«Түркістан – адалдық алаңы» жобалық кеңсесінің «Сапалы жол - Адалдық алаңы» аясында Төлеби ауданына қарасты Ленгір қаласындағы аудандық маңызы бар КХТЛ-33 «КХТЛ-31-КХ35- Ақайдар Екпінді» көшесі және КХТЛ-31 «Ленгер КХ-82 Шымкент - Сайрам - Қасқасу - Шымкент» көшелерінде жалпы ұзындығы 9,3 шақырым болатын жолдан сынама алынып, мемлекет бюджеті есебінен салынған жолдардың сапасы тексерілді.
Әйелдерге қатысты кемсітушіліктің барлық нысандарын жою туралы конвенция ережесіне сәйкес, жыл сайын 25 қараша күні - Әйелдерге қатысты зорлық-зомбылық көрсетуді жою Халықаралық күні аталып өтіледі. ҚР ІІМ бастамасымен ел аумағында 25 қараша мен 10 желтоқсан аралығында тәртіп сақшылары, жергілікті атқарушы органдар, білім, медицина, еңбек және әлеуметтік қорғау, қоғамдық ұйымдардың қатысуымен «Әйелдерге қатысты зорлық-зомбылықсыз 16 күн» республикалық акциясы өткізілуде.
Түркістан облыстық Полиция департаменті Қазақстан Республикасының Тұңғыш Президенті күніне арналған салтанатты шара өткізді. Жиында полицейлерге Нұрсұлтан Әбішұлы Назарбаевтың өмірі мен қызметі туралы баяндайтын «Елбасы жолы» деректі фильмі көрсетілді.
Түркістанда жасөспірімдер қатысымен болған қылмыс саны 70 пайызға артқан. Әсіресе кәмелектке толмағандардың түн қатып, бейсуат көше кезіп жүруі тиылар емес. Жыл басынан бері рухани шаһарда ата-ана қарауынсыз беймезгіл жүрген 456 жасөспірім анықалды . Оған қоса мектеп оқушылары ұрлық жасап ұсталған. Бұл туралы қалалық әкімдікте құқық қорғау органдарының 10 айлық есебінде айтылды.
Таяуда «Түркістан – адалдық алаңы» жобалық кеңсесінің менеджері Ерұлан Тұңғышбаев шетелдік инвесторларымен «Қазақстан-Ресей-Қырғызстан бірлескен кәсіпорны» акционерлік қоғамы қызметкерлеріне түсіндірме жұмыстарын жүргізді.
Түркістан облысы бойынша мемлекеттік кірістер департаменті шекаралық кеден бекеттердің аумағын кеңейту, толық қайта техникалық жарақтандыру және өткізу қабілеттілігін ұлғайту жұмыстарын жүргізуде. Кедендік әкімшілендіруді оңайлату жөніндегі іс-шаралар жоспарына сәйкес, облыста бірқатар кеден бекеттерінде құрылыс-жөндеу жұмыстары жүріп жатыр.
Түркістан облысының әкімдігі жеті айдан бері жалақы алмаған «Қыран» футбол командасының спортшыларына қатысты мәселеге алаңдаушылық танытуда. Айта кетейік, «Қыран» футбол командасы үш жыл бұрын 10 жыл мерзімге А.Б.Исабаев есімді азаматтың сенімгерлік басқаруына өткен.
Түркістан облысының әкімі Ө.Шөкеевтің төрағалығымен Сыбайлас жемқорлыққа қарсы іс-қимыл жөніндегі комиссияның отырысы өтті. Алқалы жиынға облыс әкімінің орынбасарлары, құқық қорғау органдары мен облыстық басқармалардың басшылары, сондай-ақ бейнеконференц байланыс арқылы аудан-қала әкімдері қатысты.