Мемлекеттік қызмет істері агенттігінің Түркстан облысы бойынша департаментінің ұйымдастыруымен «Республика жастары: Болашаққа бағдар – елге қызмет» атты жастар форумы өтті. Шараның мақсаты – жастарды еңбексүйгіштікке баулу және кәсіби бағыт-бағдар бере отырып, олардың бойына отансүйгіштік қасиеттерді сіңіру.

Түркістан облысы, Сауран ауданында Мемлекет басшысы Қасым-Жомарт Тоқаевтың бастамасымен жүзеге асырылып жатқан «Келешек мектептері» жобасы аясында №5 жалпы білім беретін мектептің салтанатты ашылуы өтті. Жаңа білім ордасы 600 оқушыға арналған. Салтанатты шараға Түркістан облысының әкімі Нұралхан Көшеров қатысып, құттықтады.

Түркістан облысы Отырар ауданында қыс мезгілінде орын алуы ықтимал төтенше жағдайлардың алдын алу және оларды жою мақсатында «Қыс – 2025» командалық-штабтық оқу-жаттығуы өтті. Іс-шараға Отырар ауданының әкімі Қайрат Жолдыбайұлы қатысып, азаматтық қорғау қызметтері мен барлық жауапты бөлімдердің қысқы кезеңге дайындығын тексерді.

Түркістан облысында жол сапасын арттыру бағытында ауқымды жұмыстар атқарылуда. Мемлекет тарапынан қаржы бөлініп, облыс аумағында жолдарды қайта құру, күрделі және орташа жөндеу жұмыстары жүйелі түрде жүргізіліп жатыр. Алайда ауыр жүк көліктерінің шамадан тыс жүк артып қозғалуы салдарынан жаңадан салынған жолдар зақымданып, олардың мерзімінен бұрын тозуына әкеліп соғуда.

Түркістан облысы Келес ауданының Қошқарата ауылдық округіне қарасты Ұшқын елді мекеніне табиғи газ берілді. Енді ауыл тұрғындары көптен күткен «көгілдір отынды» пайдалана алады. Жалпы газ құбырының ұзындығы 9 шақырымнан асады. 184 үй газға қосылды.

Түлкібас ауданы, Азаттық ауылында заманауи кіші футбол алаңшасының ашылу салтанаты өтті. Іс-шараға аудан әкімі Асқар Естібаев пен аудандық мәслихаттың төрағасы Серғали Сәрсенбаев арнайы қатысып, ауыл тұрғындарын құттықтады.

Түркістан облысында маусымаралық тұтыну кестесі ұсынылды. Сондай-ақ биыл «Фермерлік жылыжайларға қойылатын жалпы техникалық талаптар» мемлекеттік стандарты бекітіліп, қазіргі уақытта 801 жылыжай арнайы сертификаттаудан өтті. Таяуда Түркістан облысы әкімінің орынбасары Нұрбол Тұрашбеков өзі жетекшілік ететін салалар бойынша берілген тапсырмалардың орындалу барысын саралады. Кеңесте жауапты басқарма басшылары өз бағыттары бойынша есеп беріп, өзекті мәселелер мен оларды шешу жолдары талқыланды.

Түркістан қаласында толық жаңғыртудан өткен «Парасат» саябағы жұртшылыққа есігін ашты. Салтанатты шараға арнайы қатысқан Түркістан облысының әкімі Нұралхан Көшеров көпшілікті құттықтап, жылы лебізін білдірді.

Түркістан облысы Бәйдібек ауданының жұмыспен қамту және әлеуметтік бағдарламалар бөліміне қарасты «Отбасын қолдау орталығы» КММ биылғы 9 айда 189 азаматқа (оның ішінде 102 әйел, 87 ер адам) әлеуметтік, құқықтық және психологиялық көмек көрсетті.

Түркістан облысы білім саласындағы ашықтық пен цифрландыруды жетілдіру бағытында маңызды қадамдар жасауда. Облыс әкімі Нұралхан Көшеровтың бастамасымен салаға нақты тапсырмалар беріліп, цифрлық теңсіздік пен жүйесіздікті жою басты міндет ретінде белгіленді. Мәжілісте білім жүйесіндегі күрделі мәселелер талқыланып, шешу жолдары нақтыланды.