Түркістан облысына қарасты Келес аудандық мәдениет үйінде 1 – желтоқсан Қазақстан Республикасының Тұңғыш Президент күні мерекесіне арналған «Елбасы – ел тірегі» атты мерекелік іс-шара болып өтті.
Түркістан облысы Сарыағаш аудандық орталық кітапханасы мен Сарыағаш аудандық соты бірлесе отырып, «Coworking» орталығында 1 желтоқсан Қазақстан Республикасының Тұңғыш Президенті күніне орай «Жырым саған арналады, Елбасы!» атты байқау ұйымдастырды.
Таяуда Жетісайда аудандық «Жастар ресурстық орталығының» ұйымдастыруымен «Екі жұлдыз» ән байқауы өтті. Байқаудың алғашқы кезеңінде 28 жұп қатысып, ақтық сында 7 жұп өнер көрсетті. Ән байқауы 1 желтоқсан – Қазақстан Республикасының Тұңғыш Президенті күні мерекесіне орайластырып ұйымдастырылғанын айта кетейік.
Облыс әкімінің арнайы тапсырмасына сәйкес, халыққа мәдени, рухани, діни тұрғыда түсіндіру жұмыстарын жүргізу мақсатында облыс аумағында ұйымдастырылып жатқан «Дәстүрлі құндылықтар керуені» тақырыбындағы көшпелі жиын Арыс қаласына келді.
Елбасы Н.Назарбаев «Ұлы даланың жеті қыры» атты мақаласына орай Түркістан облысының Өңірлік коммуникациялық қызметінде баспасөз мәслихаты өтті. Брифингке қатысқан «Сақ» киностудиясының директоры Нұриддин Пәттеев Президент мақаласындағы қойылған мақсаттар төңірегінде Түркістан облысында жүзеге асқан жобаларға тоқталды.
Қ.Жандарбеков атындағы Жетісай драма театрының шығармашылық ұжымы 10-14 қараша аралығында Өскемен қаласында өткізілген Мемлекеттік «Дарын» сыйлығының лауреаты, актер, ақын Рүстем Есдаулетов атындағы кіші формадағы сахналағанған спектакльдердің ІІ республикалық театр фестиваліне қатысып қайтты.
Қ.А.Ясауи атындағы ХҚТУ-ң Мәдениет сарайында Елбасы Н.Назарбаевтың «Рухани жаңғыру» мақаласы аясында «Махаббат мұнарасы» мюзиклінің премьерасы өтті. Облыстық мәдениет және тілдерді дамыту басқармасы мен облыстық опера және балет театрының ұйымдастыруымен алғаш рет өткізіліп отырған туындыны тамашалауға зиялы қауым мен аталған жоғары оқу орнының оқытушы құрамы және студенттері, БАҚ өкілдері қатысты. Қойылымның ашылу салтанатында облыс әкімі Жансейіт Түймебаев құттықтау сөзін арнап, театр ұжымына шығармашылық табыстар тіледі.
Елбасының «Болашаққа бағдар: рухани жаңғыру» атты бағдарламалық мақаласы және «25 қазан – Біріккен Ұлттар Ұйымымен құрылған, әйелдерге қатысты зорлық-зомбылықты жоюға арналған халықаралық күрес күніне» орай Арыс қаласының ішкі саясат бөлімінің ұйымдастыруымен қазақтың мәдени мұрасын сақтау, салт-дәстүрлерін насихаттау, отбасылық құндылықтарды көрсету және кеңінен насихаттау, дарындыларға қолдау көрсету мақсатында «Отан – отбасынан басталады» атты байқау өтті.