Сенбілік барысында саябақтар, ішкі көшелер, ауыл маңындағы сай-салалар тұрмыстық қалдықтардан тазартылды. Сонымен қатар, 350-ден астам адам Шолаққоған–Түркістан бағытындағы «Жасыл белдеу» аумағында қоршау бағаналарын сырлап, ағаш көшеттерінің түптерін әктеу жұмыстарын жүргізді. Аталған аумаққа арнайы барған аудан әкімі Мұхит Тұрысбеков санитарлық тазалық пен аудан аумағын абаттандыру бағытындағы бірлескен жұмыстың маңыздылығына тоқталды.

Тазалық жұмыстарына барлығы 5670-тен астам адам жұмылдырылды. Оның ішінде мекеме қызметкерлері, аудан тұрғындары мен ерікті жастар бар. Сонымен қатар, сенбілікке 25 арнайы техника тартылып, 44 шақырым көше және 19 шақырым жаяу жүргінші жолы тазартылды. Нәтижесінде, 270 тоннадан астам тұрмыстық қалдықтар арнайы орындарға шығарылды.

«WWW.AQ-QARA.KZ» - ақпарат