Бүгін, сенбі күні, әдеттегідей Шымкентте Түркістан облысымен бірлескен ауыл шаруашылығы өнімдерінің жәрмеңкесі жалғасуда. Жәрмеңкеге жергілікті тауар өндірушілерімен қатар Түркістан облысының Созақ және Шардара аудандарының тауар өндірушілері өз өнімдерін қала тұрғындарына ұсынды.
Миллионды қаланың балғындары көтеріңкі көңіл-күйге бөленді. «Шымкент-Цирк» ұжымының өнерпаздары мен қалалық полиция департаментінің қызметкерлері қала әкімі Ерлан Айтахановтың бастамасын қолдау мақсатында қайырымдылық қойылымын ұсынды.
Шымкент қаласындағы «Көрме орталығында» Құтқарушылар күні қарсаңында салтанатты іс-шара өтті. Аталған мерекелік іс-шараға Шымкент қаласы Төтенше жағдайлар департаментінің, оның ведомстволық бағынысты ұйымдары мен құрылымдық бөлімшелерінің қызметкерлері мен ардагерлері, әкімдік пен қалалық мемлекеттік органдардың қызметкерлері, Мәслихат депутаттары мен «Нұр Отан» партиясының өкілдері қатысты.
Автоәуесқойлар жол қозғалысының теориясы бойынша алдын ала тестілеу емтиханын мамандандырылған ХҚКО-да тапсыра алады. Жыл басынан бері үш мыңға жуық шымкенттік осы мүмкіндікті пайдаланып, жол қозғалысы ережелері бойынша білімін арттырған.
Салық кодексінде интернет арқылы тауарлармен электрондық сауда жасайтын салық төлеушілер үшін корпоративтік табыс салығы мен жеке табыс салығына жаңа жеңілдіктер қарастырылған. Бұл туралы Шымкент қалалық Мемлекеттік кірістер департаменті хабарлама жасады.
«Қазақстанды шетелде татулықтың эталоны ретінде таниды». Шымкенттегі діни конфессия басшыларымен кездесуде қала әкімі осылай деді. Басқосу ашық форматта өтті. Өзара пікір алмасып, дінаралық қарым-қатынас мәселелерін талқылады. Жиын соңында дін басыларына алғыс хаттар мен арнайы сыйлықтар табысталды.
Шымкенттік 400 оқушы әскери тіршіліктің тынысымен танысты. Мұндай мүмкіндікті 35748 әскери бөлімі ұсынды. Оқушылар әскери киімдерден бастап, қару-жарақтың түрімен танысып қана қоймай, казармаларды да аралап шықты. Әскери өмірдің ішкі жұмыстарын көрсеткен ашық есік оқушыларға ұнады.
Шымкенттегі барлық аудандарда «Отбасындағы зорлық-зомбылықсыз Қазақстан» жобасын іске асыру шеңберінде жұмыстар жүргізіліп жатыр. Бұл туралы ақпараттық-коммуникациялық орталықта өткен баспасөз брифингінде Шымкент қаласының отбасы, балалар мен жастар істері жөніндегі басқарма басшысы Ж. Қалтаев айтып, 2019 жылғы атқарылған жұмыстар жөнінде баяндады.