Елдегі жарияланған төтенше жағдайға байланысты Түркістан облысының мектеп бітіруші түлектері ұлттық бырыңғай тестілеу сынағына үйден шықпай онлайн режимде дайындалады,-деп хабарлайды Түркістан облысының Өңірлік коммуникациялар қызметі
Түркістан қаласында қашықтықтан оқытуды бастау алдындағы дайындық жұмыстары жүргізілді. Аталмыш шара Т. Бигелдинов атындағы №16 жалпы орта мектебінің география пәнінің мұғалімі мен 11-сынып оқушылары арасында «ZOOM» сайты арқылы іске асты.
Түркістан облысында бәсеке қабілетті ұлт әзірлеу мақсатында аймақтың талапкер жастары үшін электронды оқулық платформасы арқылы «ҰБТ-ға дайындық бойынша шеберлік курсы» онлайн курсы ұйымдастырылды.
Қазығұрттық оқушылар жаңа оқу жылында жаңа мектепке барады. Түркістан облысы Қазығұрт ауданына қарасты Қазығұрт елді мекеніде 200 орындық жаңа мектептің құрылысы қарқынды жүріп жатыр. Сондай-ақ Қазығұрт ауданы Жаңабазар ауыл округінде 200 балаға шақталған жаңа мектептің құрылысы басталуға жақын. Қос білім ұясы жаңа оқу жылы қарсаңында пайдалануға беріледі деп жоспаланып отыр.
Түркістан облысы, Шардара ауданының әкімі Қайрат Жолдыбайұлы 7-9 наурыз күндері Халықаралық экология, инженерия және педагогика ғылымдары академиясының ұйымдастыруымен өткен халықаралық ғылыми-практикалық конференциядан жүлдемен оралған шардаралық оқушы мен оның жетекшісін қабылдады.
Биыл Түркістан облысында түрлі салаларды цифрландыру мақсатында 29 жобаны жүзеге асыру жоспарланып отыр. Өткен жылы облыс көлемінде цифрландыру саласы бойынша 17 жоба іске қосылған болатын. Бұл туралы Өңірлік коммуникациялар қызметінде өткен брифингте облыстық цифрландыру, мемлекеттік қызметтер көрсету және архивтер басқармасының басшысы Елнұр Өтебаев мәлімдеді.
Түркістан облысында жалпы 906 мектеп бар. Оның 900-і — мемлекеттік, 6-ы — жекеменшік. Биыл қосымша 12 жаңа мектеп пайдалануға беріледі. Бұл туралы Өңірлік коммуникациялар қызметінде өткен брифингте облыстық Адами әлеуетті дамыту басқармасының басшысы Рахымбек Жолаев мәлімдеді. Оның айтуынша, облыста 5 үш ауысымда білім беретін мектеп бар. Өткен жылы үш ауысымда білім беріп келген 3 мектептің құрылысы пайдалануға берілген.
Түркістан облысында өткен «Hakaton Yassawi SmartTech» IT жобалар байқауы өз мәресіне жетті. Жарысқа еліміздегі 15 жоғары оқу 100-ге жуық үміткер қатысқан болатын.
