Жыл соңына дейін Түркістан облысында Елбасының «Рухани жаңғыру» бағдарламасын жүзеге асыру мақсатында 46 жоба мен 168 іс-шара өткізу жоспарланған. Бұл туралы бүгін Түркістан облысының әкімі Жансейіт Түймебаев Орталық коммуникациялық қызметі ұйымдастырған брифингте мәлімдеді. Аймақ басшысы өз сөзінде «Болашаққа бағдар: рухани жаңғыру» мақаласының барлық басым бағыттары бойынша атқарылған нақты жұмыстар мен жүзеге асырылған ауқымды жобаларға кеңінен тоқталды.

2019 жылдың 1 қаңтарынан бастап Түркістан облысындағы 88 кәсіпорында айлық жалақы көтеріліп, ең төменгі жалақы көбейеді. Бұл туралы бүгін Түркістан облысының әкімі Жансейіт Түймебаев «Елбасы Жолдауы мен «Рухани жаңғыру» бағдарламасын жүзеге асыру және Түркістан қаласын дамыту барысы» тақырыбында Орталық коммуникациялар қызметінің Түркістан қаласында тұңғыш рет өткізген көшпелі баспасөз конференциясында мәлімдеді.

Түркістан қаласындағы облыс әкімдігінің мәжіліс залында өңірдегі терроризмге қарсы күрес, құқық бұзушылық профилактикасы және сыбайлас жемқорлыққа қарсы жұмыстарының тиімділігі, сондай-ақ оны жетілдіру жолдары мен проблемалық мәселелері қаралды.

ҚР Мәдениет және спорт министрлігінің қолдауымен «Қазақстандағы тарихи қалалық ландшафтарды сақтауды қолдау» тақырыбында ЮНЕСКО- ның бірінші ұлттық семинары өтті. Семинар Орталық Азия елдеріндегі ЮНЕСКО Бюросы және Нидерландының Мақсатты қоры бастамасымен Қожа Ахмет Ясауи кесенесі мен қазақстандық мұражайлардың іс-шараларын қолдау мақсатында ұйымдастырылған.

Отырар ауданының орталығы Шәуілдірде мың адамға лайықталған жаңа мешіт ашылды. «Есен ана» атауы берілген исі мұсылман баласының ортақ рухани орнын салтанатты түрде ашып, ел игілігіне беруге Қазақстан Мұсылмандары діни басқармасының төрағасы, бас мүфти Серікбай қажы Ораз арнайы қатысып, лентасын қиды.

Отырар ауданында белгілі бапкер, ұлағатты ұстаз Рахмет Талғат Ақтайұлының жүлдесі үшін баскетболдан дәстүрлі облыстық ашық біріншілік басталды. Қасиетті Отырар өлкесінде жастар және жасөспірімдерді салауатты өмір салтына баулу, бұқаралық спортты дамытуда аудандық Балалар мен жасөспірімдер спорт мектебінің ролі орасан зор. Оның ішінде бүгінгі облыстық сайыс өткізіліп отырған спорттың баскетбол түрі ауданда қарқынды дамып келе жатқанын айта кету керек.

Бүгін Түркістан облысының әкімі Жансейіт Түймебаев ҚР ұлттық құрама командасының бас жаттықтырушысы Мырзағали Айтжановты қабылдады. Екеуара әңгімеде Мырзағали Құланұлы өңір басшысына ел құрамасының қазіргі уақытта атқарып отырған жұмысы мен Түркістан облысында бокс спорт түрінің дамуы туралы баяндады.

Бүгін Түркістан облысының әкімі Жансейіт Түймебаев Қазақстандағы іскер әйелдер қауымдастығының президенті Раушан Сәрсембаева мен қауымдастықтың Түркістан облысы мен Шымкент қаласындағы өкілдіктерінің жетекші ханымдары Құралай Бекенова, Инара Намазбаева, Эльмира Созақбаева сынды бірқатар іскер әйелдермен кездесті.Бұл туралы «AQ-QARA.KZ» ақпарат агенттігі хабарлайды «ontustik.gov.kz» сайтына сілтеме жасап. 

Ауданда жайылым жердің тарлығына қарамастан шаруалар жылқы басын көбейтудің өзіндік есебін тауып отыр. Солардың бірі – Мақталы ауыл округі Жайлаукөл елдімекеніндегі «С-Тастаната» шаруа қожалығы. 

2025 жылға қарай Арыс қаласы тұрғындарының 95%-ы газбен қамтамасыз етілетін болады. Елді мекендерге «көгілдір отынды» жеткізуді «Бейнеу-Бозой-Ақбұлақ» газ құбырының тармағы қамтамасыз етеді.