жұмыстары мен жетістіктерімен танысты. Өңір басшысы балаларға жылы лебізін білдіріп, жазғы демалыс маусымының ашылуымен құттықтады.

Түркістан облысының ауыл шаруашылығы саласы тұрақты оң даму динамикасын көрсетуде. 2026 жылдың 4 айында ауыл шаруашылығының жалпы өнім көлемі 206 млрд теңгені құрап, өсім 111,3 пайызға жетті. Агроөнеркәсіптік кешеннің негізгі капиталына тартылған инвестициялар көлемі артты. 4 айда 56,4 млрд теңге инвестиция тартылып, жоспар 1,8 есе артығымен орындалды. Бұл туралы ҚР Премьер-министрі Олжас Бектеновтің төрағалығымен өткен Үкімет отырысында Түркістан облысының әкімі Нұралхан Көшеров баяндады.

Қазақстан Республикасының Президенті Қасым-Жомарт Тоқаевтың цифрлық технологиялар мен жасанды интеллект саласын дамыту жөніндегі бастамалары аясында және Мемлекет басшысының 2026 жылды «Цифрландыру және жасанды интеллект жылы» деп жариялауына орай Түркістан қаласында тарихи маңызы бар ғылыми-технологиялық жоба жүзеге асырылды.