Сауран ауданында салауатты өмір салтын қалыптастыру, ішімдіктің зиянын түсіндіру және ұрпақ тәрбиесіне оң ықпал ету мақсатында «Арақсыз ауыл» бастамасы аясында ауылдық округтердің жеке кәсіпкерлерімен кеңейтілген жиын өтті. Іс-шара аудан әкімі Мақсат Таңғатаровтың төрағалығымен ұйымдастырылды.

Түркістан облысы қоғамдық даму басқармасы мен «Жастар ресурстық орталығы» КММ-нің ұйымдастыруымен «Жыл көшбасшылары» жобасы аясында өткен «Үздік жастар премиясы – 2025» байқауының салтанатты марапаттау кеші жоғары деңгейде өтті.

Төлеби аудандық Мәдениет үйінде «Жұмысшы мамандықтары жылы» аясында ауданымыздың түрлі салаларында адал еңбек етіп, кәсіби шеберлігімен, жауапкершілігімен және табандылығымен ерекшеленіп жүрген жұмысшы мамандық иелеріне арналған салтанатты жиын өтті. Шараның басты мақсаты – еңбекті дәріптеу, кәсіби шеберлікті бағалау және жас ұрпаққа еңбекқорлықтың жарқын үлгісін көрсету.

Сайрам ауданына қарасты ауылдық аймақ тұрғындарына медициналық көмектің қолжетімді әрі жедел көрсетілуін қамтамасыз ету мақсатында тағы бір маңызды жоба жүзеге асырылды. Қарамұрт елді мекенінде «Азия Фаворит» медициналық орталығы пайдалануға берілді. МӘМС жүйесі арқылы тұрғындар тегін медициналық қызмет алады.Медициналық орталықтың ашылу салтанатына Сайрам ауданының әкімі М.Мұхтарұлы қатысып, ауыл тұрғындары үшін жасалып жатқан әлеуметтік маңызы бар жобалардың маңыздылығын атап өтті.