Отырар ауданының 90 жылдық мерейтойына орай салауатты өмір салтын насихаттап, қарттарымыздың белсенділігін арттыру мақсатында «Белсенді ұзақ өмір» әлеуметтік қызметтер көрсету орталығы және жеке кәсіпкерлердің демеушілігімен орталықта «Белсенді өмір – Баянды ғұмыр» атты спорттың бильярд түрінен жарыс ұйымдастырылды.

Р.Сейтметов атындағы Түркістан қаласының сазды-драма театры биыл 150-ге жуық қойылымды сахналады. Сондай-ақ, театр репертуары осы жылы 6 жаңа қойылыммен толықты. Оның үшеуі ересектерге арналса, қалғаны балаларға арналған. Бұл туралы брифингте театр директоры Арман Алиев мәлімдеді.

Тәуелсіздік күні қарсаңында Түркістан облысы, Сарыағаш ауданында тағы бір әлеуметтік нысан іске қосылды. Мемлекет басшысы Қасым-Жомарт Тоқаевтың бұқаралық спортты дамыту және жастарға арналған спорттық нысандардың қолжетімділігін арттыру жөніндегі тапсырмасын орындау мақсатында Құркелес ауылдық округінде заманауи спорт алаңшасы ел игілігіне пайдалануға берілді.

Отырар аудан әкімдігінің мәжіліс залында ерекше құрметке толы жиын өтті. Аудан әкімінің міндетін атқарушы Сейітқұл Қыдырбай Құнанбайұлы көпбалалы аналарды қабылдап, оларға Мемлекет басшысының атынан мемлекеттік наградаларды табыстады. Аталған іс-шараның басты мақсаты – өмірін бала тәрбиесіне, ұлт болашағын қалыптастыруға арнаған аналар еңбегін бағалау, оларға құрмет көрсету.

Түркістан облысының әкімі Нұралхан Көшеров таяуда өңірге жұмыс сапарымен келген «Altyn Bank» АҚ Басқарма төрағасы Мұрат Байсыновты қабылдап, банктің инвестициялық бастамалары мен ынтымақтастық мүмкіндіктерін талқылады. Кездесу барысында тараптар экономикалық серіктестікті нығайту, өңірдегі қаржы секторының әлеуетін арттыру және бірлескен жобаларды жүзеге асыру бойынша келіссөз жүргізді.

Түркістан облысында салауатты өмір салтын ұстанатын ауылдардың қатары артып келеді. Ішкі істер министрлігінің бастамасын қолдаған өңір тұрғындары ішімдіктен бас тартып, қоғамдық келісім мен тәртіпке негізделген жаңа өмір салтын қалыптастырып жатыр.

Түркістан облысы әкімінің орынбасары Нұрбол Тұрашбеков таяуда бекітілген кестеге сәйкес, «Ашық әкімдік» кеңсесінде тұрғындарды жеке қабылдап, өтініштері мен ұсыныстарын тыңдады.

Отырар аудандық мәдениет сарайында «Ерен еңбегі үшін» медалінің иегері, Отырар ауданының құрметті азаматы Құтым Ордабаевтың туғанына 100 жыл толуына арналған «Есімі аңызға айналған ұстаз» атты танымдық конференция өтті.

Түркістан төрінде қалалық прокуратураның жаңа ғимараты пайдалануға берілді. Екі қабатты нысанның салтанатты ашылуына Түркістан облысының әкімі Нұралхан Көшеров, Қазақстан Республикасының Бас Прокурордың орынбасары Ғабит Садырбеков, ҚР Бас прокуратура жанындағы құқықтық статистика және арнайы есепке алу комитеті төрағасының орынбасары Ғабит Миразов, облыс прокуроры Мұрат Тлеубердиев, құқық қорғау органдарының қызметкерлері мен зиялы қауым өкілдері қатысты.

Еңбек адамдары – елдің тірегі, қоғамның қозғаушы күші. Олардың табанды еңбегі мен маңдай тері әрбір жетістік пен дамудың негізі. Күні кеше Түлкібас аудандық мәдениет үйінде ауданның ауыл шаруашылығы саласын қорытындылау мақсатында ұйымдастырылған «Алтын күз-2025» мерекелік ісшарасы өтіп, онда шаруалардың жыл бойғы еңбектері еленіп, үздіктер ҚР Ауыл шаруашылығы министрлігінің “Еңбек ері” медалімен, “Құрмет грамотасы”, Түркістан облысы әкімінің Алғыс хатымен, ауданға сіңірген еңбегі үшін” төсбелгісімен, «Ауыл» партиясының құрмет грамоталары және аудан әкімінің алғыс хатымен марапатталды.