Түркістан облысының әкімі Нұралхан Көшеров Үндістанның Қазақстан Республикасындағы Төтенше және Өкілетті елшісі Сайлас Тангалмен кездесті. Кездесуде әріптестікті нығайту, экономикалық және мәдени байланыстарды тереңдету, инвестиция тарту мүмкіндіктері қаралып, келіссөздер жүргізілді. Облыс әкімі Түркістанның тарихи мәніне тоқталып, инвестициялық әлеуеті туралы баяндады.

Түркістан қаласындағы «Конгресс холл» кешенінде облыстық Қоғамдық даму басқармасының қолдауымен және «Шығармашыл жастар» қоғамдық қорының ұйымдастыруымен «Қайырымды іс – жан азығы» акциясы аясында жылдың үздік меценаттарын марапаттау рәсімі өтті.

Мемлекет басшысы Ұлттық құрылтайдың екінші отырысында әділетті Қазақстанды құру жолында әрбір азаматтың адал болуы – қоғамның дамуындағы басты шарт екенін атап өткен болатын. Осы орайда, таяуда Түркістан қаласындағы «Конгресс холл» кешенінде «Адал азамат – әділетті қоғам кепілі» атты жас мемлекеттік қызметшілер форумы өтті.

Шымкент қаласында өткен ересектер мен әйелдер арасындағы Қазақстан чемпионатында еліміздің түкпір-түкпірінен келген мықты балуандар бас қосып, бозкілемде өзара мықтыны анықтады. Жалпы саны 20 өңірден келген балуандардың басын қосқан айтулы додада Түркістан облысының спортшылары жоғары дайындықтарын көрсетті.

Жұмысшы мамандықтар жылы аясында Түркістан облысында техникалық және кәсіптік білім беру ұйымдарының студенттері мен өндірістік оқыту шеберлері арасында «Сhocolatine Кazakhstan–2025» халықаралық байқауы өтті. Орта Азия елдерінен, атап айтқанда, Қазақстан, Қырғызстан және Өзбекстаннан 22 қатысушы бақ сынады. Үміткерлер екі модуль бойынша кондитерлік өнімдердің күрделі технологияларын орындады. Олардың жұмыстарын халықаралық кондитерлік қауымдастық сарапшылары бағалады.

Түлкібас ауданы туризм саласы дамыған өңірлердің бірегейі. Тау бөктері, өзендері мен мөлдір бастаулары халық арасында «екінші Швейцария» атанып, мұнда келген қонақтар да табиғатының әсемдігіне таңдана қарайды. Осы тұста таяуда ғана Түркістан қаласында өткен «Turkistan International Investment and Tourism» форумы аясында өңір туризмін дамытуға бағытталған маңызды жобалар мақұлданды. «Kazakhstan Silk Road International Holdings Group» ЖШС президенті Чан Минг бастаған шетелдік бизнес делегация Түлкібас ауданына барып, өңірдің туристік әлеуетімен танысты.

Түркістан қаласында «Заң мен тәртіп» қағидатын ілгерілету бағытында облыстық «Білімді жастар – ел ертеңі» форумы аясында марапаттау шарасы өтті. Облыс әкімінің орынбасары Ертай Алтаев, Түркістан облысы бойынша экономикалық тергеп-тексеру департаментінің басшысы Ерболат Балғабаев арнайы қатысып, «Таза Қазақстан» бағдарламасына белсене үлес қосқаны үшін өңірдегі белсенді жастарды марапаттады.

Түркістан облысы әкімінің бірінші орынбасары Зұлпыхар Жолдасов Келес ауданына арнайы іссапармен барып, маңызды инфрақұрылымдық нысандардың жұмысымен танысты. Сапар барысында аудан әкімі Жәнібек Ағыбаев өңірдегі ең ірі транзиттік нүктелердің бірі – Бауыржан Қонысбаев кеден бекетінің қызметімен таныстырып, ондағы өзекті мәселелерді ортаға салды.

Түркістан облысы, Кентау қаласының арнайы экономикалық аймағында газ қазандықтарын шығаратын өндіріс орны іске қосылды. Жобаны іске асыруға «TURAN Shenhua» ЖШС 2,4 млрд.теңге инвестиция салуда. Кәсіпорынның жалпы ауданы 2500 шаршы метрді құрайды.

Түркістанда «Заң мен тәртіп» қағидаты аясында облыстық «Білімді жастар – ел ертеңі» атты құқықтық тәрбиелік көшбасшылар форумы өтті. Достық үйінде өткен шараны облыстық қоғамдық даму басқармасы «Жастар ресурстық орталығы» КММ ұйымдастырды. Жастардың құқықтық сауаттылығын арттыру, қоғамдық жауапкершілігін күшейту, сондай-ақ көшбасшылық қабілеттерін дамыту мақсатында өткен шара барысында заң саласы, тәртіп, азаматтық міндет пен мемлекет алдындағы жауапкершілік жөнінде маңызды бағыт-бағдар берілді. Форум аясында пленарлық сессия өтіп, еліміздің құқықтық жүйесі мен қоғамдық-саяси саласында еңбек етіп жүрген жетекші тұлғалар сөз сөйлеп, тәжірибелерімен бөлісті.