Түркістан облысының әкімі Нұралхан Көшеров Сауран ауданына жұмыс сапармен барып, кәсіпорындар мен әлеуметтік нысандардың құрылыс жұмыстарын бақылады. Аудан экономикасын дамытуға серпін беретін жобалармен танысып, тұрғындардың әлеуметтік жағдайын жақсарту бағытындағы игі бастамаларға қашан да қолдау болатынын жеткізді. Кәсіпкерлермен жүздесіп, құрылыс сапасына немқұрайлы қарамай, бастаған істі жауапкершілікпен аяқтауды тапсырды.

Ордабасы ауданының әкімі Азат Оралбаев орман және жануарлар дүниесін қорғау саласында атқарылып жатқан жұмыстармен танысты. Сапар барысында аудан басшысы Темірлан елді мекенінде орналасқан «Бадам орман және жануарлар әлемін қорғау жөніндегі мемлекеттік мекемесіне» барып, мекеме қызметкерлерімен кездесті.

Шымкент қаласында саланы дамыту бойынша алдағы жұмысты жүйелеуге арналған 37 басым спорт бағытының тізімі қалыптастырылды.

AMANAT партиясы жанындағы «Жастар Рухы» жастар қанатының ұйымдастыруымен республикалық Road-эстафета шеңберінде «Чемпиондық Рух» іс-шарасы өтті. «Таза Қазақстан» жалпыұлттық экологиялық акциясы аясында өткізілген жобаның басты мақсаты – жастарды салауатты өмір салтына баулу, ерік-жігері мен төзімділігін шыңдау, күнді белсенді әрі энергиямен бастауға дағдыландыру. Сондай-ақ, экологиялық мәдениетті қалыптастыру.

Бүгін Ордабасы ауданында «Таза Қазақстан» республикалық экологиялық акциясы аясында кең ауқымды сенбілік шарасы өтті. Тазалық пен қоршаған ортаны қорғау мақсатында қолға алынған іс-шараға аудан бойынша 2954 адам қатысты. Олардың қатарында мемлекеттік мекемелердің қызметкерлері, ардагерлер, жастар, еріктілер және ауыл тұрғындары белсенділік танытты.

Шымкент қаласындағы Достық үйінде Қазақстан халқы Ассамблеясы Төрағасының орынбасары, Қазақстан Республикасы Президенті Әкімшілігінің ҚХА хатшылығының меңгерушісі Марат Әзілханов қалалық ҚХА жанындағы этномәдени бірлестіктердің төрағаларымен және қоғамдық құрылымдардың жетекшілерімен кездесті.

Қазақстан халқы Ассамблеясы Төрағасының орынбасары, Қазақстан Республикасы Президенті Әкімшілігінің ҚХА хатшылығының меңгерушісі Марат Әзілханов Шымкент қаласына жасаған жұмыс сапары аясында Достық үйінде жаңғыртудан өткен этномұражайды аралап, жергілікті этнос өкілдерінің қолдауымен жиналған жәдігерлермен танысты. Жалпыұлттық бірлікті бекемдеуде мәдени мұраның алар орны ерекше екенін атап өтті.   

Қыркүйек айында Қарағанды, Қостанай облыстары мен Шымкент қаласында бастау алған «Кітап оқитын ұлт» жобасының алғашқы кезеңі өз мәресіне жетті.

Шымкент қаласындағы «Шымқала» тарихи-мәдени кешенінде ұлттық тағам мәдениетін дәріптеуге арналған «Дән мен дәм FEST» атты гастрономиялық фестиваль өтті. Іс-шараны Шымкент қалалық мәдениет, тілдерді дамыту және архивтер басқармасына қарасты Әдет-ғұрып және салт-дәстүр орталығы ұйымдастырды.

Шымкент қаласының Өңірлік коммуникациялар қызметі ақпарат алаңында өткен брифингте, Шымкент қаласы әкімдігінің ресми өкілі, қала әкімінің орынбасары – Сәрсен Абайұлы Құранбек төмендегідей мәлімдеме жасады.