Түркістан облысында тарихи-мәдени бағыттарындағы туристік жобалар әлеуеті жанданады. Бұл туралы облыс әкімінің орынбасары Ертай Алтаевтың төрағалығымен өткен мәжілісте талқыланды. Облыс әкімінің орынбасары туристік әлеуетті арттыру бағытындағы жұмысты күшейтуді тапсырды.

Мемлекет басшысы Қасым-Жомарт Тоқаев қылмыстық-атқару жүйесін жетілдіру мен ізгілендіру бойынша нақты шаралар қабылдау қажеттігі жөнінде тапсырма берген болатын. Осыған орай қылмыстық-атқару жүйесіндегі өзекті мәселелер жөненді мәжіліс өтті. Мәжіліске Түркістан облысы әкімінің бірінші орынбасары Зұлпыхар Жолдасов төрағалық етті.

Түркістан облысы Арыс қаласының «Тараз» ықшамауданында жаңа «Келешек мектептері» жобасымен №2 мектеп өз жұмысын бастады. Заманауи білім ошағының ашылуы қаладағы үш мектептегі орын тапшылығы жойылды. Мектеп директоры Талғат Сағатұлының айтуынша, жаңа нысан Мемлекет басшысының бастамасымен жүзеге асқан «Келешек мектептері» бағдарламасы аясында бой көтеріп, биыл жаңа оқу жылының басында пайдалануға берілген.

Түркістан облыстық балалар ауруханасының мамандары тізе буын жарақаттарын артроскопия әдісімен емдеуді меңгеруде. Бұл – үлкен тілік жасамай, арнайы камера және құралдар арқылы орындалатын минималды инвазивті, дәлдігі жоғары заманауи хирургиялық тәсіл. Осы мақсатта ауруханаға артроскопия аппараты орнатылып, тізе буынына тіліксіз ота жасауға толық жағдай жасалды.